ठीक्‍नल 5:2 - ल्होमी

² हुगी ॱसरीन् दीनी फक् च्‍यीक् पी़त्‍न हननीया दीगी रोरङ्‌सोल स्‍यक्‍प बेत्। ॱनी नङ्‌जङ् दील अक् हुगो ॱस्‍यो़च्‍च्‍ये यो़प्‍प बेत्। ॱनी हुगी ॱल्‍हक्‍टो़ दी हननीयागी ठीक्‍नल दीबे लक्‍ल टेप्‍प बेत्।

ठीक्‍नल 5:2 Iomraidhean Croise

मत्‍ती 23:5

हुबे घङ् झ्‍यीप्‍पे ले घयेत् हुगो मी घयेत्‍ल तो़न्‍ज्‍येगी ढीक्‍ल झ्‍यीक्‍केन् बेत्। ॱसुङ्‌रप् ॱलुक्‍न खुर्केङ्‌गी गम्‍डुक् दी हुबे छ्‌यीदु सो़न सी़ल डान गीर्केन् बेत्। ॱनी हुबे छ्‌यी घो़ घयेत् दील पोजप् रीङ्‌मु स्‍यक्‍न घो़ङ्‌गेन् बेत्।

युहन्‍ना 12:6

हुगी टङ्‌बुल फेम्‍बे तम् लब मेम्‍ब, हुगो की़न्‍ज्‍येन् झ्‍यीनी, हीगो लब बेत्। घन्‍ड हीन् सीन्‍न हुगी ङीत् कङ्‌ज्‍यीक्‍पे पयीसक्‍की बेक् दी हुगी खुर्नी, हुगी हुनी अच्‍च्‍येत् री कुगो़प्‍प बेत्।

ठीक्‍नल 2:44

ॱनी छ्‌य स्‍योक्‍केन् घयेत् दी कङ्‌ज्‍यीक्‍प झ्‍यीन रोरङ्‌सोल घङ् यो़प्‍प दी फीस्‍सोम झ्‍यीगो़प्‍प बेत्।

ठीक्‍नल 4:37

ॱनी हीगी युसुफ् हीगी रोरङ्‌गी स्‍यीङ्‌ग दी चोङ्‌न हुगी रीन् दी ठीक्‍नल दीबे लक्‍ल टेप्‍प बेत्।

ठीक्‍नल 5:1

हुगी यङ्‌ल हननीया धङ् सफीरा नङ्‌जङ् ॱङी यो़प्‍प बेत्। ॱनी हुबे रोरङ्‌सो़ ॱस च्‍यीक् चोङ्‌न

ठीक्‍नल 5:3

ॱनी हननीया दील पत्रुस्‍की घन्‍दुक् झ्‍यीन खोक्‍की ॱसीम् हुगो नुक्‍म शैतान्‍गी लक्‍ल ॱस्‍योर्च्‍युङ। खोक्‍की ॱसरीन् हुनी घन्‍डल फक् पी़त्‍न स्‍यक्‍न धम्‍बे थुल ॱएलम ज्‍यक्‍केन्।

ठीक्‍नल 5:8

ॱनी पत्रुस्‍की हुल खीक्‍की ॱस दी हीजो़त् च्‍यीक्‍लरङ् चोङ हीम्‍ब? सीन्‍न ढीब बेत्। ॱनी हुगी लेम्‍बुल उजो़त् च्‍यीक्‍लरङ् चोङेन् सीन्‍न झ्‍यीब बेत्।

फीलीप्‍पी 2:3

रङ्‌ज्‍यी़ धङ् ज्‍यीम्‍गेत् ॱमत् ॱस्‍यो़प्‍प, ॱनोम्‍ज्‍युङ् झ्‍यीन रङ्‌ले ॱयोङ्‌मा ढक्‍पा ॱसम्‍ज्‍यीत्।

१ तीमोथी 6:10

हुगो झ्‍यीनी पयीसक्‍की लोप् हुगो आक्‍पागी ढङ् घयेक्‍की चव खुङ् दी बेत्। मी यरी पयीसक्‍की लोप्‍ल ॱस्‍योर्नी म दीरङ् छ्‌य स्‍यक्‍पे लम् दीनी छ्‌यी़न ॱसीम्‍दुक् ॱनजो झ्‍युङ्‌न ॱहुवी ॱहुवी ॱस्‍योर्केन् बेत्।