कलस्सी 1:7 - ल्होमी7 हीगी थुज्यीगी केच्च्य हीगो खीत्रङ्गी इपाफ्रास् च्यानी ॱह घोव बेत्। खोङ्जो ङीक्की झ्यम्बे ले च्यीक्की छ्यीट्टो खीत्रङ्गी ढीक्ल ख्रीष्ट्की ॱयोक्पु तेम्बोक्म झ्यीक्केङ्गी मी च्यीक् बेत्। Faic an caibideil |
कलस्सी 1:7
19 Iomraidhean Croise
हुनी ज्यीन्दक् दीगी हुल ॱस्यङ्ज्युङ्। युङेत्। रङ् ॱयोक्पु गङ्ज्येन् तेम्बर् च्येम्म दुक्। ङे रङ्ल ले च्युङेत्मु च्यीक् को़न स्यक्पल रङ्गी हुगी गेन् खुर्न तेन्देन् झ्यीन युङ्दुक्। ह रङ् हीले छ्यीयाल को़न स्योक्केन्। रङ् रङ्गी ज्यीन्दक्तङ् दल गेस झ्यीस्सल ॱस्योक् झ्यीब बेत्।
हीगी ढीक्ल चोव ज्यीन्दक्तङ् मत् ढेब, तेम्बर् यो़क्केन् ङे झ्यम्बे भु तीमोथी खीत्रङ् च्याल तोङ्गेन्। ॱनी रोगी खीत्रङ्ल हुदु ख्रीष्ट् येशुदङ् मत् ढेबल यो़प्पे ङे मीजीगी छ्यलु घयेत् दी ॱस्येत्न, हुदु खीत्रङ्ल धङ् छ्यो़ छो ॱयोङ् ॱयोङ्ल ङे ॱलोप्स ज्यब घयेत् दी ढेन्सो़ ॱलोङ्गेन् बेत्।
ॱनी खीत्रङ् च्येन्नी युङे मी ख्रीष्ट् येशुगी ॱयोक्पु इपाफ्रास्की खीत्रङ्ल छ्यक्सुम् थेमु सीगुगो। को़न्ज्योक्की थुल यो़प्पे केच्च्य दी खीत्रङ्गी कुरीक् ॱह घोज्ये यो़प्प धङ् फी़न्सुम् छङल ॱसोङ्न खोङ्गी लम्ल तेम्बर् झ्यीन डो छुज्ये यो़प्पल इपाफ्रास्की खीत्रङ्गी ढीक्ल छीगङ् गन्दीक्म ॱसुव तोप्कुगो।
ङे ॱस्येप्पे केच्च्य घयेत् हीगो रङ्गी उन यो़प्पे पी़न्ज्या घयेत्ल ॱस्येत्न बीन्न ॱनी, रङ् ख्रीष्ट् येशुगी स्यप्च्यी़ब गङ्ज्येन् हीम्ब युङ्गेन् बेत्। हुनी रङ्गी छ्य स्यक्पे लेमी़ केच्च्ये लम् दीनी धङ् रङ्गी चीन युङे दीम्बे ॱलोप्स दीनी रङ्गी ॱसीम्ल आक् खङ्गी डुप्केन् बेत्।
Sanasan