ठीक्‍नल 4:21 - ल्होमी

²¹ हुनी हुगी मी घयेत् दीगी यङ् पत्रुस् धङ् युहन्‍नाल हरुङ् ज्‍यीक्‍टक् ॱलङ्‌न तङ् तङ बेत्। हुगी मी घयेत् दीगी पत्रुस् धङ् युहन्‍नाल छ्‌येप्‍प को़ ॱमत् छुब बेत्। घन्‍ड हीन् सीन्‍न हुदु घोङ्‌रीयल घङ् झ्‍युङ दीगी ढीक्‍ल मी कुरीक्‍की को़न्‍ज्‍योक्‍ल तो़प्‍प पुब बेत्।

ठीक्‍नल 4:21 Iomraidhean Croise

मत्‍ती 15:31

ॱनी तम् लप् ॱमीत् छुगेन् घुव घयेत् लप् छुगेल्‍ल, सी़गी यल्‍लक् ॱस्‍योर्नर घयेत् ढक् डोव, घोङ्‌रीय छ्‌यम्‍न डोव धङ् स्‍यर्च्‍योक्‍की थोङ्‌गेल्‍ल डोव हुगी मी ॱयोङ्‌म घयेत् दीगी थोङ्‌नी, हुल ॱह लेन हुबे इस्राएल्‍की को़न्‍ज्‍योक्‍ल तो़प्‍प पुब बेत्।

मत्‍ती 21:46

ॱनी हुबे येशु सुङ्‌ज्‍ये ॱनो़ब झ्‍यीब बेत्। ॱनी हीन्‍न अक्, मी घयेत्‍ल हुब ज्‍यीब बेत्। घन्‍ड हीन् सीन्‍न मी घयेक्‍की येशु कलुङ् ॱस्‍यो़क्‍केन् बेत् सीन्‍न ॱसम्‍गो़प्‍प बेत्।

मत्‍ती 26:5

ॱनी यङ् हुबे हीगी धी़रीम्‍गी यङ्‌ल मत् झ्‍यीदोङ्। हीगी यङ्‌ल झ्‍यीन ॱनी, मी घयेत् हुट्‌ट लङ्‌न युङ्‌गो़ट्‌टो सीन्‍न झ्‍यीब बेत्।

मत्‍ती 9:33

ॱनी येशुगी हुगी ॱनो़प्‍प दी तो़न्‍न दीत्‍न तङ्‌नी, हुगी मी दी तम् लप् छुगेल्‍ल झ्‍युङ बेत्। ॱनी उन यो़प्‍पे मी यरीगी हीगो डस्‍सी इस्राएल्‍की लुङ्‌बदु नम्‍ल अक् झ्‍युङ थोङ् ॱमत् ॱनोङ् झ्‍यीब बेत्।

मत्‍ती 9:8

हीगो थोङ्‌नी हुगी मी घयेत् दी ज्‍यीक्‍टक् लङ्‌न कोलीमील हीन्‍दुक्‍मे ॱवङ् ॱनङ्‌दुक् ॱनो़न हुबे को़न्‍ज्‍योक्‍ल तो़प्‍प पुब बेत्।

लुका 13:17

ॱनी हीगो ॱह घोनी, उन खोङ्‌गी ड घयेत् दी ङु छय बेत्। ॱनी मी ॱयोङ्‌म घयेत् दी यङ् खोङ्‌गी ॱह लेसी जेप्‍पे ले घयेत् दीगी ढीक्‍ल गेस झ्‍यीब बेत्।

लुका 20:19

ॱनी छ्‌यो़डीम्‍गी चयेलम घयेत् धङ् छ्‌यो़प्‍पो़न् चो छ्‌यीया घयेत् दीबे हुगी यङ्‌लरङ् हुबे येशु सुङ्‌ज्‍ये ॱनो़ब झ्‍यीब बेत्। ॱनी हीन्‍न अक्, हुब मी घयेत्‍ल ज्‍यीब बेत्। खोङ्‌गी ॱलीङ्‌दम् हुगो हुबे रोरङ्‌सो़ ढीक्‍ल ॱस्‍येच्‍च्‍युङ् ॱनो़ब ॱह घोव बेत्।

लुका 20:6

ॱनी यङ् कोलीमी ङो़नी सीन्‍न ॱनी, मी घयेक्‍की हज्‍यरङ्‌ल दोर्तुङ् बेन्‍न ॱसेत् योङ्। घन्‍ड हीन् सीन्‍न मी घयेक्‍की ॱनी युहन्‍ना कलुङ् ॱस्‍यो़क्‍केन् ॱङो़न्‍ने बेत् सीन्‍न छ्‌य स्‍यक्‍न यो़क्‍केन् बेत् सीन्‍न लप्‍री चीय बेत्।

लुका 22:2

ॱनी छ्‌यो़प्‍पो़न् चो छ्‌यीया घयेत् धङ् छ्‌यो़डीम्‍गी चयेलम घयेक्‍की येशु घन्‍दुक् झ्‍यीन ॱसो़च्‍च्‍ये ब अक् ॱनो़बे झ्‍यी़ तेब बेत्। ॱनी म दी हुब मी घयेत्‍ल ज्‍यीगो़प्‍प बेत्।

लुका 5:26

हीनी हुगी मी घयेत् दी गन्‍दीक्‍म ॱह लेन ज्‍यीक्‍टक् लङ्‌न को़न्‍ज्‍योक्‍ल तो़प्‍प पुब बेत्। हुब रोरङ्‌सो नङ्‌दु हरीङ् न हज्‍यरङ्‌गी यीक् छ्‌यीम्‍मी़ ले च्‍यीक् थोङ्‌ज्‍युङ् झ्‍यीब बेत्।

ठीक्‍नल 4:17

ॱनी हीन्‍न अक्, ह हीगी केच्‍च्‍य हीगो मी घयेत् कुरीक्‍ल ज्‍यीक्‍तु ढम्‍ज्‍ये मीप्‍पल हुब ॱङीबुल हज्‍यरङ्‌गी ॱसुल आक् हुगी मीङ्‌नी केच्‍च्‍य घन्‍ड अक् ॱमत् ॱस्‍यो़च्‍च्‍यीत् सीन्‍न ज्‍यीक्‍टक् ॱलङ्‌दोङ् सीन्‍न ढो़ झ्‍यीब बेत्।

ठीक्‍नल 4:22

हुगी यीक् छ्‌यीम्‍मी़ लेगी ढक्‍पे घोङ्‌रीय दी फोलो स्‍यीप्‍च्‍युले ॱल्‍हक्‍चो़त् ॱलीब यो़प्‍प बेत्।

ठीक्‍नल 5:13

ॱनी छ्‌यी मी घयेत् दीब छ्‌य स्‍योक्‍केन् घयेत्‍ल गस्‍सी हीम्‍ब छोर बेत्। ॱनी छोर्न आक्, ज्‍यीबे हुब ॱसु उक् मुल दो़त्‍तु मत् युङ बेत्।

ठीक्‍नल 5:26

ॱनी हीगो ॱह घोनी, हुगी पेम्‍बु दीगी रोरङ्‌गी होक्‍की गोराब घयेत् दी ठीक्‍न छ्‌यो़गङ्‌नी ठीक्‍नल दीब ठीक्‍तु फीम्‍ब बेत्। ॱनी गोराब दीबे हुनी खेरक् तङ्‌न ठीक्‍न ॱनी, मीमङ् घयेत् छ्‌योरी लङ्‌न दोर्तुङ् बेङ्‌गो़ट्‌टो ॱनो़न ज्‍यीबे हुबे ज्‍यम्‍गी झ्‍यीन ठीक्‍प बेत्।

ठीक्‍नल 5:40

हुनी ठीक्‍नल दीब यङ् नङ्‌ल ठीक्‍न हुबल डेङ्‌ज्‍यक् बेन्‍दु ची़त्‍न येशुगी मीङ्‌नी केच्‍च्‍य घन्‍ड अक् ॱमत् ॱस्‍यो़च्‍च्‍यीत् सीन्‍न ॱङान तङ बेत्।