Biblia Todo Logo
Bìoball air-loidhne

- Sanasan -




ठीक्‍नल 9:16 - ल्होमी

16 ॱनी हुल ङे मीङ्‌गी ढीक्‍ल घन्‍दुक्‍मे दुक्‍प नोङ्‌गेन् बेक्‍क हुगो ङे ॱह घोदु ची़क्‍केन् सीन्‍न ॱङान तङ बेत्।

Faic an caibideil Dèan lethbhreac




ठीक्‍नल 9:16
22 Iomraidhean Croise  

हुनी खीत्‍रङ् यरी सुङ्‌न, यरील दुक्‍प अयेक्‍प तोङ्‌गेन् बेत्। यरी ॱसो़क्‍केन् बेत्। ङे मीङ्‌गी ढीक्‍ल ज्‍यी़त् कुरीक्‍की मी घयेत् खीत्‍रङ्‌गी डल लोङ्‌गेन् बेत्।


ङे ढीक्‍ल खीत्‍रङ्‌ल मी ॱयोङ्‌मागी ॱमो़म्‍बी़त् धङ् दुक्‍प अयेक्‍प तङ्‌न खीत्‍रङ्‌ल ॱएलमे तम् अयेक्‍प लप्‍न युङल खीत्‍रङ् ॱसोदी च्‍येम्‍मल ॱनेगेन् बेगो।


खीत्‍रङ्‌ल ङे एल्‍लादु ज्‍यीन्‍दक्‍ले ॱयोक्‍पु छ्‌यीया मीत् युङ्‌गेन् बेत् सीन्‍न ॱस्‍येप्‍प दी ढेन्‍सो़ झ्‍यीज्‍यीत्। ङल हुबे अयेक्‍प झ्‍यीन ॱनी, खीत्‍रङ्‌ल आक् हुबे अयेक्‍प झ्‍यीक्‍केन् बेत्। ॱनी मी ॱसी़ ङे केच्‍च्‍यल नेङ्‌गुक्‍क हुगी खीत्‍रङ्‌गी केच्‍च्‍यल आक् नेङ्‌गेन् बेत्।


हुगी सार् ॱसुम्‍बु दीन येशुगी ॱलोप्‍टुक्‍ल स्‍युन यो़प्‍प घयेत्‍ल पावल्‍सो़ ॱलोप्‍स्‍यीक् टेत्‍न छ्‌य स्‍यक्‍पे लम्‍ल थीरी दो़च्‍च्‍यीत् सीन्‍न ॱस्‍येप्‍प बेत्। को़न्‍ज्‍योक्‍की ज्‍यागक्‍ल स्‍युक्‍पल हज्‍यरङ्‌ल दुक्‍स्‍यी गज्‍येन् नोङ्‌गेन् बेत्। ॱनी हुगी दुक्‍स्‍यी हुगो गुर्न डो गोगेन् बेत् सीन्‍न ॱस्‍येत्‍न स्‍यक्‍प बेत्।


ॱलीत्‍नी हुगी पावल्‍की कबु दी लीन्‍न हुगी रोरङ्‌गी कङ्‌ब लक्‍प दी कीङ्‌न हीन्‍दुक् झ्‍यीब बेत्। धम्‍बे थुगी हीन्‍दुक् ॱसुङ्‌गुक्। हीगी कबु हीगी दक्‍पु दी यरुशलेम्‍दु यहुदी घयेक्‍की हीन्‍दुक् झ्‍यीन कीङ्‌न ज्‍यी़त् ॱयोङ्‌गी लक्‍ल ची ज्‍यक्‍को़त् सीन्‍न ॱस्‍येप्‍प बेत्।


ॱनी पावल्‍की लेम्‍बुल खीत् घयेत् ङी़न घन्‍डल ङे ॱसीम्‍ब ठुदु ची़क्‍केन्। ङ चोव ज्‍यीन्‍दक् येशुगी छेङ्‌गी ढीक्‍ल कीङ छ्‌युवक् मेम्‍ब, यरुशलेम्‍दु ॱस्‍यी गो़रङ् ॱस्‍यर्न आक्, ङे ॱरोक् हीगो च्‍यो़गेन् सीन्‍न झ्‍यीब बेत्।


ॱनी हुगो झ्‍यीनी ङीत् हुदु ढु दीनी थो़न्‍न हुगी सार्न ॱलोप्‍टुक्‍ल स्‍युन यो़प्‍प घयेत् चर च्‍येत्‍न, हुब घयेत्‍तङ् स्‍यक्‍पु दी़न् देप्‍पेन्। ॱनी हुदु धम्‍बे थुगी झ्‍यीन हुबे पावल्‍ल यरुशलेम्‍ल मत् डो सीन्‍न स्‍युव ज्‍यब बेत्।


हुगी हुनी छ्‌यो़प्‍पो़न् चो छ्‌यीया घयेत् च्‍यानी ॱहक् लीन्‍न नीज्‍यरङ्‌गी छेन् डेन् ज्‍यप्‍न युङ्‌गेन् घयेत् कीङ्‌न ठीक्‍तु हीदु उक् ॱलीत्‍तुक् सीन्‍न झ्‍यीब बेत्।


ह लोङ्‌ल रङ् हुगी सार् हुल ज्‍युक्। रङ्‌गी घन्‍ड झ्‍यीत् गोगेन् बेक्‍क रङ्‌ल हुदु ॱङक्‍केन् बेत् सीन्‍न ॱस्‍येप्‍प बेत्।


घन्‍डरङ् झ्‍युङ्‌न अक्, ङीत् को़न्‍ज्‍योक्‍की ॱयोक्‍पु ॱङो़न्‍ने हीम्‍बल थो़ङ्‌गो़त्। गुर् थेक्‍पल, छ्‌यी मी दुक्‍प अयेक्‍प तङल, दुक्‍स्‍यी नोङल, घाबे कप्‍ल,


हुगो झ्‍यीनी ङल हीगो डस्‍सीगी दुक्‍प छीगङ् नोङ्‌गुक्। ॱनी हीन्‍न अक्, हीगी ढीक्‍ल ङ ङु छय मीत् झ्‍यीत्। घन्‍ड हीन् सीन्‍न ङे ॱसुल छ्‌य स्‍यक्‍तुक्‍क हुगो ङे ङु ॱस्‍यीगो़त्। ङे गेल्‍ल खोङ्‌गी घङ् स्‍यक्‍न यो़प्‍प दी खोङ् रोरङ् झ्‍यो़म्‍बे ङीन् थुक्‍ल खोङ्‌गी छ्‌योप्‍न स्‍योक् छुगेन् हीम्‍बल ङ ॱलो खीन यो़त्।


ॱनी ङल एन्‍टीयोक्, आइकोनीयम् धङ् लीस्‍तरा सार्तु घन्‍दुक्‍मे दुक्‍प अयेक्‍प तङ्‌सोङ, हुगो ङे घन्‍दुक्‍मे गुर् थेक्‍प झ्‍यीसोङ हुगो कुरीक् रङ्‌गी थोङ्‌न ॱस्‍यो़च्‍च्‍ये यो़क्‍केन् बेत्। ॱनी हुन्‍दुक्‍मे दुक्‍प अयेक्‍प घयेक्‍की लक्‍नी चोव ज्‍यीन्‍दक्‍की ङ छ्‌यीज्‍युङ्।


छ्‌यी मी घयेक्‍की खीत्‍रङ्‌ल ख्रीष्‍ट्‌की छेङ्‌गी ढीक्‍ल ङेन्‍दम् लप्‍च्‍युङ्‌न ॱनी, खीत्‍रङ् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न तो़त्‍वङ्‌गी ओ़च्‍च्‍य छ्‌यीम्‍मु च्‍येम्‍मे को़न्‍ज्‍योक्‍की थु खीत्‍रङ्‌ल स्‍युन यो़क्‍केन् बेत्।


खीत्‍रङ्‌गी पी़न्‍ज्‍या ङ युहन्‍ना येशुदङ् मत् ढेब यो़प्‍पल खोङ्‌गी ढीक्‍ल दुक्‍प धङ् खोङ्‌गी ज्‍यागक्‍की मीस्‍सीर् हीम्‍बल धङ् गुर् थेक्‍पल खीत्‍रङ्‌दङ् कीदुक् च्‍यीक्‍प यो़त्। को़न्‍ज्‍योक्‍की केच्‍च्‍य धङ् येशुगी ढीक्‍की केच्‍च्‍य ॱस्‍येप्‍पे ढीक्‍ल ङ छ्‌यु ज्‍यम्‍जो छ्‌यीम्‍मी़ घुङ्‌गी ॱसने पत्‍मोस् झ्‍यीस्‍स च्‍यीक्‍तु च्‍येज्‍युङ्।


Lean sinn:

Sanasan


Sanasan