ठीक्नल 2:11 - ल्होमी11 क्रेट् धङ् अरब् हीन्दुक् झ्यीब लुङ्ब ख ख ॱसोस्सोनी युङे यहुदी घयेत् धङ् यहुदीगी छ्यो़लुल स्युन युङे ज्यी़त् ॱयोङ् ॱयोङ्गी मी घयेत् हज्यरङ् ॱसोस्सोरङ्गी केच्च्योक्ल को़न्ज्योक्की ले छ्यीम्मु घयेक्की धो़ङ्गी तम् ॱह घोगुक् न व सीन्न झ्यीब बेत्। Faic an caibideil |
ठीक्नल 2:11
36 Iomraidhean Croise
ॱनी हुदु देत्न गी़न्दोक् यो़दु ची़प्पल ढु स्योक् छुदोक्प मीप्पल, हुब घयेत् मङागी छ्यु ज्यम्जो छ्यीम्मी़ लम् दीलरङ् फीन्न क्रेट् लुङ्बे फोनीक्स सार्ल ॱलीत् छुगो़ट्टो। ॱनी हुदु गी़न्दोक् यो़दु ची़त्तोङ् सीन्न ढो़ झ्यीब बेत्। फोनीक्स दीन ढु स्योक्स यो़प्प बेत्। हुदु झ्यङ् धङ् नुप्की घुङ्नी छुल्ल च्यीक्, ॱनी ॱल्हो धङ् नुप्की घुङ्नी छुल्ल च्यीक् मेन्द, ॱलुङ्बी़ गो ॱमीत् खीगो़प्प बेत्।
हुनी छ्यु ज्यम्जो छ्यीम्मी़ लम्ल डोवल घासी झ्युङ्नी, घलुल फीन्नी स्यक्पु गज्येल्ल क कीनीडस् सार्की ॱल्हो ङो़ल ॱलीच्च्युङ्। हुनी ॱलुङ्बु स्युक् छ्यीम्मु ज्यप्न युङ्नी, स्युङ्ज्योङ् डो ॱमत् छुबल छ्यी़ घुङ्गी ॱसने क्रेट्की लुङ्ब ङो़ल च्यी़न फीन्न ॱलुङ्ग कक् योङ् ॱनो़न हुगी ॱस्यर्की सालमोने ॱसनेगी ज्यप् ङो़नी फल्ल कोर्न च्यीप्न फीम्बेन्।
ॱनी यङ् मी ॱयोङ्म च्यीक्ल ॱस्यीक् छ्यीम्मी़ ले झ्यीत् छुज्येमे ॱस्यीक् ॱनङ्गेन् बेत्। ॱनी यङ् मी ॱयोङ्म च्यीक्ल कलुङ् ॱस्यो़त् छुबे कबप् ॱनङ्गेन् बेत्। ॱनी यङ् च्यीक्ल धम्बे थुगी ङो़गी हीन् धङ् जी़म ङो़गी हीन् हुगो ॱयुव पीक् छुबे कबप् ॱनङ्गेन् बेत्। ॱनी यङ् च्यीक्ल केच्च्योक् ॱमीत् च्यीक्पल तम् ॱस्यो़त् छुबे कबप् ॱनङ्गेन् बेत्। ॱनी यङ् च्यीक्ल केच्च्योक् ॱमीत् च्यीक्पल लबे तम्गी धो़न् दी ॱलोक्न ॱस्यो़त् छुबे कबप् ॱनङ्गेन् बेत्।
छ्यो़ छो छङ्मल को़न्ज्योक्की को़न यो़प्पल गोम छ्यीस्स्यो दील ठीक्नल घयेत् युङ्गेन् बेत्। हुगी होक्नी कलुङ् ॱस्यो़क्केन् घयेत्, हुगी होक्नी चयेलम घयेत्, हुनी ॱस्यीक् छ्यीम्मी़ ले झ्यीक्केन् घयेत्, हुनी नेप्प ढक्तु ची़च्च्येमे कबप् च्येम्म घयेत्, हुनी फेन् थोबे दगु झ्यीक्केन् घयेत्, हुनी गोयो़त् झ्यीक्केन् घयेत्, हुनी केच्च्योक् ॱमीत् च्यीक्पल तम् ॱस्यो़त् छुगेन् घयेत् को़न युङ्गेन् बेत्।
Sanasan