ठीक्‍नल 27:4 - ल्होमी

⁴ हुनी यङ् ङीत् ढु दील स्‍युन छ्‌यु ज्‍यम्‍जो छ्‌यीम्‍मी़ लम्‍ल फीम्‍बेन्। ॱनी डोये यङ्‌ल दोङ् ङो़नी छुल्‍ल ॱलुङ्‌बु ज्‍यप्‍न युङ्‌नी, ङीत् छ्‌यी़ घुङ्‌गी ॱसने सैप्‍रस्‍की लुङ्‌बल च्‍यीप्‍न डो गो़ ॱस्‍यर्च्‍युङ्।

ठीक्‍नल 27:4 Iomraidhean Croise

मत्‍ती 14:24

ॱनी ॱलोप्‍टुक् दीब ढु ज्‍यप्‍न धोबा च्‍यीक् थुक् ॱसोङ् छर हीङ्‌गो़प्‍प बेत्। ॱनी हुगी यङ्‌ल छो़ थोक्‍नी छुल्‍ल ॱलुङ्‌बु ज्‍यप्‍न युङ्‌नी, छो दी भङ्‌ज्‍यीत् ॱलोङ्‌ज्‍यीत् झ्‍यीन युङ्‌नी ढु ज्‍यप्‍न डोवल घासी झ्‍युङ बेत्।

मर्कुस् 6:48

ॱनी ॱलोप्‍टुक् दीबल छो़ थोक्‍नी छुल्‍ल ॱलुङ्‌बु ज्‍यप्‍न युङ्‌नी, ढु ज्‍यप्‍न डोव दील घासी झ्‍युङ खोङ्‌गी थोङ बेत्। ॱनी छेङ्‌गी घुङ् यो़जो़त्‍ल येशु ढु झ्‍यीस्‍सल छो़ थोक्‍नी छुल्‍ल कङ्‌दङ् झ्‍यो़म्‍ब बेत्। ॱनी हीन्‍न अक्, खोङ् ढु दीगी सुर्नी फल्‍ल डोगेन् डस्‍सी झ्‍यीब बेत्।

लुका 8:22

हुनी ङीन् च्‍यीक् येशुगी रोरङ्‌गी ॱलोप्‍टुक् दीबल हज्‍यरङ् ढुल स्‍युन हीगी छो हीगी पारील डो सीन्‍न ॱसुङ बेत्। हुनी कुरीक् ढुल स्‍युन फीम्‍ब बेत्।

ठीक्‍नल 13:4

धम्‍बे थुगी हुन्‍दुक् झ्‍यीन तङ्‌नी, बार्नाबास् धङ् शावल् सीलुसीया सार्ल फीन्‍न हुनी ढु छ्‌यीम्‍मुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीन्‍नी सैप्‍रस्‍की लुङ्‌बल ॱलीब बेत्।

ठीक्‍नल 15:39

ॱनी हीगी ढीक्‍ल पावल् धङ् बार्नाबास् खन्‍डुक् ॱस्‍योर्न, हीनी घीनर बेत्। हीनी बार्नाबास्‍की युहन्‍ना मर्कुस् ठीक्‍न ढु छ्‌यीम्‍मुल स्‍युन सैप्‍रस्‍की लुङ्‌बल टप्‍नर बेत्।

ठीक्‍नल 21:16

ॱनी ॱलोप्‍टुक्‍ल स्‍युन यो़प्‍प यरी ङीत्‍तङ् दल युङ्‌न यरुशलेम्‍दु दो़क्‍केन् मनासोन्‍गी खीम्‍ल ते हुबे च्‍येज्‍युङ्। ॱनी ङीत् हुदु देप्‍पेन्। रोगी कीस्‍से फयु दी सैप्‍रस् बेत्। रो गोमनीरङ् येशुगी ॱलोप्‍टुक्‍ल स्‍युन यो़प्‍प बेत्।

ठीक्‍नल 21:3

ॱनी डोये यङ्‌ल ङीक्‍की फच्‍चो़त्‍न छ्‌यी़ घुङ्‌गी ॱसने सैप्‍रस् दी थोङ्‌ज्‍युङ्। ॱनी हुगी ॱल्‍हो ङो़नी फल्‍ल झ्‍यीन सीरीया ङो़ल स्‍युङ्‌ज्‍योङ् फीम्‍बेन्। हुनी टायर् सार्ल ॱलीबेन्। ॱनी हुदु ढु दीनी खेद तो़न्‍ज्‍येम दुक्।

ठीक्‍नल 27:7

हुनी छ्‌यु ज्‍यम्‍जो छ्‌यीम्‍मी़ लम्‍ल डोवल घासी झ्‍युङ्‌नी, घलुल फीन्‍नी स्‍यक्‍पु गज्‍येल्‍ल क कीनीडस् सार्की ॱल्‍हो ङो़ल ॱलीच्‍च्‍युङ्। हुनी ॱलुङ्‌बु स्‍युक् छ्‌यीम्‍मु ज्‍यप्‍न युङ्‌नी, स्‍युङ्‌ज्‍योङ् डो ॱमत् छुबल छ्‌यी़ घुङ्‌गी ॱसने क्रेट्‌की लुङ्‌ब ङो़ल च्‍यी़न फीन्‍न ॱलुङ्‌ग कक् योङ् ॱनो़न हुगी ॱस्‍यर्की सालमोने ॱसनेगी ज्‍यप् ङो़नी फल्‍ल कोर्न च्‍यीप्‍न फीम्‍बेन्।

ठीक्‍नल 4:36

ॱनी सैप्‍रस् लुङ्‌बनी थो़म्‍बे लेवीगी दुङ्‌ज्‍यी़त्‍ल कीबे मी युसुफ् सीक्‍केन् च्‍यीक् उन यो़प्‍प बेत्। ठीक्‍नल दीबे हुल बार्नाबास् सीन्‍न मीङ् पो़ब बेत्। हुगी धो़न् दी ॱलोप्‍स्‍यीक् टो़क्‍केन् सीक्‍केन् बेत्।