ठीक्‍नल 27:2 - ल्होमी

² ॱनी ङीत्‍तङ् दल मासीडोनीया लुङ्‌बे थीस्‍सलोनीका सार्की दगु अरीसतार्खस् दी इक् यो़त्। हुनी ङीत् कुरीक् एशीया लुङ्‌बे छीगल ॱनेगेन् सार् सार्ल डोगेङ्‌गी ढु छ्‌यीम्‍मु च्‍यीक्‍ल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीम्‍बेन्। हुगी ढु दी एडामीटीयम् सार्की बेत्।

ठीक्‍नल 27:2 Iomraidhean Croise

लुका 8:22

हुनी ङीन् च्‍यीक् येशुगी रोरङ्‌गी ॱलोप्‍टुक् दीबल हज्‍यरङ् ढुल स्‍युन हीगी छो हीगी पारील डो सीन्‍न ॱसुङ बेत्। हुनी कुरीक् ढुल स्‍युन फीम्‍ब बेत्।

ठीक्‍नल 16:17

ॱनी हुगी भुमु हुगो पावल् धङ् ङीक्‍की तीङ्‌ल युङ्‌न हुगी मी घयेत्‍ल हीगी मी हीब इगी थोरी चीदु स्‍युगेन् को़न्‍ज्‍योक्‍की ॱयोक्‍पु बेत्। हीबे खीत्‍रङ् घयेत्‍ल थर्वे लम् ॱस्‍येत्‍न टो़क्‍केन् बेत् सीन्‍न केत् ज्‍यक्‍कील्‍ल तीङ्‌ल ॱलीच्‍च्‍युङ्।

ठीक्‍नल 17:1

हुनी पावल्‍सो अम्‍फीपोलीस् सार् धङ् अपोल्‍लोनीया सार्नी फल्‍ल झ्‍यीन फीन्‍नी थीस्‍सलोनीका सार्ल ॱलीब बेत्। उन यहुदीगी छ्‌यो़गी छोगङ् च्‍यीक् यो़प्‍प बेत्।

ठीक्‍नल 19:19

ॱनी एल्‍ला जुम्‍डी़ तो़ङ्‌गेन् जुम्‍डी़ब अक् गज्‍येन् युङ्‌न हुबे रोरङ्‌सो़ पीज्‍य घयेत् दी दी़न मी कुरीक्‍की थोङ्‌सदु ॱहे तङ बेत्। ॱनी हुगो जेङ्‌ल रीम्‍बोप् ज्‍यप्‍न, हुगी रीन् दी ॱङुगी टङ्‌ग तोङ्‌डक् ॱङप्‍च्‍यु छीगो़प्‍प बेत्।

ठीक्‍नल 19:29

हुनी सार्की मी घयेत् दी कुरीक् म दीरङ् गन्‍दीक्‍म हुट्‌टे ॱस खो़ब बेत्। हुनी पावल्‍तङ् कङ्‌ज्‍यीक्‍ल गीरे दगु मासीडोनीया लुङ्‌बे मी गायस् धङ् अरीसतार्खस् हुब घयेक्‍की रुप्‍न सुङ्‌न सार्की तेक्‍मु तो़न्‍स छ्‌यीम्‍मु दील ठीक्‍प बेत्। ॱनी सार्की मी घयेत् कुरीक् हुदु ज्‍युन फीम्‍ब बेत्।

ठीक्‍नल 2:9

हीन हज्‍यरङ् पार्थी, मेदीया, एलामी, मेसोपोटामीया, यहुदीया, कापाडोसीया, पोन्‍टस्, एशीया,

ठीक्‍नल 21:5

हीनी दी़न्‍डक् च्‍यीक् ॱसोङ्‌नी, हुनी ङीत् डोगेन् सीन्‍नी ॱनी, हुब घयेत् छ्‌योगो भुमु भीज थम्‍ज्‍येत् ङीत् घयेत् च्‍यो़दु सार्की छ्‌यील ते युङ बेत्। ॱनी हुदु छ्‌यु ज्‍यम्‍जो छ्‌यीम्‍मी़ छीगदु ङीत् घयेत् पीमुङ् चुन ॱसुव तबेन्।

ठीक्‍नल 28:10

ॱनी हुगी लुङ्‌बे मी घयेक्‍की ङीत्‍ल यस्‍सो तो़प्‍प गज्‍येन् झ्‍यीज्‍युङ्। ॱनी तीङ्‌ला ङीत् ढुल स्‍युन डोये यङ्‌ल अक् ङीत्‍ल गो़बे खोज्‍येत् घयेत् कुरीक् हुबे ॱलुक्‍न तङ्‌ज्‍युङ्।

ठीक्‍नल 28:12

ॱनी ङीत् फीन्‍नी सीराकुस सार्ल ॱलीच्‍च्‍युङ्। हुदु स्‍यक्‍पु ॱसुम् देप्‍पेन्।

ठीक्‍नल 28:16

हीनी ङीत् रोम् सार्ल ॱलीत्‍नी, पावल् चो़ल्‍ल ॱमत् ॱलुक्‍प, रोरङ् रङ्‌स खीम् च्‍यीक्‍तु दो़त्‍तु ची़प्‍प बेत्। ॱनी हुदु पावल्‍ल तगेङ्‌गी गोराब च्‍यीक् को़न स्‍यक्‍प बेत्।

ठीक्‍नल 28:2

हुगी मी घयेत् दीबे ङीत् घयेत्‍ल गस्‍सी झ्‍यीज्‍युङ्। छ्‌येप्‍प ज्‍यप्‍न छ्‌यासी झ्‍युङ्‌नी, हुब घयेक्‍की ङीत्‍ल मी तङ्‌न बीन्‍न गस्‍सी झ्‍यीज्‍युङ्।

कलस्‍सी 4:10

ङदङ् दल चो़ल्‍ल कङ्‌ज्‍यीक्‍ल यो़क्‍केन् अरीसतार्खस्‍की खीत्‍रङ्‌ल छ्‌यक्‍सुम् थेमु सीगुगो। हुनी बार्नाबास्‍की पी़न् मर्कुस्‍की इक् खीत्‍रङ्‌ल छ्‌यक्‍सुम् थेमु सीगुगो। मर्कुस्‍की ढीक्‍ल खीत्‍रङ्‌ल ङे एल्‍लादु ॱङान स्‍यक्‍पेन्। ॱनी रो हुदु ॱलीत्‍नी, खीत्‍रङ्‌गी ङो धङ् थोङ् झ्‍यीज्‍यीत्।

फीलेमोन् 1:24

ॱनी ङे ले च्‍यीक्‍की छ्‌यीट्‌टो मर्कुस्, अरीसतार्खस्, डेमास् धङ् लुका झ्‍यीबे रङ्‌ल छ्‌यक्‍सुम् थेमु यो़दो सीन्‍न सीगुगो।