ठीक्नल 5:11 - ल्होमी11 ॱनी छ्यो़ छोगी मी छङ्म धङ् हीगी केच्च्य हीगो ॱह घोवे मी घयेत्ल म दीरङ् ज्यीक्टक् छ्यीम्मु झ्युङ बेत्। Faic an caibideil |
ठीक्नल 5:11
14 Iomraidhean Croise
नुहल को़न्ज्योक्की एल्ला मत् युङे केच्च्य च्यीक् ॱस्येत्नी, हुनी नुह को़न्ज्योक्ल ज्यीब खुर्न रोरङ्गी मीजङ् घयेत् थर्च्ये यो़प्पल ढु छ्यीम्मु च्यीक् सो़ब बेत्। ॱनी हीगो नुहे छ्य स्यक्पे लम्नी सो़ब बेत्। हीगी छ्य स्यक्पे लेमु हीनी हुगी यङ्गी जम्बुलीङ्गी मी घयेत्ल ठीम् च्येत्न छ्येप्प केब बेत्। छ्य स्यक्पे लम्नी ॱनम्बर् धक्पल थो़ङ्गेङ्गी थर्वे फक् थोप्केन् च्यीक् नुह झ्युङ बेत्।
ॱनी हज्यरङ् योक् योक् ठी़त् ठी़त् मीत् झ्यीक्केङ्गी ज्यागक्की मीस्सीर्ल झ्युङ्नी, को़न्ज्योक्ल हज्यरङ्गी थु छ्यी पुदोङ्ज्यीत्। हज्यरङ्गी को़न्ज्योक् मीरेक् छ्यीम्मु बरदङ् छ्येत्मीत् यो़क्केन् बेत्। हुगो झ्यीनी खोङ्ल ज्यीब खुर्न तो़त्न खोङ् थु गुवे धेप्प झ्यीदोङ्ज्यीत्।
चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्।
Sanasan