ठीक्नल 6:3 - ल्होमी3 पी़न्ज्यासो, खीत्रङ् घयेक्की छीक्नी कुरीक्की तेबल धम्बे थुगी घेङ धङ् झ्यी़रीक् च्येम्मे मी मीरङ् दी़न् दोम्लेत्। हुनी हस्सो़त् हीगी ले हीगो ङीक्की हुबल को़न झ्यीत्तु ची़क्केन्। Faic an caibideil |
ठीक्नल 6:3
34 Iomraidhean Croise
ॱनी हीगी केच्च्य हीगो पी़न्ज्या घयेक्की नङ्ल धर्न युङ्नी, हुबे हीगी ॱलोप्टुक् हीगो ॱमीत् ॱस्यीगेन् ब अक् ॱनो़ब झ्युङ बेत्। ॱनी हीगो मेम्ब, येशुगी पत्रुस्ल झ्यीब दी ङ फीच्च्य तीङ्मा युङ् युङ् थुक्ल ॱमत् ॱस्यीय दो़त् सीच्च्ये ॱनो़ब यो़त्न अक्, हीगो रङ्ल ॱस्यो़च्च्ये मत् युङ्न अक्, डीक्केन् बेत् झ्यीबरङ् बेत्।
हुगो झ्यीनी येशु ढोङ्नी यङ् ॱसोम्बुल लोङ हीम्बल पङ्बु झ्यीक्केन्, ङीत्तङ् कङ्ज्यीक्ल मी घयेत्ल ॱस्यो़त्तु डोगेङ्गी मी च्यीक् दम् गोगेन् बेत्। ॱनी हुगी मी दी ङीत् डस्सी, चोव ज्यीन्दक् येशुदङ् दल गीर् ॱनोङे मी युहन्नागी येशु बप्तीस्ल ॱलुक्पनी झ्यीनी, खोङ् ङीक्की दोङ्नी तेङ् यी़ल ठीक्नर थुक् ङीत्तङ् देप्पे मी युङ् गोगेन् बेत् सीन्न पत्रुस्की ॱस्येप्प बेत्।
ॱनी हुल भो़त्मीय दीबे पत्रुस्ल कर्नीलीयस् सीक्केन् ॱमक्पो़न् च्यीक्की ङीत् तङ्ज्युङ्। खोङ् ढङ्बु, को़न्ज्योक्ल ज्यीब खुर्न दो़क्केङ्गी मी बेत्। यहुदी घयेत् कुरीक्की खोङ्ल तो़क्केन् बेत्। खोङ्ल तेङ् यी़गी भङ्ज्येम्ब चङ्म च्यीक्की पत्रुस् हुगो ठीक्तु तोङ्। हुगी रङ्ल तम् ॱस्यो़क्केन् बेत् सीन्न ॱङानी, खोङ्गी ङीत् तङ्ज्युङ् सीन्न झ्यीब बेत्।
ॱनी हीगी केच्च्य हील हुगी मी घयेत् दी कुरीक् गुन हुल थी़न्नी, इस्तीफनस् सीक्केन् च्यीक् दम्ब बेत्। हुगो छ्य डम्सी स्योक्केन् धम्बे थुगी घेङे मी यो़प्प बेत्। ॱनी ॱयोङ्मा फीलीप् सीक्केन् च्यीक्, प्रखरस् सीक्केन् च्यीक्, नीकनोर् सीक्केन् च्यीक्, तीमोन् सीक्केन् च्यीक्, पर्मीनास् सीक्केन् च्यीक् धङ् एन्टीयोक् सार्की मी यहुदीगी छ्यो़लुल स्युबे मी नीकोलौस् सीक्केन् च्यीक् दम्ब बेत्।
ॱनी हुगी गय झ्यीबे ले घयेत् दी कुरीक्की ॱह घोव, रोरङ्गी भीज घयेत् गन्दीक्म ॱसो़बे ॱलम्, डोम्बुल थोङ् झ्यीबे ॱलम्, को़न्ज्योक्की मी चङ्म घयेत्ल कङ्ब टी़न टेप्पे ॱलम्, मी दुक्च्या घयेत्ल दगु झ्यीबे ॱलम् धङ् गये ले झ्यीच्च्ये ॱनो़बे ॱवङ्ल छीगङ् तङ्न दो़क्केङ्गी भुमु युङ् गोगेन् बेत्।
Sanasan