छ्यीलेल नङ् मत् लेब खीत्रङ् छ्यो़डीम्गी चयेलम घयेत् धङ् फरीसी घयेत् घन्डे दुक्प। खीत्रङ्गी ज्यी़त् ॱयोङ्गी मी च्यीक् यहुदीगी छ्यो़लुल स्युन दो़क्केल्ल सोज्येगी ढीक्ल हुगो कुक्तु थक्रीङ्मु ज्यम्जो छ्यीम्मी़ लम्ल हीन्, कङ्दङ्रङ् हीन्न अक्, डोगेन् बेत्। ॱनी हुगो खीत्रङ्गी लेमु डस्सी झ्यीक्केल्ल झ्युङ्नी, ॱनलल छर्केन् खीत्रङ्ले दोबर्की आक्पागी मील हुगो खीत्रङ्गी ॱलप्न सोगेन् बेत्।
ठीक्नल 6:5 - ल्होमी5 ॱनी हीगी केच्च्य हील हुगी मी घयेत् दी कुरीक् गुन हुल थी़न्नी, इस्तीफनस् सीक्केन् च्यीक् दम्ब बेत्। हुगो छ्य डम्सी स्योक्केन् धम्बे थुगी घेङे मी यो़प्प बेत्। ॱनी ॱयोङ्मा फीलीप् सीक्केन् च्यीक्, प्रखरस् सीक्केन् च्यीक्, नीकनोर् सीक्केन् च्यीक्, तीमोन् सीक्केन् च्यीक्, पर्मीनास् सीक्केन् च्यीक् धङ् एन्टीयोक् सार्की मी यहुदीगी छ्यो़लुल स्युबे मी नीकोलौस् सीक्केन् च्यीक् दम्ब बेत्। Faic an caibideil |
ठीक्नल 6:5
24 Iomraidhean Croise
इस्तीफनस् ॱसेत्नी झ्यीब दी, यरुशलेम्दु छ्य स्योक्केन् घयेत्ल दुक्प अयेक्प नोङ्नी, हुब घयेत् घल अक् थोर्न, यरी फोनीसीयागी लुङ्बल, यरी सैप्रस्की लुङ्बल, यरी एन्टीयोक्की सार्ल ते थोर्न युङ बेत्। ॱनी घल फीन्न आक्, हुबे को़न्ज्योक्की केच्च्य दी यहुदी घयेत्लरङ् क ॱस्येत्न टम्ब बेत्।
ॱनी हुदु शावल् ठेत्नी, हुगो एन्टीयोक्ल ठीक्न युङ बेत्। हुनी हुब ॱङीक्कर् हुदु लो च्यीक् थुक् देत्न हुगी छ्यो़ छोदु मी गज्येल्ल ॱलोप्स ज्यप्न टेप्प बेत्। हुगी यङ्ल क एन्टीयोक्तु गोम ॱएन्स्युक्ल येशुगी ॱलोप्टुक्ल स्युन यो़प्प घयेत्ल ख्रीष्ट्यान् सीन्न मीङ् ताब हीङ्गो़प्प बेत्।
ॱनी याकुब्गी केच्च्य हील ठीक्नल दीब, हुगी गोयो़प्प घयेत् दी धङ् हुगी छ्यो़ छोगी मी ॱयोङ्म घयेत् दी थी़न्न रोरङ्सो़ घुङ्नी मी यरी दम्न एन्टीयोक्ल पावल्तङ् बार्नाबास्की दल तोङ्ज्येल ढो़गो डीक्प बेत्। पी़न्ज्या घयेक्की नङ्दु गेन् खुर्केन् मीरङ् ॱङी यहुदा बार्साबास् सीक्केन् च्यीक् धङ् सीलास् सीक्केन् च्यीक् दम्ब बेत्।
Sanasan