ठीक्‍नल 8:9 - ल्होमी

⁹ ॱनी उन शीमोन् सीक्‍केङ्‌गी मी च्‍यीक् यो़प्‍प बेत्। हुगी एल्‍लानीरङ् सामरीयागी लुङ्‌बे मी घयेत्‍ल जुम्‍डी़ तो़न्‍न यीक् छ्‌यीदु ची़क्‍को़प्‍प बेत्। ॱनी हुगी रोरङ् ङ ज्‍यीक्‍सी हीन् सीन्‍न सीगो़प्‍प बेत्।

ठीक्‍नल 8:9 Iomraidhean Croise

युहन्‍ना 7:18

ॱसी़ इक् को़न ॱमत् तङ, रोरङ् रङ्‌स्‍यीगी तम् ॱस्‍यो़क्‍केन् दीगी रोरङ्‌ल तो़प्‍प ॱयेङ्‌गेन् बेत्। ॱनी ॱसी़ रोरङ्‌ल मेम्‍ब, रोरङ् तोङ्‌गेल्‍ल तो़प्‍प ॱयेङ्‌गुक्‍क हुगो धक्‍केन् बेत्। हुल मीत् दीम्‍बे ढङ् च्‍यीक्‍तङ् मीत् युङ्‌गेन् बेत्।

ठीक्‍नल 13:6

हुनी हुगी सैप्‍रस् लुङ्‌ब दीगी घुङ्‌नी फल्‍ल फीन्‍नी, पाफोस् सार्ल ॱलीब बेत्। ॱनी हुदु यहुदी जुम्‍डी़ तो़ङ्‌गेन्, कलुङ् जी़म ॱस्‍यो़क्‍केन् बार्येशु सीक्‍केन् च्‍यीक् ठेप्‍प बेत्।

ठीक्‍नल 13:8

ॱनी बार्नाबास् धङ् शावल्‍की डल हुगी जुम्‍डी़ब दी लोङ्‌न हुगी पेम्‍बु दी छ्‌य स्‍योक्‍पे लम्‍ल डोदु ॱमीत् ची़प्‍प, क च्‍यो़त् छुब झ्‍यीब बेत्। हुगी जुम्‍डी़ब दीगी मीङ् दील ग्रीक्‍की केच्‍च्‍यल एलुमास् सीन्‍न सीगो़प्‍प बेत्।

ठीक्‍नल 5:36

ननीङ् स्‍यीनीङ् थुदास् सीक्‍केन् च्‍यीक्‍की रोरङ् छ्‌यीम्‍मु हीन् सीन्‍न थो़म्‍ब बेत्। ॱनी हुगी छ्‌योल मीरङ् ज्‍यब स्‍यीजो़त् च्‍यीक् युङ्‌न देप्‍प बेत्। ॱनी तीङ्‌ला हुगो ॱसेत् तङ बेत्। हुनी हुगी छ्‌योगी मी घयेत् दी छ्‌यो स्‍यील थोर्न, हुगी ले दी मीप्‍पल येनर बेत्।

ठीक्‍नल 8:11

ॱलो गज्‍येङ्‌गी एल्‍लानीरङ् हुगी शीमोन् हुगी जुम्‍डी़ तो़न्‍न यीक् छ्‌यीदु ची़त्‍न युङ्‌नी, हुगी मी घयेत् दीगी हुल छ्‌यप्‍स्‍यक् स्‍योक्‍को़प्‍प बेत्।

२ थीस्‍सलोनीका 2:4

हुगी मी हुगो मी घयेक्‍की छ्‌यक् छ्‌यो़प्‍प पुगेङ्‌गी ॱल्‍ह धङ् कु घयेक्‍की डल लोङ्‌न रोरङ्‌गी रोरङ् छ्‌यीस्‍स्‍योल तो़क्‍केन् बेत्। हुनी स्‍युक्‍तु हुगो को़न्‍ज्‍योक्‍की छ्‌यो़गङ्‌ल आक् स्‍युन हुदु देत्‍न, हुगी ङ को़न्‍ज्‍योक् हीन् सीन्‍न कुरीक्‍ल तो़ङ्‌गेन् बेत्।

२ तीमोथी 3:2

हुगी धी़ल मी घयेक्‍की रङ्‌ज्‍यी़ झ्‍यीक्‍केन्, पयीसक्‍ल ॱसीम् छ्‌यासी झ्‍यीक्‍केन्, तम्‍दो़त् ॱस्‍यो़क्‍केन्, ज्‍यीङ्‌ब बोम्‍सी झ्‍यीक्‍केन्, ॱमो़म्‍बी़त् तोङ्‌गेन्, फमे खल मीत् नेङ्‌गेन्, ढीन् ॱमीत् ॱसम्‍गेन्, छ्‌यो़सीम् ॱमीत् ॱसम्‍गेन्,

२ तीमोथी 3:5

हुबे छ्‌यलु दीगी म दी को़न्‍ज्‍योक् ॱसम्‍गेन् हीन्‍दोक्‍प झ्‍यीक्‍केन्, ॱनी म दी हुगी लेमुल ॱस्‍यीक् मीप्‍प हीम्‍ब ॱसम्‍गेन् बेत्। हुन्‍दुक् झ्‍यीबदङ् रङ् भीन दो़च्‍च्‍यीत्।

२ पत्रुस् 2:18

हुब तम्‍दो़त् ॱस्‍येत्‍न धो़म्‍मीक्‍की तम् लप्‍केन् कोलीमीगी ॱसीम्‍बे धेच्‍च्‍यो ङेम्‍बल ॱस्‍योर्नरे मी बेत्। ॱनी ॱएङ्‌गी छ्‌यलु ङीबे लम्‍नी थर्च्‍येम ॱयेङ्‌गेन् घयेत् छ्‌येल ॱनक्‍सी झ्‍यीक्‍केल्‍ल हुबे च्‍युगेन् बेत्।

ॱसाल्‍केत् 22:15

ॱनी सार्की नङ्‌ल स्‍युक् ॱमत् छुब, छ्‌यील लेनर घयेत् दी की डस्‍सी स्‍यीलोक्‍सीगी ले झ्‍यीक्‍केन्, जुम्‍डी़ तो़ङ्‌गेन्, छ्‌ये ज्‍युक्‍केन्, मीस्‍सेन्, ॱल्‍ह धङ् कुल छ्‌यक् छ्‌यो़प्‍प पुगेन्, ॱएजङ धङ् ॱएलमे छङ् घयेत् दी युङ्‌गेन् बेत् सीच्‍च्‍युङ्।