ठीक्‍नल 8:5 - ल्होमी

⁵ ॱनी फीलीप् सीक्‍केन् दी सामरीयागी सार् च्‍यीक्‍ल फीन्‍न हुदु ख्रीष्‍ट्‌की ढीक्‍की केच्‍च्‍य ॱस्‍येत्‍न टेप्‍प बेत्।

ठीक्‍नल 8:5 Iomraidhean Croise

ठीक्‍नल 1:8

धम्‍बे थु खीत्‍रङ्‌ल घप्‍न युङ्‌नी, हस्‍सो़त् खीत्‍रङ्‌ल ॱस्‍यीक् ॱङीक्‍केन् बेत्। हुनी खीत्‍रङ् यरुशलेम्‍नी झ्‍यीनी यहुदीया जेङ्‌ल हीनी सामरीयाल हुनी झ्‍यीनी जम्‍बुलीङ्‌गी थदक्‍ल ते ङे पङ्‌बुल थो़न्‍न ॱस्‍यो़क्‍केन् बेत् सीन्‍न ॱस्‍येप्‍प बेत्।

ठीक्‍नल 21:8

हीनी नेम्‍बेत् दी ङीस्‍सो हुनी घीन फीन्‍नी, सीजरीया सार्ल ॱलीबेन्। ॱनी हुदु केच्‍च्‍य ॱनेम्‍बु ॱस्‍येत्‍न टोम्‍गेन् फीलीप्‍की खीम्‍दु देप्‍पेन्। ॱनी फीलीप् हुगो एल्‍ला यरुशलेम्‍दु मीरङ् दी़न् दम्‍बे छीक्‍नी च्‍यीक् बेत्।

ठीक्‍नल 5:42

ॱनी हुबे रोरङ्‌सो़ ले दी ॱलो़ ॱमत् तङ, ङीन् रीम फो़स्‍स्‍यी छ्‌यो़गङ्‌गी च्‍यारीदु धङ् खीम् खीम्‍ल आक् फीन्‍न केच्‍च्‍य ॱनेम्‍बी़ ॱलोप्‍स ज्‍यप्‍न येशु च्‍यप्‍को़ल्‍ल को़न तङे ख्रीष्‍ट् बेत् सीरे केच्‍च्‍य कुरीक्‍ल ॱस्‍येत्‍न टेप्‍प बेत्।

ठीक्‍नल 6:5

ॱनी हीगी केच्‍च्‍य हील हुगी मी घयेत् दी कुरीक् गुन हुल थी़न्‍नी, इस्‍तीफनस् सीक्‍केन् च्‍यीक् दम्‍ब बेत्। हुगो छ्‌य डम्‍सी स्‍योक्‍केन् धम्‍बे थुगी घेङे मी यो़प्‍प बेत्। ॱनी ॱयोङ्‌मा फीलीप् सीक्‍केन् च्‍यीक्, प्रखरस् सीक्‍केन् च्‍यीक्, नीकनोर् सीक्‍केन् च्‍यीक्, तीमोन् सीक्‍केन् च्‍यीक्, पर्मीनास् सीक्‍केन् च्‍यीक् धङ् एन्‍टीयोक् सार्की मी यहुदीगी छ्‌यो़लुल स्‍युबे मी नीकोलौस् सीक्‍केन् च्‍यीक् दम्‍ब बेत्।

ठीक्‍नल 8:1

ॱनी हुगी शावल् दी इक् हुगी दो बेङ्‌गेन् दीबे लेल छ्‌य झ्‍यीब बेत्। हुगी ङीन् दीनी झ्‍यीनी, यरुशलेम्‍गी छ्‌यो़ छोल दुक्‍प छ्‌यीम्‍मु नोङ्‌न, ठीक्‍नल दीब पी़प्‍पे ॱयोङ्‌मा दीब कुरीक् सामरीया धङ् यहुदीयागी नङ्‌ल घल अक् थोर्न ॱसोङ बेत्।

ठीक्‍नल 8:26

हुनी तीङ्‌ला चोव ज्‍यीन्‍दक्‍की तेङ् यी़गी भङ्‌ज्‍येम्‍ब च्‍यीक्‍की फीलीप्‍ल रङ् यरुशलेम्‍नी ॱल्‍हो ङो़ल पक्‍क झ्‍यङ्‌दङ्‌गी घुङ्‌नी फल्‍ल गाजाल डोस्‍से लङ्‌गक्‍ल ज्‍युक् सीन्‍न ॱङान तङ बेत्।

ठीक्‍नल 8:30

हुनी फीलीप् गरीमन् झ्‍यीस्‍स दील ज्‍युन फीन्‍नी, हुगी पेम्‍बु दीगी यशैयागी ॱसुङ्‌रप् डोक्‍प दी ॱह घोनी हुगोल नीज्‍यरङ्‌गी डोक्‍केन् हुगी धो़न् दी ॱह घोगुक्‍क? सीन्‍न ढीब बेत्।

ठीक्‍नल 8:40

हुनी फीलीप् अश्‍दोद् सीस्‍स च्‍यीक्‍तु थो़म्‍ब बेत्। हुनी हुगी लुङ्‌बे सार् घयेत्‍ल घल अक् गीर्न केच्‍च्‍य ॱनेम्‍बु ॱस्‍यो़क्‍कील्‍ल फीन्‍नी, तीङ्‌ला सीजरीया सार्ल ॱलीब बेत्।

ठीक्‍नल 8:6

ॱनी हुगी मी घयेत् दीगी फीलीप्‍की ॱस्‍येप्‍पे केच्‍च्‍य दी ॱह घो, हुनी हुगी झ्‍यीबे यीक् छ्‌यीम्‍मी़ लेगी ता घयेत् दी थोङ्‌नी, हुब कुरीक् क हुगी केच्‍च्‍य दील गस्‍सी छोर्न नेन्‍दु युङ बेत्।

ठीक्‍नल 9:20

ॱनी हुदु दो़प्‍पे यङ्‌ल शावल् हुगी यहुदीगी छ्‌यो़गी छोगङ् घयेत्‍ल गीर्न फीन्‍न हुनी झ्‍यीनी येशु को़न्‍ज्‍योक्‍की ॱरेबु ॱङो़न्‍ने बेत् सीन्‍न ॱस्‍येत्‍न टेप्‍प बेत्।

१ कोरीन्‍थी 1:23

ॱनी ङीक्‍की ॱनी ख्रीष्‍ट् कुरुस्‍तु ढोङे केच्‍च्‍य ॱस्‍यो़क्‍को़त्। हीगो यहुदी घयेत्‍ल ॱनत्‍त दुगेन् बेत्। ज्‍यी़त् ॱयोङ् ॱयोङ्‌गी मी घयेत्‍ल यङ् धो़म्‍मीक्‍की केच्‍च्‍यल डोगेन् बेत्।

१ कोरीन्‍थी 2:2

घन्‍ड हीन् सीन्‍न ङ खीत्‍रङ् च्‍येन्‍दु युङे यङ्‌ल येशु ख्रीष्‍ट् धङ् खोङ् कुरुस्‍तु ढोङे केच्‍च्‍य मेन्‍द, ॱयोङ्‌मा घन्‍ड अक् ॱमीत् ॱस्‍यीगेन् हीन् ॱनो़ब खुर्न युङेन्।

१ कोरीन्‍थी 3:11

ङे डेन्‍न स्‍यक्‍पे ॱसप्‍तेन् दी येशु ख्रीष्‍ट् बेत्। ॱनी हील ॱसप्‍तेन् ॱयोङ्‌मा मी ॱसी़ इक् तीङ् ॱमीत् छुगेन् बेत्।