ठीक्नल 2:42 - ल्होमी42 हुनी झ्यीनी हुब घयेक्की ठीक्नल दीबे ॱलोप्सल तेन्देन् नेन्न देत्न हुब घयेत् कुरीक् कङ्ज्यीक्प झ्यीन छीगङ् कङ्ज्यीक्ल ढोप्ची च्यक्न से, ॱनी छीगङ् ॱसुव तप् तब झ्ये झ्यीगो़प्प बेत्। Faic an caibideil |
ठीक्नल 2:42
35 Iomraidhean Croise
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
चोव ज्यीन्दक्की फोप्पनी इक् थुङ्गेन्, ॱनो़प्प अयेक्प घयेक्की फोप्पनी इक् थुङ्गेन् हुन्दुक् झ्यीब युङ् ॱमीत् ॱस्यीगेन् बेत्। चोव ज्यीन्दक्की झ्यील्लप्की ढोप्ची सये यङ्ल हुगो ओक् सगेन्, यङ् ॱनो़प्प अयेक्प घयेत्ल छ्यो़प्पल पुबे सम अक् सगेन् हुन्दुक् झ्यीब युङ् ॱमीत् ॱस्यीगेन् बेत्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
हुगी ड हुब एल्ला हज्यरङ्दङ् कङ्ज्यीक्ल देप्प बेत्। ॱनी हुब हज्यरङ् ङो़गी मेम्बल हुन्दो हुब भीन टप्सोङ्। हुब गन्दीय हज्यरङ् ङो़गी हीन्न ॱनी, हज्यरङ्दङ् दल दो़प्पेत् क ॱनी। हुब हुन्दुक् झ्यीन ॱसोङे ले हुगी हुब हज्यरङ् ङो़गी च्यीगी च्यीक् मेम्बेत् ॱनो़ब हज्यरङ्गी ॱह घोगेन् बेत्।
Sanasan