छङ्म थम्ज्येत् कुरीक् ङे लक्ल ङे यप्की टेत्न यो़क्केन् बेत्। ॱनी ॱरेबु दीम्बरङ् ङु ॱस्यीगेन् दी यप् मेन्द, ॱयोङ् ॱसु उक् मीप्प बेत्। ॱनी यङ् यप् दीम्बरङ् ङु ॱस्यीगेन् दी इक् ॱरेबु धङ् ॱरेबी़ ॱसुल ङोस्स्यीन् टो़च्च्ये ॱनो़न टेत् यो़दङ् हुगी मेन्द, ॱयोङ् ॱसी़ इक् ङु ॱमीत् ॱस्यीगेन् बेत् सीन्न ॱसुङ बेत्।
ठीक्नल 3:13 - ल्होमी13 मेम्बेत्। हीगो हज्यरङ्गी पुबु ॱमुमु अब्राहाम्, इसहाक् धङ् याकुब्गी को़न्ज्योक्की खोङ् रोरङ्गी ॱयोक्पु येशु तो़त्वङ् च्येम्मे ओ़च्च्यल तो़म्ब बेत्। ॱनी येशु हुगो पीलातस्की तोङ्ज्ये ॱनो़ब झ्यीन अक्, खीत्रङ् घयेक्की पीलातस्ल मीत् युङेत् सीन्न येशु ॱसो़त्तु ची़प्प बेत्। Faic an caibideil |
ठीक्नल 3:13
46 Iomraidhean Croise
खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
हुगी यङ्ल हीगी केच्च्ये धो़न् हीगो ङीत् ॱलोप्टुक् घयेक्की ॱह घोमोङ्। हुगी यङ्ल खोङ्गी ढीक्ल घङ् झ्युङ घयेत् धङ् ॱसुङ्रप्की केच्च्ये धो़न् हुगो तीङ्ला येशु खोङ् रोरङ्गी तो़त्वङ् च्येम्मे ओ़च्च्य झ्यीस्सल लोक्न खुर्नी क, हुगी केच्च्य हुगो ङीक्की ढेन्सो़ झ्युङ्न हुगी धो़न् दी ॱह घोज्युङ्।
हीगो सीन्नी पीलातस्की यङ् येशु तोङ्ज्येमे लम् ॱयेङ बेत्। हीगो यङ् यहुदी घयेत् दीगी ॱह घोनी, हुबे पीलातस्ल मी ॱसी़ रोरङ्गी रोरङ् ज्याबुल सोगुक्क हुगो सीजर् ज्याबी़ डल लोङ्गेन् बेत्। ॱनी हुन्दुक् झ्यीबे मी तङ्न ॱनी, नीज्यरङ् घन्दुक् झ्यीन सीजर् ज्याबी़ मी हीम्बल डोगेन्? सीन्न केत् ज्यब बेत्।
ॱनी हुब घयेक्की मेम्बेत्। हुगो ठीक्न कुरुस्ल तान ॱसो़त्रो झ्यी। ॱसो़त्रो झ्यी सीन्न केत् ज्यब बेत्। हुनी पीलातस्की खीक्की खीत्रङ्गी ज्याबु दी कुरुस्ल तान ॱसो़त् सीक्केन्? झ्यीब बेत्। ॱनी छ्यो़प्पो़न् चो छ्यीया घयेत् दीगी लेम्बुल ङीत्ल सीजर् ज्याबु मेन्द, ज्याबु ॱयोङ् मीत् झ्यीब बेत्।
ॱनी हीन्न अक्, म दी यङ् येशुगी ॱवङ्गी होक्ल यो़प्प दी हज्यरङ्गी हुन्दोरङ् थोङ्गीन् यो़क्केन् बेत्। को़न्ज्योक्की थुज्यीगी ढो़ल यो़प्पल मीरङ् रीदङ् रीगी धो़ल्ल खोङ् ढोङ् ढोङ् थुक्ल खोङ्ल दुक्स्यी गुर्च्ये यो़प्पल को़न्ज्योक्की तेङ् यी़गी भङ्ज्येम्ब घयेत्ले ॱरीप्चो़त् च्यीक् खोङ् च्युङाल स्यक्न युङ बेत्। हुनी यङ् खोङ्ल तो़प्प तो़त्न तो़त्वङ्गी ओ़च्च्य झ्युङ बेत्।
Sanasan