Biblia Todo Logo
Bìoball air-loidhne

- Sanasan -




ठीक्‍नल 2:23 - ल्होमी

23 खोङ् खीत्‍रङ् च्‍याल तोङ्‌ज्‍ये दी को़न्‍ज्‍योक्‍की एल्‍लानी थुल यो़प्‍पल ॱसम्‍न खोङ्‌गी तङ बेत्। ॱनी खीत्‍रङ् घयेक्‍की को़न्‍ज्‍योक् ॱमीत् ॱसम्‍गेन् ज्‍यी़त् ॱयोङ् ॱयोङ्‌गी मी घयेक्‍की लक्‍ल खोङ् ची ज्‍यप्‍न कुरुस्‍ल तान ॱसो़त्‍तु ची़प्‍प बेत्।

Faic an caibideil Dèan lethbhreac




ठीक्‍नल 2:23
39 Iomraidhean Croise  

हुनी ज्‍यी़त् ॱयोङ् ॱयोङ्‌गी मी घयेक्‍की लक्‍ल टेत्‍न, हुगी मी दीबे खोङ्‌ल छ्‌यस्‍सी़त् ज्‍यप्‍न डेङ्‌ज्‍यक् बेन्‍न हुनी कुरुस्‍ल तान ॱसो़क्‍केन् बेत्। हुनी स्‍यक्‍पु ॱसुम् ॱसोङे ङीन् दी यङ् खोङ्‌जो ॱसोम्‍बुल लोङ्‌गेन् बेत् सीन्‍न ॱस्‍येप्‍प बेत्।


ॱसुङ्‌रप्‍ल यो़प्‍पल कोलीमीगी ॱरेबु जम्‍बुलीङ् हीनी डोव दी त डो गोगेन् बेत्। ॱनी हीन्‍न अक्, कोलीमीगी ॱरेबु डलक्‍ल तोङ्‌गेन् हुगो घन्‍डे दुक्‍प। बोर हुगो ॱमत् कीब झ्‍युङ्‌न, हुल हुगो गा युङ्‌गो़ट्‌टो झ्‍यीब बेत्।


हुनी हुबे येशु कुरुस्‍ल ॱनम्‍ल ताब बेत्। ॱनी खोङ्‌गी ली़ज्‍ये दी ॱसु ॱसुल थोप्, हुबे रोरङ्‌सो नङ्‌दु ज्‍येन् पुर्न गो़ब बेत्। (ॱसुङ्‌रप्‍की गुल्‍लु २२:१८)


हुनी हुबे येशु हुदु कुरुस्‍ल ॱनम्‍ल ताब बेत्। खोङ्‌गी ली़ज्‍ये दी ॱसु ॱसुल थोप्, हुबे रोरङ्‌सो नङ्‌दु ज्‍येन् पुर्न गो़ब बेत्।


को़न्‍ज्‍योक्‍की थुल यो़प्‍पल कोलीमीगी ॱरेबु जम्‍बुलीङ् हीनी डोव दी त डो गोगेन् बेत्। ॱनी हीन्‍न अक्, कोलीमीगी ॱरेबु डलक्‍ल तोङ्‌गेन् हीगो घन्‍डे दुक्‍प सीन्‍न ॱसुङ बेत्।


ङे खीत्‍रङ्‌ल ॱस्‍येत् योङ्। खोङ् नक्‍पो़न् घयेत्‍तङ् च्‍यीक्‍प ॱसम्‍गेन् बेत् सीरे ॱसुङ्‌रप्‍की केच्‍च्‍य हीगो ङे मीजील डुप् गोगेन् बेत्। (यशैया ५३:१२) घन्‍ड हीन् सीन्‍न ङे ढीक्‍ल ढीन यो़प्‍प घयेत् कुरीक् डुप् डोगेन् बेत् सीन्‍न ॱसुङ बेत्।


ॱनी हुब कुरीक् मी गो डस्‍सी सीक्‍केङ्‌गी ॱसने च्‍यीक्‍ल ॱलीब बेत्। ॱनी हुदु खोङ् कुरुस्‍ल ॱनम्‍ल ताब बेत्। ॱनी नक्‍पो़न् ॱङीबु दी इक् च्‍यीक् खोङ्‌गी ॱये छ्‌योदु धङ् च्‍यीक् ॱयेन् छ्‌योदु कुरुस् रीदङ् रील ताब बेत्।


हज्‍यरङ्‌गी हीगी छ्‌यो़प्‍पो़न् चो छ्‌यीया घयेत् धङ् लुङ्‌बे चो छ्‌यीया घयेक्‍की खोङ् ठीम्‍सल च्‍येन ॱसो़त् गोगेङ्‌गी छ्‌येप्‍प केन कुरुस्‍ल तान ॱसो़त्‍तु ची़प्‍प बेत्।


हुनी हस्‍सो़त् हुगी ॱसने दीदु हुबे येशु कुरुस्‍ल कट्‌टी ज्‍यप्‍न ताब बेत्। ॱनी येशुगी ॱये धङ् ॱयेन् छ्‌यो दीदु उक् ॱयोङ्‌म मीरङ् ॱङी हुन्‍दुक् दीरङ् झ्‍यीन कुरुस् रीदङ् रील ताब बेत्।


हुबे हीगो ॱमत् च्‍येत्‍तोङ्। बोर हीगो ॱसुल थोप्, ज्‍येन् पुर्तोङ् झ्‍यीब बेत्। ॱनी ॱमक्‍मी दीबे हुन्‍दुक् दीरङ् झ्‍यीन ज्‍येन् पुर बेत्। ॱनी हीगी ढीक्‍ल ॱसुङ्‌रप्‍ल थो़ङ्‌गेन् ङे ली़ज्‍ये दी हुबे रोरङ्‌सो नङ्‌दु गो़न झ्‍यीक्‍केन् बेत्। ॱनी ङे घो़ दील हुबे ज्‍येन् पुर्केन् बेत् सीक्‍केन् हीगो ताबल हुगो झ्‍युङ बेत्। (ॱसुङ्‌रप्‍की गुल्‍लु २२:१८)


यरुशलेम्‍गी मीस्‍सीर् घयेत् धङ् हुगी ॱवङ् च्‍येम्‍म चो छ्‌यीया घयेक्‍की येशु च्‍यप्‍को़न् हीम्‍ब ङु ॱमत् ॱस्‍यीब बेत्। ॱनी हुब घयेक्‍की खोङ्‌ल छ्‌येप्‍प केब बेत्। ॱनी हुबे हुन्‍दुक् झ्‍यीन ङीत्‍तुवे ङीङ्‌गी यङ्‌ल छीगङ् डोन टेप्‍पे कलुङ् ॱस्‍यो़क्‍केन् घयेक्‍की केच्‍च्‍य घयेत् दी डुब बेत्।


धङ्‌बुदु चोव ज्‍यीन्‍दक्‍की ॱसुङ्‌न यो़प्‍प थो़ङ्‌गेन् बेत्। (आमोस् ९:११-१२)


ह खीत्‍रङ् इस्राएली घयेक्‍की हीगो गन्‍दीक्‍म ॱह घोव झ्‍यीज्‍यीत्। खीत्‍रङ्‌गी कुरुस्‍ल तान ॱसेप्‍पे येशु हुगो चोव ज्‍यीन्‍दक् धङ् च्‍यप्‍को़न् ख्रीष्‍ट्‌ल को़न्‍ज्‍योक्‍की को़न स्‍यक्‍प बेत् सीन्‍न पत्रुस्‍की ॱस्‍येप्‍प बेत्।


ॱनी म दी हीगो धङ्‌बु कलुङ् ॱस्‍यो़क्‍केन् घयेक्‍की ॱस्‍येप्‍पे ॱङो़स्‍स्‍यी घयेत्‍ल थो़ङ्‌गेन्, च्‍यप्‍को़ल्‍ल को़न तङे ख्रीष्‍ट्‌ल दुक्‍स्‍यी नोङ्‌न ढोङ्‌गेन् बेत् सीर दी हुन्‍दुक् झ्‍यीन ताब बेत्।


ॱनी म दी हीगो एल्‍लानी नीज्‍यरङ्‌गी थुल यो़प्‍पे ॱस्‍यीक् च्‍येम्‍मे ॱसम्‍ल घयेत् दी डुब बेत्।


हुगी मीङ्‌नी मी घयेत्‍ल ॱलोप्‍स ॱस्‍युली मत् ज्‍यक्‍च्‍यीत् सीन्‍न ङीक्‍की खीत्‍रङ्‌ल खक्‍को़ ज्‍यबेन् न ॱनी। ॱनी हीन्‍न अक्, खीत्‍रङ्‌गी म दीरङ् केच्‍च्‍य घल अक् ॱस्‍येत्‍न, यरुशलेम् जेङ्‌ल धर्नत्‍तुक्। हुगी मी हुगी ठक् तो़म्‍बे नक् दी ङीत्‍ल कोप्‍च्‍ये ॱनो़ब झ्‍यीक्‍कुक् सीन्‍न झ्‍यीब बेत्।


खीत्‍रङ्‌गी कुरुस्‍ल तान ॱसेप्‍पे येशु हुगो हज्‍यरङ्‌गी पुबु ॱमुमु घयेक्‍की को़न्‍ज्‍योक्‍की यङ् ॱसोम्‍बुल ॱलोङ बेत्।


खीत्‍रङ्‌गी पुबु ॱमुमु घयेक्‍की धङ्‌बु दुक्‍प अयेक्‍प ॱमत् तङ स्‍यक्‍पे कलुङ् ॱस्‍यो़क्‍केन् दी ॱसु दी यो़प्‍प बेक्‍क? तीङ्‌ला ढङ्‌बु च्‍यीक् थो़ङ्‌गेन् बेत् सीन्‍न ॱङो़स्‍स्‍यीगी कलुङ् ॱस्‍यो़क्‍केन् घयेत् एत् हुबे ॱसेत् तङ बेत्। ॱनी ढङ्‌बु खोङ् थो़न्‍न युङ्‌नी, भर्तु गे ज्‍युन खोङ् ॱसो़त्‍तु ची़क्‍केन् दी खीत्‍रङ् घयेत् बेत्।


छ्‌यो़डीम् मीप्‍पल दीक्‍प झ्‍यीक्‍केन् ज्‍यी़त् ॱयोङ् ॱयोङ्‌गी मी घयेत् छ्‌यो़डीम् मीप्‍पलरङ् हुब खरप्‍ल तोङ्‌गेन् बेत्। छ्‌यो़डीम् यो़क्‍केन् यहुदी दीक्‍प झ्‍यीक्‍केन् घयेत्‍ल छ्‌यो़डीम्‍ल तेन ठीम् च्‍यो़क्‍केन् बेत्।


हीगी ढीक्‍ल को़न्‍ज्‍योक्‍की अब्राहाम्‍ल ॱसुङ ॱसुङ्‌रप्‍ल थो़ङ्‌गेन् बेत्। ज्‍यी़त् ॱनम्‍ब गज्‍येङ्‌गी पुबुल रङ् ङे को़न स्‍यक्‍पेन्। (छ्‌यारप् १७:५) ॱस्‍यीनर घयेत् ॱसोम्‍बुल ॱलोङ्‌गेन्, अब्राहाम्‍गी छ्‌य स्‍योक्‍केन्, मीप्‍पनी यो़प्‍पल सोगेन् को़न्‍ज्‍योक्‍की ढुङ्‌दु अब्राहाम् हज्‍यरङ्‌गी पुबुल खो़त्‍न यो़क्‍केन् बेत्।


यहुदी घयेत् हुबे चोव ज्‍यीन्‍दक् येशु उक् ॱसेत् तङ बेत्। धङ्‌बु कलुङ् ॱस्‍यो़क्‍केन् घयेत् एत् थो़न्‍न युङ् रीम्‍बे हुबे ॱसेप्‍प बेत्। ॱनी ङीत्‍ल अक् दुक्‍प तङ्‌न दीच्‍च्‍युङ्। हुगो को़न्‍ज्‍योक् मीत् गुवे ले धङ् मी कुरीक्‍की डल लोङल डोगेन् बेत्।


खीत्‍रङ् घयेत् दम्‍बे धो़न् दी यप् को़न्‍ज्‍योक्‍की थुल यो़प्‍पल धम्‍बे थुगी लम्‍नी धक्‍पर् हीम्‍बल सो़न, येशु ख्रीष्‍ट्‌की कल चीन युङ्‌ज्‍ये यो़प्‍पल धङ् खोङ्‌गी ठक्‍की दीक्‍प धक्‍च्‍ये यो़प्‍पल बेत्। खीत्‍रङ्‌ल खोङ् च्‍यानी थुज्‍यी धङ् ॱसीम् दीव दी ज्‍येबर् युङ्‌ज्‍ये यो़प्‍प स्‍योक्‍च्‍यीत्।


ख्रीष्‍ट्‌की धो़ङ्‌गी ढो़ हीगो ॱस धङ् ॱनम् छ्‌यादु ची़प्‍पले एक् एल्‍लानी को़न्‍ज्‍योक्‍की थुल यो़क्‍केन् बेत्। ॱनी हीन्‍न अक्, हीगो दङ् हरीङ् थमे धी़गी यङ्‌ल क हज्‍यरङ्‌गी धो़ल्‍ल खोङ्‌गी कुरीक्‍की थोङ्‌सल डुब बेत्।


ॱनी हरुङ् हीगी ढीक्‍ल ॱसुङ्‌रप्‍ल मी घयेत् हीगी दो हील ॱनत्‍त दुगेन् बेत्। मी घयेत् हीगी ढक् हील थुक्‍न दप्‍केन् बेत् सीर यो़क्‍केन् बेत्। (यशैया ८:१४) हुब घयेत् ॱसुङ्‌रप्‍ल ॱमत् चीये छ्‌यीत्‍तु, दुन दप्‍केन् बेत् ॱनो़ब को़न्‍ज्‍योक्‍की थुल यो़क्‍केन् बेत्।


खीत्‍रङ्‌गी उन को़न्‍ज्‍योक् ॱमीत् ॱसम्‍गेङ्‌गी मी यरी को़न्‍ज्‍योक् ॱसम्‍गेन् हीन् झ्‍युरील स्‍युन यो़क्‍केन् बेत्। हुबल घन्‍दुक् झ्‍यीबे छ्‌येप्‍प फोक्‍केन् बेक्‍क हुगो एल्‍लादु ढीन यो़क्‍केन् बेत्। हुबे हज्‍यरङ्‌गी को़न्‍ज्‍योक्‍की थुज्‍यी दी आक्‍सी छ्‌येल ॱनक्‍सी झ्‍यीन अक्, डीक्‍केन् हीम्‍बल सो़न यो़क्‍केन् बेत्। येशु ख्रीष्‍ट् हज्‍यरङ्‌गी चोव ज्‍यीन्‍दक् ॱवङ् छ्‌यीम्‍मु च्‍येम्‍म खोङ् च्‍यीगी च्‍यीक् यो़प्‍प हीम्‍बल हुबे मेम्‍बेत् सीन्‍न सीक्‍केन् बेत्।


ॱनी ॱरोक्‍ल झ्‍युङे लुक्‍टुक्‍की लक्‍ल यो़क्‍केन् छीये थोल गोम ॱस धङ् ॱनम् छ्‌यादु ची़प्‍पनी मीङ् ढीन स्‍यक्‍प घयेत् दी पी़प्‍पे हीन्‍डो़ जम्‍बुलीङ्‌गी मी ॱयोङ्‌मा कुरीक्‍की हुगी ॱसीम्‍ज्‍येन् हुल छ्‌यक् छो़गुक्।


Lean sinn:

Sanasan


Sanasan