ठीक्नल 2:23 - ल्होमी23 खोङ् खीत्रङ् च्याल तोङ्ज्ये दी को़न्ज्योक्की एल्लानी थुल यो़प्पल ॱसम्न खोङ्गी तङ बेत्। ॱनी खीत्रङ् घयेक्की को़न्ज्योक् ॱमीत् ॱसम्गेन् ज्यी़त् ॱयोङ् ॱयोङ्गी मी घयेक्की लक्ल खोङ् ची ज्यप्न कुरुस्ल तान ॱसो़त्तु ची़प्प बेत्। Faic an caibideil |
हुबे हीगो ॱमत् च्येत्तोङ्। बोर हीगो ॱसुल थोप्, ज्येन् पुर्तोङ् झ्यीब बेत्। ॱनी ॱमक्मी दीबे हुन्दुक् दीरङ् झ्यीन ज्येन् पुर बेत्। ॱनी हीगी ढीक्ल ॱसुङ्रप्ल थो़ङ्गेन् ङे ली़ज्ये दी हुबे रोरङ्सो नङ्दु गो़न झ्यीक्केन् बेत्। ॱनी ङे घो़ दील हुबे ज्येन् पुर्केन् बेत् सीक्केन् हीगो ताबल हुगो झ्युङ बेत्। (ॱसुङ्रप्की गुल्लु २२:१८)
खीत्रङ्गी पुबु ॱमुमु घयेक्की धङ्बु दुक्प अयेक्प ॱमत् तङ स्यक्पे कलुङ् ॱस्यो़क्केन् दी ॱसु दी यो़प्प बेक्क? तीङ्ला ढङ्बु च्यीक् थो़ङ्गेन् बेत् सीन्न ॱङो़स्स्यीगी कलुङ् ॱस्यो़क्केन् घयेत् एत् हुबे ॱसेत् तङ बेत्। ॱनी ढङ्बु खोङ् थो़न्न युङ्नी, भर्तु गे ज्युन खोङ् ॱसो़त्तु ची़क्केन् दी खीत्रङ् घयेत् बेत्।
हीगी ढीक्ल को़न्ज्योक्की अब्राहाम्ल ॱसुङ ॱसुङ्रप्ल थो़ङ्गेन् बेत्। ज्यी़त् ॱनम्ब गज्येङ्गी पुबुल रङ् ङे को़न स्यक्पेन्। (छ्यारप् १७:५) ॱस्यीनर घयेत् ॱसोम्बुल ॱलोङ्गेन्, अब्राहाम्गी छ्य स्योक्केन्, मीप्पनी यो़प्पल सोगेन् को़न्ज्योक्की ढुङ्दु अब्राहाम् हज्यरङ्गी पुबुल खो़त्न यो़क्केन् बेत्।
खीत्रङ्गी उन को़न्ज्योक् ॱमीत् ॱसम्गेङ्गी मी यरी को़न्ज्योक् ॱसम्गेन् हीन् झ्युरील स्युन यो़क्केन् बेत्। हुबल घन्दुक् झ्यीबे छ्येप्प फोक्केन् बेक्क हुगो एल्लादु ढीन यो़क्केन् बेत्। हुबे हज्यरङ्गी को़न्ज्योक्की थुज्यी दी आक्सी छ्येल ॱनक्सी झ्यीन अक्, डीक्केन् हीम्बल सो़न यो़क्केन् बेत्। येशु ख्रीष्ट् हज्यरङ्गी चोव ज्यीन्दक् ॱवङ् छ्यीम्मु च्येम्म खोङ् च्यीगी च्यीक् यो़प्प हीम्बल हुबे मेम्बेत् सीन्न सीक्केन् बेत्।