Biblia Todo Logo
Bìoball air-loidhne

- Sanasan -




कलस्‍सी 2:6 - ल्होमी

6 खीत्‍रङ् चोव ज्‍यीन्‍दक् ख्रीष्‍ट् येशुगी लम्‍ल युङ्‌न यो़क्‍केन् झ्‍यीनी, हुल ओ़बे छ्‌यलु झ्‍यीन खोङ्‌दङ् मत् ढेब दो़च्‍च्‍यीत्।

Faic an caibideil Dèan lethbhreac




कलस्‍सी 2:6
22 Iomraidhean Croise  

खीत्‍रङ्‌ल थोङ् झ्‍यीक्‍केन् दीगी ङल अक् झ्‍यीबल डोगेन् बेत्। ॱनी ङल थोङ् झ्‍यीक्‍केन् दीगी ङ तोङ्‌गेल्‍ल आक् थोङ् झ्‍यीबल डोगेन् बेत्।


ङे खीत्‍रङ्‌ल गन्‍दीय ॱस्‍येत् योङ्। ङे को़न तङे मील थोङ् झ्‍यीक्‍केन् दीगी ङल अक् झ्‍यीबल डोगेन् बेत्। ॱनी ङल थोङ् झ्‍यीक्‍केन् दीगी ङ तोङ्‌गेल्‍ल आक् थोङ् झ्‍यीबल डोगेन् बेत्।


ॱनी येशुगी हुल लम्, दीम्‍ब धङ् छीये खुङ् दी ङ हीन्। ङ च्‍यानी फीन्‍न मेन्‍द, स्‍येन् ॱसु उक् यप् च्‍याल ॱलीत् ॱमीत् छुगेन् बेत्।


ॱनी खीत्‍रङ् ख्रीष्‍ट् येशुदङ् मत् ढेबल स्‍योक्‍केन् दी को़न्‍ज्‍योक् बेत्। खोङ्‌गी हज्‍यरङ्‌गी झ्‍यी़रीक्‍ल ख्रीष्‍ट् ॱनङ बेत्। ॱनी हज्‍यरङ् ॱनम्‍बर् धक्‍पल तो़ङ्‌गेन्, धक्‍पर् हीम्‍बल सोगेन् धङ् दीक्‍पनी ॱलुगेन् दी इक् ख्रीष्‍ट् बेत्।


ॱनी हुगो ॱमीक्‍की थोङ्‌गेङ्‌गी लेमुल तेन डोगेन् डस्‍सी मेम्‍ब, छ्‌य स्‍यक्‍पे लुनी हज्‍यरङ् डो गोगेन् बेत्।


ङ ख्रीष्‍ट्‌तङ् दल कुरुस्‍ल तान ॱस्‍यीनरदङ् च्‍यीक्‍प हीन्। हीगो झ्‍यीनी ङ ॱसोम्‍बु मेन्। ङे मीजी च्‍योङ्‌गेन्, ङे ॱसीम्‍ल ख्रीष्‍ट् ॱसोम्‍बु यो़त्। ङ ॱस्‍यस्‍सी़ हील यो़स्‍स्‍यीङ् भोर्ल ङल झ्‍यम्‍ब जेक्‍केन्, ङे धो़न्‍दु ॱरोक् च्‍यो़गेन् को़न्‍ज्‍योक्‍की ॱरेबुल ङ ॱलो केन दो़क्‍को़त्।


ख्रीष्‍ट्‌ल छ्‌य स्‍यक्‍पे लम्‍नी खीत्‍रङ् घयेत् को़न्‍ज्‍योक्‍की भीजल झ्‍युङ्‌न, हुन्‍दो ख्रीष्‍ट्‌तङ् मत् ढेब यो़क्‍केन् बेत्।


चोव ज्‍यीन्‍दक्‍की ढीक्‍ल चो़ल्‍ल ॱस्‍योरे चो़म्‍बा ङे खीत्‍रङ्‌गी मीजीगी छ्‌यलु दी को़न्‍ज्‍योक्‍की भो़बल ओ़ब युङ झ्‍यीज्‍यीत् सीन्‍न सीक्‍को़दो।


ॱनी घन्‍ड झ्‍युङ्‌ज्‍यङ्, खीत्‍रङ्‌गी मीजीगी छ्‌यलु दी ख्रीष्‍ट्‌की केच्‍च्‍य ॱनेम्‍बुल ओ़ब युङ झ्‍यीज्‍यीत्। म दी ङ खीत्‍रङ्‌दङ् ठेत्‍न आक्, ॱमत् ठेत्‍न आक्, खीत्‍रङ् घयेत् ॱसीम् च्‍यीक् ली़ च्‍यीक् झ्‍यीन छ्‌य स्‍यक्‍पे लम्‍ल डोवल ढो़गो च्‍यीक्‍ल देत्‍न,


ॱनी खीत्‍रङ्‌गी मीजीगी छ्‌यलु दी चोव ज्‍यीन्‍दक्‍ल ओ़ब युङ्‌ज्‍ये यो़प्‍प धङ् हीनी छीगङ् खीत्‍रङ्‌गी चोव ज्‍यीन्‍दक् थु गुवे ले झ्‍यीत् छुज्‍ये यो़प्‍प धङ् गये लेगी ढङ्‌गी डेबु छ्‌याज्‍ये यो़प्‍प धङ् को़न्‍ज्‍योक्‍की थुरीक् हरुङ् ज्‍यीक्‍तु ॱह घोज्‍ये यो़प्‍प तोङ्।


ॱनी चोव ज्‍यीन्‍दक् येशुगी लम्‍नी यप् को़न्‍ज्‍योक्‍ल खीत्‍रङ्‌गी छीगङ् थु छ्‌यी पु पुब झ्‍यीन खीत्‍रङ्‌गी तम् लप्‍लु दी धङ् ले झ्‍यीत्‍लु दी चोव ज्‍यीन्‍दक् येशुगी मी हीम्‍ब डस्‍सी झ्‍यीन युङ् गोगेन् बेत्।


हरुङ् पी़न्‍ज्‍यासो, को़न्‍ज्‍योक् गुवे मीजीगी लेमु खीत्‍रङ्‌गी ङीत् च्‍यानी ॱस्‍यीगेन् बेत्। ॱनी हुगो डस्‍सी दीरङ् खीत्‍रङ्‌गी झ्‍यीक्‍को़प्‍पेत्। ॱनी हरुङ् मङ्‌दु मङ्‌दु झ्‍यीज्‍यीत् सीन्‍न ङीत् चोव ज्‍यीन्‍दक् येशुगी छेन्‍नी ॱलोप्‍स ज्‍यक्‍केन् हीनो।


गोम ॱलो खीन युङ डस्‍सी हज्‍यरङ् मीजी भोरी ख्रीष्‍ट्‌ल ॱलो केन थीरी देत्‍न ॱनी, हज्‍यरङ् खोङ्‌दङ् दल कङ्‌ज्‍यीक्‍प यो़प्‍पल डोगेन् बेत्।


को़न्‍ज्‍योक्‍की ॱरेबु झ्‍यो़न्‍नी क, हस्‍सो़त् हज्‍यरङ्‌ल दीम्‍बरङ्‌गी को़न्‍ज्‍योक् ङु ॱस्‍यीज्‍ये यो़प्‍पे ॱसीम् ॱनङ हीम्‍ब हज्‍यरङ्‌ल ॱस्‍यो़च्‍च्‍ये यो़क्‍केन् बेत्। हज्‍यरङ् दीम्‍ब ङो़ल खोङ्‌गी ॱरेबु येशु ख्रीष्‍ट्‌तङ् मत् ढेब यो़क्‍केन् बेत्। ॱनी खोङ् क दीम्‍बरङ्‌गी को़न्‍ज्‍योक् दी धङ् फु तक्‍पे छी दी बेत्।


झ्‍यम्‍बे मीसो, हज्‍यरङ्‌गी थर्वे लम् दी च्‍यीक् बेत्। ॱनी हीगी थर्वे लम् हीगी ढीक्‍ल एल्‍लानीरङ् ङे यीगी च्‍यीक् ढीगीन् थेस्‍सी झ्‍युङ्। ॱनी हीगो को़न्‍ज्‍योक्‍की मी चङ्‌म घयेत्‍ल फुगी ढीक्‍ल ॱनङे छ्‌य स्‍यक्‍पे लम् दी खीत्‍रङ्‌गी तोर्तु ॱमत् ची़प्‍प, दक्‍पु झ्‍यीन हुल मीत् डीक्‍पे लेमु युङ्‌गेन् घयेत्‍तङ् थुक्‍च्‍यीत् सीन्‍न ॱलोप्‍स ज्‍यक्‍पे तीम्‍मल हीगो ढी गो़ झ्‍युङ्।


Lean sinn:

Sanasan


Sanasan