कलस्‍सी 1:3 - ल्होमी

³ खीत्‍रङ्‌गी ढीक्‍ल ङीक्‍की ॱसुव तोबे यङ्‌ल ङीक्‍की हज्‍यरङ्‌गी को़न्‍ज्‍योक्, चोव ज्‍यीन्‍दक् येशु ख्रीष्‍ट्‌की यप्‍ल छीगङ् थु छ्‌यी पु पुब झ्‍यीक्‍को़त्।

कलस्‍सी 1:3 Iomraidhean Croise

रोमी 15:6

हुनी क खीत्‍रङ्‌गी ॱसीम् च्‍यीक् ली़ च्‍यीक् झ्‍यीन ख च्‍यीक्‍नी थो़म्‍ब डस्‍सी झ्‍यीन चोव ज्‍यीन्‍दक् येशु ख्रीष्‍ट्‌की यप्, को़न्‍ज्‍योक्‍ल तो़प्‍प पु छुगेन् बेत्।

१ कोरीन्‍थी 1:4

ख्रीष्‍ट् येशुगी लम्‍नी खीत्‍रङ्‌ल को़न्‍ज्‍योक्‍की थुज्‍यी ॱनङ्‌न यो़क्‍केन् झ्‍यीनी, ङे छीगङ् खीत्‍रङ् घयेक्‍की ढीक्‍ल को़न्‍ज्‍योक्‍ल थु छ्‌यी पु पुब झ्‍यीक्‍को़त्।

२ कोरीन्‍थी 1:3

ॱलोप्‍स्‍यीक् छङ्‌म च्‍येम्‍मे को़न्‍ज्‍योक्, ॱङीङ्‌ज्‍यी छ्‌यीम्‍मु च्‍येम्‍मे यप्, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की यप् को़न्‍ज्‍योक्‍ल यस्‍सो धङ् तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्।

एफीसस् 1:15

चोव ज्‍यीन्‍दक् येशुल खीत्‍रङ्‌गी छ्‌य स्‍यक्‍न युङे लेमु धङ् को़न्‍ज्‍योक्‍की मी चङ्‌म घयेत्‍ल खीत्‍रङ्‌गी झ्‍यम्‍ब झ्‍यीन युङे लेमु ङे ॱह घोनी

एफीसस् 6:18

धम्‍बे थुगी लम् ज्‍यी़त्‍नी छीगङ् छङ्‌म थम्‍ज्‍येक्‍की ढीक्‍ल ॱसुव तप्‍न स्‍युदेन् ज्‍यप् ज्‍यब झ्‍यीज्‍यीत्। हीगी ढीक्‍ल ॱसीम् च्‍यङ्‌जो़त् झ्‍यीन को़न्‍ज्‍योक्‍की मी चङ्‌म घयेक्‍की ढीक्‍ल धु च्‍यङ्‌न ॱसुव तप् तब झ्‍यीज्‍यीत्।

फीलीप्‍पी 4:6

घन्‍डे ढीक्‍ल अक् च्‍युगा मत् झ्‍यीज्‍यीत्। नम् घन्‍दुक् झ्‍यीब झ्‍युङ्‌न अक्, खीत्‍रङ्‌ल घङ् गो़बे खोज्‍येत् घयेक्‍की ढीक्‍ल को़न्‍ज्‍योक्‍ल ॱसुव तप्‍न थु छ्‌यी पुन स्‍युव ज्‍योप्‍च्‍यीत्।

कलस्‍सी 1:13

खोङ्‌गी हज्‍यरङ् घयेत् मेन्‍नक्‍की ॱवङ्‌गी लक्‍नी या टेन खोङ् रोरङ्‌गी झ्‍यम्‍बे ॱरेबी़ ज्‍यागक्‍ल ठीक्‍न हुन्‍दो हीन यो़क्‍केन् बेत्।

कलस्‍सी 1:9

ॱनी हुगी केच्‍च्‍य हुगो घोनी ङीक्‍की खीत्‍रङ्‌गी ढीक्‍ल छीगङ् ॱसुव तप् तब झ्‍यीक्‍को़त्। को़न्‍ज्‍योक्‍की थुल घङ् यो़प्‍प दी जेङ् खीत्‍रङ्‌गी गन्‍दीक्‍म ॱह घोन खेसील थो़न्‍ज्‍ये यो़प्‍प धङ् धम्‍बे थुगी धो़र्रीक् थोज्‍ये यो़प्‍प तोङ्।

१ थीस्‍सलोनीका 1:2

ङीक्‍की ॱसुव तोबे यङ्‌ल खीत्‍रङ् ढेन्‍सो़ झ्‍यीन खीत्‍रङ्‌गी ढीक्‍ल छीगङ् को़न्‍ज्‍योक्‍ल थु छ्‌यी पु पुब झ्‍यीक्‍को़त्।

२ तीमोथी 1:3

एल्‍ला ङे पुबु ॱमुमी़ झ्‍यीन युङ डस्‍सी ङे एक् ॱसीम् सङ्‌बु खुर्न ॱनोङ् मीत् युङे लेमु झ्‍यीन को़न्‍ज्‍योक्‍ल धेप्‍प झ्‍यीक्‍को़त्। हुनी ङे ङीन् छेन् मीप्‍प छीगङ् ॱसुव तोबे यङ्‌ल रङ् ढेन्‍सो़ झ्‍यीन, रङ्‌गी ढीक्‍ल को़न्‍ज्‍योक्‍ल थु छ्‌यी पु पुब झ्‍यीक्‍को़त्।