कलस्सी 2:7 - ल्होमी7 खीत्रङ्गी धेप्प दी ज्यीक्तु डोज्येल धेप्पे ढादक् दी खोङ्ल गन्दीक्म च्यङ्न, चव छुन युङ्न, खीत्रङ्ल ॱलबे ॱलोप्स दील पीब खीत्रङ्गी छ्य स्यक्प दी डम्दु डोज्ये यो़प्प झ्यीज्यीत्। ॱनी खीत्रङ्गी को़न्ज्योक्ल थु छ्यी ज्येबर् पु पुब झ्यीज्यीत्। Faic an caibideil |
कलस्सी 2:7
31 Iomraidhean Croise
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
मीत् डीक्केङ्गी ॱलोप्स यो़च्चो़त् ज्यबल नेन्न खीत्रङ् ॱमत् छ्यी़ज्यीत्। समे ढीक्ल यो़प्पे क घयेत्ल चीन युङे लम्नी हज्यरङ् डम्दु मीत् डोगेन् बेत्। हज्यरङ् डम्दु दील को़न्ज्योक्की थुज्यी ॱनङ्नी क, हस्सो़त् युङ्गेन् बेत्। हुन्दुक् झ्यीबे कल चीन युङे मी घयेत्ल हुगी फेन् ॱमत् थोब बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
खीत्रङ् नङ्दु झ्यम्बे झ्यील्लप् सये यङ्ल खीत्रङ्गी घुङ्दु हुब छ्युल नक्तुक् स्युब डस्सी यो़क्केन् बेत्। हुब ङु छय मीप्प, सय धङ् थुङल मो़स्सक् ॱस्यो़क्केन् रोरङ् च्यीक्पु ढो़क्कोक् केङ्गेङ्गी डोक्पा डस्सी, ॱलुङ्गी खुर् डोगेन् घो ॱमीत् छ्यो़क्की ॱमुब डस्सी, तो़म्बु डलु ॱमीत् छ्यागेङ्गी दोङ्बु डस्सी धङ् चवनी पीक्न पुर् तङे दोङ्बु ॱस्यीनरदङ् छ्येत्मीक्की मी हुब बेत्।
Sanasan