ठीक्‍नल 21:8 - ल्होमी

⁸ हीनी नेम्‍बेत् दी ङीस्‍सो हुनी घीन फीन्‍नी, सीजरीया सार्ल ॱलीबेन्। ॱनी हुदु केच्‍च्‍य ॱनेम्‍बु ॱस्‍येत्‍न टोम्‍गेन् फीलीप्‍की खीम्‍दु देप्‍पेन्। ॱनी फीलीप् हुगो एल्‍ला यरुशलेम्‍दु मीरङ् दी़न् दम्‍बे छीक्‍नी च्‍यीक् बेत्।

ठीक्‍नल 21:8 Iomraidhean Croise

ठीक्‍नल 10:1

ॱनी हुगी यङ्‌ल सीजरीया सार्न मी कर्नीलीयस् सीक्‍केन् च्‍यीक् यो़प्‍प बेत्। हुगो इटालीगी ॱमक्‍च्‍यप् सीक्‍केङ्‌गी पोङ्‌ज च्‍यीक्‍की ॱमक्‍पो़न् च्‍यीक् बेत्।

ठीक्‍नल 16:10

ॱनी पावल्‍की हुगो थोङ्‌नी, ङीस्‍सो ॱस्‍यर्च्‍यक् मासीडोनीयाल डोज्‍येम ठोक्‍क झ्‍यीबेन्। हुगी थोङ्‌नङ् दी ङीस्‍सो हुगी लुङ्‌बल केच्‍च्‍य ॱनेम्‍बु ॱस्‍येत्‍न टोम्‍दु को़न्‍ज्‍योक्‍की भो़ब बेत् ॱनो़ब ङीक्‍की ॱह घोज्‍युङ्।

ठीक्‍नल 16:13

हुनी ङीत्‍तुवे ङीन् ॱलीत्‍नी, हुगी सार्की छ्‌यील चङ्‌बी़ छीगल यहुदीगी ॱसुव तोप्‍स च्‍यीक् यो़ट्‌टो ॱनो़न ङीत् हुदु फीम्‍बेन्। फीन्‍नी हुदु देप्‍पेन्। ॱनी हुदु जोम्‍न युङे भुमु घयेत्‍ल ङीक्‍की तम् ॱस्‍येप्‍पेन्।

ठीक्‍नल 16:16

हुनी ङीन् च्‍यीक् ङीत् हुगी ॱसुव तोप्‍स दील डोये यङ्‌ल मो तोप्‍केन्, रङ्‌मो़ मीप्‍पे ॱयोक्‍मु च्‍यीक्‍तङ् ठेच्‍च्‍युङ्। हुल मोमे ॱल्‍ह स्‍युन, मो खेसी तप्‍न रोरङ्‌गी दक्‍पु दील पयीसक् गज्‍येन् ॱसान तीक्‍को़प्‍प बेत्।

ठीक्‍नल 18:22

हुनी ढु दी सीजरीया सार्ल ॱलीत्‍नी, हुनी थो़न्‍नी पावल् यल्‍ल यरुशलेम्‍ल छ्‌यो़ छोल ठेत्‍तु फीम्‍ब बेत्। ठेत्‍नी, हुनी यङ् मल्‍ल भप्‍न एन्‍टीयोक्‍ल लोक्‍नर बेत्।

ठीक्‍नल 20:13

हीनी ङीत्‍ल पावल्‍की खीत्‍रङ्‌सो अस्‍सोस् सार्ल ढुल स्‍युन ज्‍युक्। ङ हुदु कङ्‌दङ् ॱलीत् योङ्। ॱनी हुदु हज्‍यरङ् ठेप्‍पे योङ् सीन्‍न सीच्‍च्‍युङ्। ॱनी ङीत् ढु छ्‌यीम्‍मुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीन्‍न अस्‍सोस्‍ल ॱलीबेन्।

ठीक्‍नल 20:6

ॱनी ङीस्‍सो च्‍युर् मत् ज्‍यबे ढोप्‍ची सगेङ्‌गी धी़रीम् यो़नी, फीलीप्‍पी सार्नी ढुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीन्‍नी ङीम ॱङल त्रोआस् सार्ल ॱलीबेन्। ॱनी हुदु खोब ॱएम्‍मा दीब ठेत्‍नी, हुदु दी़न्‍डक् च्‍यीक् देप्‍पेन्।

ठीक्‍नल 21:16

ॱनी ॱलोप्‍टुक्‍ल स्‍युन यो़प्‍प यरी ङीत्‍तङ् दल युङ्‌न यरुशलेम्‍दु दो़क्‍केन् मनासोन्‍गी खीम्‍ल ते हुबे च्‍येज्‍युङ्। ॱनी ङीत् हुदु देप्‍पेन्। रोगी कीस्‍से फयु दी सैप्‍रस् बेत्। रो गोमनीरङ् येशुगी ॱलोप्‍टुक्‍ल स्‍युन यो़प्‍प बेत्।

ठीक्‍नल 23:23

हुनी हुगी ॱमक्‍पो़न् चो दीगी रोरङ्‌गी होक्‍की ॱमक्‍पो़न् ॱङी रोरङ् च्‍याल भो़न हुब ॱङीबुल हन्‍दरङ् गोङ्‌मु छ्‌युजो़त् गुल पावल् सीजरीया सार्ल च्‍यो़ज्‍येमल ॱमक्‍मी ज्‍यब ॱङी, तल स्‍यो़ङ्‌गेन् ॱमक्‍मी दी़न्‍ज्‍यु धङ् दुङ् खुर्केन् ॱमक्‍मी ज्‍यब ॱङी ठोक्‍क झ्‍यीन स्‍योक्।

ठीक्‍नल 27:1

हीनी फेस्‍तस्‍की ह पावल् हीगो इटालीगी लुङ्‌बल ढु छ्‌यीम्‍मुल ॱलुक्‍न तोङ्‌गेन् झ्‍यीब बेत्। हुनी पावल्‍तङ् दल चो़म्‍बा ॱयोङ्‌म ॱयोङ्‌म आक् तोङ्‌ज्‍येमल युलीयस् सीक्‍केन् ॱमक्‍पो़न् च्‍यीक्‍की गेल्‍ल स्‍यक्‍प बेत्। हुगो सीजर् ज्‍याबी़ ॱमक्‍च्‍यप् सीक्‍केन् च्‍यीक्‍की ॱमक्‍पो़न् हीङ्‌गो़प्‍प बेत्।

ठीक्‍नल 28:11

हीनी हुदु गी़म्‍बु दव ॱसुम् थुक् देप्‍पेन्। ॱनी अलेक्‍जेन्‍डीया सार्की ढु छ्‌यीम्‍मु च्‍यीक् गी़न् घङ् उन स्‍यक्‍न दुक्। ॱनी ङीत् हुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीम्‍बेन्। हुगी ढी़ दोङ् दीन ॱल्‍ह छीरुक्‍की डवु ॱङी सो़न दुक्।

ठीक्‍नल 28:16

हीनी ङीत् रोम् सार्ल ॱलीत्‍नी, पावल् चो़ल्‍ल ॱमत् ॱलुक्‍प, रोरङ् रङ्‌स खीम् च्‍यीक्‍तु दो़त्‍तु ची़प्‍प बेत्। ॱनी हुदु पावल्‍ल तगेङ्‌गी गोराब च्‍यीक् को़न स्‍यक्‍प बेत्।

ठीक्‍नल 6:5

ॱनी हीगी केच्‍च्‍य हील हुगी मी घयेत् दी कुरीक् गुन हुल थी़न्‍नी, इस्‍तीफनस् सीक्‍केन् च्‍यीक् दम्‍ब बेत्। हुगो छ्‌य डम्‍सी स्‍योक्‍केन् धम्‍बे थुगी घेङे मी यो़प्‍प बेत्। ॱनी ॱयोङ्‌मा फीलीप् सीक्‍केन् च्‍यीक्, प्रखरस् सीक्‍केन् च्‍यीक्, नीकनोर् सीक्‍केन् च्‍यीक्, तीमोन् सीक्‍केन् च्‍यीक्, पर्मीनास् सीक्‍केन् च्‍यीक् धङ् एन्‍टीयोक् सार्की मी यहुदीगी छ्‌यो़लुल स्‍युबे मी नीकोलौस् सीक्‍केन् च्‍यीक् दम्‍ब बेत्।

ठीक्‍नल 9:30

ॱनी हुगी ढो़ दी पी़न्‍ज्‍या घयेक्‍की ॱह घोनी, हुबे शावल् सीजरीया सार् ॱसक् च्‍येन हुनी टार्सस् सार्ल तङ बेत्।

एफीसस् 4:11

ॱनी खोङ्‌गी यरी ठीक्‍नलल, यरी कलुङ् ॱस्‍यो़क्‍केल्‍ल, यरी केच्‍च्‍य ॱनेम्‍बु ॱस्‍येत्‍न टोम्‍गेल्‍ल, यरी छ्‌यो़ छोगी लुक्‍चीबल धङ् यरी चयेलमल को़न यो़क्‍केन् बेत्।

२ तीमोथी 4:5

हुब डस्‍सी मेम्‍ब, रङ्‌ल गदुक् घन्‍ड झ्‍युङ्‌न अक्, ॱसीम् च्‍यङ्‌जो़त् झ्‍यीन दो़च्‍च्‍यीत्। गुर् थेक्‍प झ्‍यीज्‍यीत्। केच्‍च्‍य ॱनेम्‍बु ॱस्‍यो़च्‍च्‍येमे ले दी झ्‍यीन रङ्‌गी गेल्‍ल यो़प्‍पे को़न्‍ज्‍योक्‍की स्‍यप्‍च्‍यी़गी ले दी डुब झ्‍यीज्‍यीत्।