ठीक्‍नल 9:10 - ल्होमी

¹⁰ ॱनी हुगी दमस्‍कस् दीन येशुगी ॱलोप्‍टुक्‍ल स्‍युबे हननीया सीक्‍केन् च्‍यीक् यो़प्‍प बेत्। ॱनी हुल थोङ्‌नङ् च्‍यीक्‍ल चोव ज्‍यीन्‍दक्‍की ॱवे हननीया सीन्‍न झ्‍यीब बेत्। ॱनी हीगी लेल्‍ल हननीयागी ला चोव ज्‍यीन्‍दक् सीन्‍न झ्‍यीब बेत्।

ठीक्‍नल 9:10 Iomraidhean Croise

ठीक्‍नल 10:3

ॱनी ङीन् च्‍यीक् ङीम्‍मु छ्‌युजो़त् ॱसुम्‍गी छो़त् च्‍यीक्‍ल कर्नीलीयस्‍की थोङ्‌नङ् च्‍यीक् ॱसेसी थोङ बेत्। हुगी थोङ्‌नङ् दील को़न्‍ज्‍योक्‍की तेङ् यी़गी भङ्‌ज्‍येम्‍ब च्‍यीक् इगीनी मल्‍ल भप्‍न युङ्‌न, ॱवे कर्नीलीयस् सीन्‍न झ्‍यीब बेत्।

ठीक्‍नल 11:5

ङ खच्‍चङ् योप्‍पादु दो़प्‍पे यङ्‌ल ङीम्‍मु ङ ॱसुव तोप्‍कीन् यो़त्। ॱनी ङ हीन्‍दुक्‍रङ् ढेम्‍ब यङ्‌मीक्‍म डस्‍सील फीन्‍न थोङ्‌नङ् च्‍यीक् थोङ्‌ज्‍युङ्। इगी तेङ् यी़नी मल्‍ल छ्‌यर गर्चम डस्‍सी च्‍यीक्‍ल सुर् स्‍यीबी़ चीत्‍तोक् दी डान ङे दोङ्‌नी मल्‍ल ज्‍यो़न् ज्‍यो़ल्‍ल भप्‍न युङ ङे थोङ्‌ज्‍युङ्।

ठीक्‍नल 12:9

हुनी पत्रुस् खोङ्‌गी तीङ्‌ल चो़ङ्‌गङ् दीनी छ्‌यील थो़म्‍ब बेत्। ॱनी हुदु घङ् झ्‍युङ घयेत् दी पत्रुस्‍की ॱङो़सल् मेम्‍ब, ॱङीनम्‍ल बक् ॱनो़ब छ्‌यर बेत्।

ठीक्‍नल 16:10

ॱनी पावल्‍की हुगो थोङ्‌नी, ङीस्‍सो ॱस्‍यर्च्‍यक् मासीडोनीयाल डोज्‍येम ठोक्‍क झ्‍यीबेन्। हुगी थोङ्‌नङ् दी ङीस्‍सो हुगी लुङ्‌बल केच्‍च्‍य ॱनेम्‍बु ॱस्‍येत्‍न टोम्‍दु को़न्‍ज्‍योक्‍की भो़ब बेत् ॱनो़ब ङीक्‍की ॱह घोज्‍युङ्।

ठीक्‍नल 16:9

ॱनी हुदु ॱलीबे गोङ् दी पावल्‍की थोङ्‌नङ् च्‍यीक् थोङ बेत्। हुगी थोङ्‌नङ् दील मासीडोनीया लुङ्‌बे मी च्‍यीक्‍की रोरङ्‌ल हीदु ङीत् च्‍याल युङ्‌न ङीत्‍ल दगु झ्‍यीत्‍रो झ्‍यी सीन्‍न स्‍युदेन् ज्‍यक्‍प थोङ बेत्।

ठीक्‍नल 18:9

हीनी पावल्‍ल गोङ् च्‍यीक् थोङ्‌नङ्‌ल चोव ज्‍यीन्‍दक्‍की रङ् ॱसीङ् थागी मत् दो़प्‍प, ज्‍यीब मीप्‍प, केच्‍च्‍य ॱस्‍येत् ॱस्‍येप्‍प झ्‍यीज्‍यीत्।

ठीक्‍नल 2:17

को़न्‍ज्‍योक्‍की ॱसुङल स्‍युक् थमे धी़ल कोलीमी घयेत्‍ल ङे धम्‍बे थु इगीनी मल्‍ल योन टो़क्‍केन्। हुनी खीत्‍रङ्‌गी भु भुमु घयेक्‍की कलुङ् ॱस्‍यो़क्‍केन् बेत्। मी स्‍यो़म्‍ब घयेक्‍की थोङ्‌नङ् थोङ्‌गेन् बेत्। गेम्‍बा घयेत्‍ल ॱङीनम्‍ल तो़ङ्‌गेन् बेत्।

ठीक्‍नल 22:12

ॱनी उन मी यहुदी हननीया सीक्‍केन् च्‍यीक् दुक्। हुगी छ्‌यो़डीम्‍ल ॱसम्‍न को़न्‍ज्‍योक्‍ल धेप्‍प झ्‍यीक्‍कुक्। हुल हुगी सार्की यहुदी ॱयोङ्‌म घयेत् दीबे एक् छ्‌यप्‍स्‍यक् स्‍योक्‍कुक्।

ठीक्‍नल 9:12

हुगी थोङ्‌नङ् च्‍यीक्‍ल रोरङ्‌गी ॱमीक्‍की यङ् थोङ्‌ज्‍ये यो़प्‍पल हननीया सीक्‍केन् मी च्‍यीक् रोरङ् च्‍याल युङ्‌न हुगी रोरङ्‌ल लक्‍पे ॱवङ् केन टेप्‍प थोङ्‌न यो़क्‍केन् बेत् सीन्‍न ॱङाब बेत्।

ठीक्‍नल 9:9

ॱनी शावल् हुदु स्‍यक्‍पु ॱसुम् थुक् ॱमीक्‍की ॱमत् थोङ लेब बेत्। ॱनी हुगो थुक्‍ल सम थुङ्‌म घन्‍ड अक् मत् सेब बेत्।

२ कोरीन्‍थी 11:32

ङ दमस्‍कस्‍तु यो़प्‍पे यङ्‌ल ङ सुङ्‌ज्‍येल ज्‍याबु अरीतस्‍की होक्‍की पेम्‍बु च्‍यीक्‍की हुगी सार्की च्‍यारीगी गोच्‍च घयेत्‍ल गोराब को़न स्‍यक्‍तुक्।

गलाती 1:17

यरुशलेम्‍न यो़क्‍केन्, ङले एल्‍ला खो़प्‍पे ठीक्‍नल घयेत् च्‍याल आक् ॱमत् फीन्। ङ ॱस्‍यर्च्‍यक् अरब् लुङ्‌बल फीम्‍बेन्। हुनी तीङ्‌ला दमस्‍कस् सार्ल लोक्‍न युङेन्।