कलस्सी 1:5 - ल्होमी5 खीत्रङ्गी ढीक्ल तेङ् यी़न दक्सुम् झ्यीन स्यक्न यो़प्प दी गन्दीय थोप्केन् बेत् ॱनो़बे रीगो दी खीत्रङ्ल यो़क्केन् झ्यीनी, हुनी क खीत्रङ्गी हुगो डस्सीगी लेमु झ्यीक्केन् बेत्। हीगी रीगो हीगो खीत्रङ्गी गोम दीम्बे केच्च्य ॱह घोवे यङ्नीरङ् झ्यी ॱस्यीदुक्। Faic an caibideil |
कलस्सी 1:5
33 Iomraidhean Croise
ॱनी हुगी छ्यो़गी छोक्तेङ्गी मी घयेत् दी यरी सदुकी, यरी फरीसी यो़प्प पावल्की ॱह घोनी ॱनी, रोगी केत् छ्यीम्मु तो़न्न हुब घयेत्ल फम पी़न्सो, ङ फरीसीगी भु फरीसी हीन्। मी ॱस्यीन खुर घयेत् को़न्ज्योक्की ॱसोम्बुल ॱलोङ्गेन् बेत् सीरल रीगो झ्यीप्पे ढीक्ल ङल हीगी खम्ज्यु हीगो ज्यप्च्युङ् झ्यीब बेत्।
हुबे हुन्दुक् झ्यीन दीम्बे केच्च्य ॱनेम्बुल मीत् डीक्पे लुस झ्यीप्प ङे थोङ्नी हुदु ॱयोङ्म कुरीक्की थोङ्सदु ङे पत्रुस्ल रङ् यहुदी बेत्। ॱनी हीन्न अक्, यहुदीगी छ्यलु दी फङ्न स्यक्नी ज्यी़त् ॱयोङ्गी छ्यलु डस्सी रङ्गी झ्यीक्केन् बेत्। ॱनी यङ् रङ्गी हुन्दुक् झ्यीबे लेमु झ्यीन ज्यी़त् ॱयोङ्गी पी़न्ज्या घयेत्ल अक् यहुदीगी छ्यलु डस्सी झ्यीत्तु ची़क्केन्?
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
ङीक्की हुदु ॱस्येप्पे केच्च्य दील खीत्रङ्गी हीगो मी केच्च्य मेम्ब, को़न्ज्योक्की ॱसुङ्स्येत् बेत् ॱनो़ब ॱसम्न नेन्सोङ्। ॱनी हुगो खुङ्देन् को़न्ज्योक्की ॱसुङ्स्येत् दीरङ् बेत्। ॱनी हीगी खीत्रङ् छ्य स्योक्केन् घयेक्की ॱसीम्ल फेन् थोगेङ्गी ले डुप्केन् बेत्। हीगी ढीक्ल अक् ङीक्की को़न्ज्योक्ल छीगङ् थु छ्यी पु पुब झ्यीक्को़त्।
Sanasan