ठीक्नल 20:2 - ल्होमी2 ॱनी हुगी लुङ्ब दीगी घुङ्नी फल्ल गीर्न डोये यङ्ल छ्य स्योक्केन् घङ् ठेप्प घयेत्ल ॱलोप्स्यीक्की केच्च्य गज्येन् ॱस्येत्न टेप्प बेत्। हुनी ग्रीक्की लुङ्बल ॱलीब बेत्। Faic an caibideil |
ठीक्नल 20:2
17 Iomraidhean Croise
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
ॱनी हुदु पावल् दव ॱसुम् थुक् देप्प बेत्। हुनी सीरीया लुङ्बल ढुल स्युन छ्यु ज्यम्जो छ्यीम्मी़ लम्ल डोज्येम झ्यीप्पे यङ्ल यहुदी घयेत् दीबे रोरङ्गी ढीक्ल केत्मीत्ल ढो़ अयेक्प झ्यीप्प ॱह घोव बेत्। हुगो ॱह घोनी पावल्की ङ हुगी लम्ल मीत् डो। मासीडोनीया लुङ्बे घुङ्नी फल्ल कोर्न लोक् डोगेन् सीन्न टप्नर बेत्।
ङीक्की खीत्रङ् रीदङ् रील पबे भीजल तेबे लेमु डस्सी झ्यीबेन्। को़न्ज्योक्की खोङ् रोरङ्गी ज्यागक् धङ् तो़त्वङ्गी ओ़च्च्य च्येम्मे ॱसज्यल खीत्रङ् भो़ब बेत्। हुगो झ्यीनी खोङ् थु गुवे लम्ल खीत्रङ् डोवल ओ़ब युङे लेमु झ्यीन युङ्ज्ये यो़प्पल ङीक्की छीगङ् खीत्रङ्ल ॱलोप्स ज्यप्न ॱलोप्स्यीक् टेप्पेन्। ॱनी हीगो कुरीक् खीत्रङ्लरङ् ॱस्यो़च्च्ये यो़क्केन् बेत्।
Sanasan