ठीक्‍नल 28:3 - ल्होमी

³ ॱनी हुदु पावल्‍की ॱस्‍यीङ्‌सक् बक्‍सक् डुन युङ्‌न मील कप्‍नी, ॱनी हुगी मी ढो़त् दीगी हुगी ॱस्‍यीङ्‌सक् दीनी डी़ थो़न्‍न युङ्‌न पावल्‍की लक्‍पल तोन डी़न् डी़ल्‍ल देप्‍प बेत्।

ठीक्‍नल 28:3 Iomraidhean Croise

मत्‍ती 12:34

ॱवे डी़गी ज्‍यी़त्, खीत् मी ङेम्‍ब यो़क्‍केन् झ्‍यीनी, खीक्‍की घन्‍दुक् झ्‍यीन गागी तम् लप् ॱस्‍यीगेन्? ॱसीम्‍ल घन्‍डे घेङ्‌न यो़दङ् हुगो ख दीनी इक् थो़ङ्‌गेन् बेत्।

मत्‍ती 23:33

ॱवे डी़गी ज्‍यी़त् घयेस्‍सो। खीत्‍रङ् डी़गी ज्‍यी़त् झ्‍यीनी, घन्‍दुक् झ्‍यीन ॱनलल छर्केङ्‌गी छ्‌येप्‍प हुनी थर् छुगेन्?

मत्‍ती 3:7

हुनी फरीसी धङ् सदुकी इक् गज्‍येन् बप्‍तीस्‍ल स्‍युक्‍तु युङ थोङ्‌नी युहन्‍नागी हुब घयेत्‍ल ॱवे डी़गी भीज, खीत् घयेत् को़न्‍ज्‍योक्‍की खोङ्‌डोक्‍की छ्‌येप्‍प को़गेन् हुगी लक्‍नी हीगो डस्‍सी झ्‍यीन युङ्‌न थर्केन् बेत् सीन्‍न खीत्‍ल ॱसी़ ॱस्‍येच्‍च्‍युङ?

मर्कुस् 16:18

हुबे लक्‍पे डी़ घयेत् सुङ्‌गेन् बेत्। ॱनी धुक् थुङ्‌न आक्, च्‍यो़न् घन्‍ड अक् मीत् युङ्‌गेन् बेत्। ॱनी नेप्‍प घयेत्‍ल लक्‍पे ॱवङ् केन ढक्‍तु ची़क्‍केन् बेत् सीन्‍न ॱस्‍येप्‍प बेत्।

ठीक्‍नल 28:2

हुगी मी घयेत् दीबे ङीत् घयेत्‍ल गस्‍सी झ्‍यीज्‍युङ्। छ्‌येप्‍प ज्‍यप्‍न छ्‌यासी झ्‍युङ्‌नी, हुब घयेक्‍की ङीत्‍ल मी तङ्‌न बीन्‍न गस्‍सी झ्‍यीज्‍युङ्।

ठीक्‍नल 28:4

ॱनी पावल्‍की लक्‍पल डी़ डी़न् डी़ल्‍ल दो़प्‍प दी हुगी लुङ्‌बे मी घयेत् दीबे थोङ्‌नी, हुबे रोरङ्‌सो ॱनम्‍बु हुगो मीस्‍सेन् हीङ्‌गो़प्‍पेत्। छ्‌यु ज्‍यम्‍जो छ्‌यीम्‍मी़ लक्‍नी थर्न युङ्‌न अक्, हुल ङेल्‍लेन् दी हीन्‍दुक् झ्‍यीन फोक्‍न ह हुगो ॱमीत् ॱसो़गेन् बेत् सीन्‍न झ्‍यीब बेत्।

२ कोरीन्‍थी 11:23

हुबे रोरङ्‌सो ख्रीष्‍ट्‌की ॱयोक्‍पु हीन् सीगुक्। ॱनी ङ ॱनोबु डस्‍सी झ्‍यीक्‍केन् हीनो। ङ ॱसुम्‍ब हुले ज्‍येबा यो़त्। हुबले ज्‍यीक्‍पागी कले ङे च्‍येप्‍पेन्। हुबले मङा ङ चो़ल्‍ल ॱस्‍योर्च्‍युङ्। हुबले ज्‍यीक्‍पा ङल डेङ्‌ज्‍यक् बेन्‍ज्‍युङ्। लेम्‍म गज्‍येन् ङ ॱस्‍यीयल थुक्‍च्‍युङ्।

२ कोरीन्‍थी 6:9

यङ् यरीगी ङीत्‍ल थोङ् छ्‌यीम्‍मु ॱसम्‍गेन् बेत्। यङ् यरीगी ङीत्‍ल घन्‍ड अक् मेम्‍ब हीम्‍ब ॱसम्‍गेन् बेत्। ॱस्‍यीवल छीगङ् थुक्‍च्‍युङ्। ॱनी हीन्‍न अक्, ङीत् ॱसो़ज्‍युङ्। को़न्‍ज्‍योक्‍की छर्की च्‍येच्‍च्‍युङ्। ॱनी हीन्‍न अक्, ॱसो़च्‍च्‍ये दी ॱसेत्‍मोङ्।