ठीक्‍नल 5:3 - ल्होमी

³ ॱनी हननीया दील पत्रुस्‍की घन्‍दुक् झ्‍यीन खोक्‍की ॱसीम् हुगो नुक्‍म शैतान्‍गी लक्‍ल ॱस्‍योर्च्‍युङ। खोक्‍की ॱसरीन् हुनी घन्‍डल फक् पी़त्‍न स्‍यक्‍न धम्‍बे थुल ॱएलम ज्‍यक्‍केन्।

ठीक्‍नल 5:3 Iomraidhean Croise

मत्‍ती 13:19

लङ्‌गक्‍ल ॱसो़न् खीबे धो़न् दी को़न्‍ज्‍योक्‍की ज्‍यागक्‍की केच्‍च्‍य नेम्‍ब त नेङ्‌गेन् बेत्। ॱनी नेन्‍न अक्, हुगी ॱह मीत् घोगेन् बेत्। हुनी दी़त्‍ङेन् युङ्‌न हुगी ॱसीम्‍ल तबे ॱसो़न् दी तो़न्‍न पुर् तोङ्‌गेन् बेत्।

लुका 22:3

हीनी यहुदा इस्‍करीयोत् दील शैतान् स्‍युब बेत्। हुगो च्‍युन्‍नीबु दीबे छीक्‍नी च्‍यीक् हीङ्‌गो़प्‍प बेत्।

युहन्‍ना 13:2

ॱनी येशु खोङ् रोरङ्‌गी ॱलोप्‍टुक् दीबदङ् गोङ्‌मु सम सदु देप्‍प बेत्। ॱनी हुले एल्‍ला शीमोन् इस्‍करीयोत्‍की भु यहुदाल येशु डलक्‍ल तोङ्‌ज्‍येमे ॱसीम्‍ब दी दी़क्‍की चो दीगी ॱलुक्‍न यो़प्‍प बेत्।

युहन्‍ना 13:27

ॱनी हुगी ढोप्‍चीगी खम् दी सेनी, यहुदाल शैतान् स्‍युनर बेत्। हुनी येशुगी हुल रङ्‌गी ॱनो़बे ले दी ह ज्‍योक्‍सी झ्‍यीलेत् सीन्‍न झ्‍यीब बेत्।

ठीक्‍नल 5:2

हुगी ॱसरीन् दीनी फक् च्‍यीक् पी़त्‍न हननीया दीगी रोरङ्‌सोल स्‍यक्‍प बेत्। ॱनी नङ्‌जङ् दील अक् हुगो ॱस्‍यो़च्‍च्‍ये यो़प्‍प बेत्। ॱनी हुगी ॱल्‍हक्‍टो़ दी हननीयागी ठीक्‍नल दीबे लक्‍ल टेप्‍प बेत्।

ठीक्‍नल 5:4

रङ्‌गी ॱस हुगो चोङ्‌न आक्, हुगी रीन् दी रङ्‌गीरङ् बेत्। ॱनी हुगो ॱमत् चोङ्‌न आक्, हुगो रङ्‌गीरङ् बेत्। ॱनी खोक्‍की ॱसीम्‍ल घन्‍दुक् झ्‍यीन हीन्‍दुक् झ्‍यीबे ॱसम्‍ल छ्‌यर्च्‍युङ? रङ्‌गी ॱएलम हीगो मील मेम्‍ब, को़न्‍ज्‍योक्‍ल ज्‍यबल डोगेन् बेत् सीन्‍न झ्‍यीब बेत्।

ठीक्‍नल 5:9

ॱनी पत्रुस्‍की लेल्‍ल घन्‍डल खीत् ॱङीगी चोव ज्‍यीन्‍दक्‍की थुल छो़त्‍लीन् तज्‍येल ढो़ झ्‍यीब? तेदे रङ्‌गी छ्‌योबु रो बेक्‍सल ॱलुक्‍न स्‍योक्‍केङ्‌गी मी दीब हुन्‍दो उन छ्‌यीन ॱलीच्‍चो़त् झ्‍यीसोङ्। हुबे रङ् अङ् हुन्‍दुक्‍रङ् झ्‍यीन खुर्न च्‍यो़गेन् बेत् सीन्‍न झ्‍यीब बेत्।

याकुब् 4:7

हुगो झ्‍यीनी खीत्‍रङ् को़न्‍ज्‍योक्‍की ॱवङ्‌गी होक्‍ल दो़च्‍च्‍यीत्। ॱनी दी़क्‍की चो हुल ड झ्‍यीन थुक्‍च्‍यीत्। हुनी हुगो खीत्‍रङ् च्‍यानी ढो़ डोगेन् बेत्।

१ पत्रुस् 5:8

खीत्‍रङ्‌गी ॱसीम् दी ॱनो़जो़त् घङ्‌बी़ ॱवङ्‌ल ॱमत् तोङ, च्‍यङ्‌जो़त् झ्‍यीन दो़च्‍च्‍यीत्। खीत्‍रङ्‌गी ड दी़क्‍की चो हुगी खीत्‍रङ् ॱसु रीमीक् ज्‍यक्‍च्‍ये ब अक् ॱनो़न ॱसेङ्‌गी ङर्न गीर डस्‍सी झ्‍यीक्‍केन् बेत्।