ठीक्‍नल 19:9 - ल्होमी

⁹ ॱनी यरीगी छ्‌य मत् स्‍यक्‍प, ॱसीम् गट्‌टक्‍प खुर्न चोव ज्‍यीन्‍दक्‍की लम्‍गी ढीक्‍ल कुरीक्‍की ॱह घोस्‍सल तम् अयेक्‍प लब बेत्। हुनी पावल् हुबदङ् घीन उन येशुगी ॱलोप्‍टुक्‍ल स्‍युन यो़प्‍प घयेत् दी कङ्‌ज्‍यीक्‍ल ठीक्‍न फीम्‍ब बेत्। ॱनी हुनी झ्‍यीब दी टीरान्‍नस् सीक्‍केन् मी च्‍यीक्‍की छोक्‍तेन् छुस च्‍यीक्‍ल ङीन्‍दङ् फो़स्‍स्‍यी फीन्‍न हुदु जोम्‍न युङ्‌गेन् घयेत्‍तङ् तम्‍स्‍यु लप्‍री चीय बेत्।

ठीक्‍नल 19:9 Iomraidhean Croise

मत्‍ती 15:14

हुब घयेत्‍तङ् भीन दो़च्‍च्‍यीत्। हुब घयेत् लम्‍बा स्‍यर्च्‍योक् बेत्। ॱनी स्‍यर्च्‍योक् च्‍यीक्‍की स्‍यर्च्‍योक् च्‍यीक्‍रङ् लक्‍टी़त् तप्‍न ठीक्‍न ॱनी, हुब ॱङीक्‍कर् जरोक्‍ल जक्‍केन् हीन्‍डो न ॱनी झ्‍यीब बेत्।

मत्‍ती 16:4

हीगी धीङ्‌सङ्‌गी मी ङेम्‍ब, ॱयोङ्‌दङ् ङीगेन् घयेत् हीबे यीक् छ्‌यीम्‍मी़ ता तो़ल्‍लेत् सीक्‍केन् बेत्। हुन्‍दुक् झ्‍यीब घयेत्‍ल योनाल झ्‍युङे ता हुगो डस्‍सी मेन्‍द, ॱयोङ् ॱमीत् तो़ङ्‌गेन् बेत् सीन्‍न हुनी खोङ् हुबदङ् घीन टप्‍नर बेत्।

मत्‍ती 26:55

हुनी हुगी मी युङ घयेत् दीबल खोङ्‌गी खीक्‍की नुक्‍म ढी पदङ् धङ् ज्‍युक्‍प खुर्न ङ झ्‍यक्‍पा ब अक् ॱनो़न सुङ्‌दु युङ हीम्‍ब? ङ छीगङ् ङीन् रीम फो़स्‍स्‍यी छ्‌यो़गङ्‌गी च्‍यारीदु ॱलोप्‍स ज्‍यक्‍कीन् देप्‍पेन्। हुगी यङ्‌ल खीक्‍की ङ घन्‍डल मत् सुङ?

युहन्‍ना 12:40

हुबे ॱसीम् दी को़न्‍ज्‍योक्‍की भीदु ॱमत् ची़प्‍प, गट्‌टक्‍पल सो़ तङ बेत्। स्‍येन् हुबे ॱमीक्‍की थोङेत् क ॱनी। हुबे ॱसीम्‍बे ॱह घोयेत् क ॱनी। हुनी ङ च्‍येल्‍ल लोक्‍न युङ्‌न, ङे हुब ढक्‍तु ची़प्‍पेत् क ॱनी। (यशैया ६:१०)

ठीक्‍नल 11:26

ॱनी हुदु शावल् ठेत्‍नी, हुगो एन्‍टीयोक्‍ल ठीक्‍न युङ बेत्। हुनी हुब ॱङीक्‍कर् हुदु लो च्‍यीक् थुक् देत्‍न हुगी छ्‌यो़ छोदु मी गज्‍येल्‍ल ॱलोप्‍स ज्‍यप्‍न टेप्‍प बेत्। हुगी यङ्‌ल क एन्‍टीयोक्‍तु गोम ॱएन्‍स्‍युक्‍ल येशुगी ॱलोप्‍टुक्‍ल स्‍युन यो़प्‍प घयेत्‍ल ख्रीष्‍ट्‌यान् सीन्‍न मीङ् ताब हीङ्‌गो़प्‍प बेत्।

ठीक्‍नल 14:4

हीनी हुगी सार्की मी घयेत् दी गो ॱङील भीन, गो च्‍यीक् हुगी ड झ्‍यीक्‍केन् यहुदी ङो़ल धङ् गो च्‍यीक् ठीक्‍नल दीब छ्‌योल देप्‍प बेत्।

ठीक्‍नल 17:4

ॱनी हुगी यहुदी यरीब धङ् को़न्‍ज्‍योक्‍ल धेप्‍प मो़ब झ्‍यीक्‍केन् ग्रीक्‍की ज्‍यी़क्‍की मी गज्‍येन् हुल ॱलो खीन, पावल् धङ् सीलास्‍की छ्‌योल युङ बेत्। ॱनी हुगी दल भुमु ढक्‍पा अक् गज्‍येन् युङ बेत्।

ठीक्‍नल 19:23

हीनी हुगी यङ्‌ल एफीसस् सार्तु थर्वे लम्‍गी ढीक्‍ल हुट्‌ट छ्‌यीम्‍मु लङ बेत्।

ठीक्‍नल 19:30

ॱनी पावल् हुदु डोगेन् झ्‍यीब बेत्। ॱनी उन ॱलोप्‍टुक्‍ल स्‍युन यो़प्‍प घयेत् दीगी डोदु ॱमत् ची़प्‍प बेत्।

ठीक्‍नल 20:31

हुगो झ्‍यीनी खीत्‍रङ् च्‍यङ्‌जो़त् झ्‍यीज्‍यीत्। ङे लोङ ॱसुम् थुक् खीत्‍रङ् रीदङ् रील ॱमीक्‍च्‍यु तोङ्‌गील्‍ल घन्‍दुक् झ्‍यीन ङीन् छेन् मीप्‍प ॱलोप्‍स ज्‍यप्‍च्‍युङ हुगो ढेन्‍सो़ झ्‍यीज्‍यीत्।

ठीक्‍नल 22:4

ॱनी हुगी यङ्‌ल ङ हुन्‍दो डोगेङ्‌गी लम् हील डोगेन् छ्‌योगो भुमु घयेत् सुङ्‌न चो़ल्‍ल ॱलुक्‍पेन्। हुबल ॱस्‍यी ॱस्‍यी थुक् दुक्‍प अयेक्‍प तोङ्‌गील्‍ल गीरेन्।

ठीक्‍नल 24:21

ङ हुदु लोङ्‌न यो़प्‍पे यङ्‌ल हुगी छोक्‍तेन् छ्‌यीम्‍मी़ मी घयेत्‍ल ङे मी ॱस्‍यीन खुर घयेत् को़न्‍ज्‍योक्‍की ॱसोम्‍बुल ॱलोङ्‌गेन् बेत् सीरे ढीक्‍ल ङल खम्‍ज्‍यु हीगो ज्‍यप्‍च्‍युङ् सीन्‍न ङे हुदु केत् ज्‍यबेन्। ङे ङीनक् दी हीगोरङ् हीन्‍डो सीन्‍न ॱस्‍येप्‍प बेत्।

ठीक्‍नल 28:22

ॱनी रङ्‌गी ॱनो़बे केच्‍च्‍य घन्‍ड यो़प्‍प ङीत्‍ल ॱस्‍यो़त्‍लेत्। ङीत् हुगो नेङ्‌गीन् थेक्‍कुक्। ङीक्‍की ॱह घोवल हीगी छ्‌यो़लु ङो़गी मी घयेत्‍ल घदु उक् डल लोङ्‌गुक् सीर उजो़त् च्‍यीक् मेन्‍द, ङीत्‍ल ॱयोङ् ॱस्‍यो़च्‍च्‍ये मीत् सीन्‍न झ्‍यीब बेत्।

ठीक्‍नल 7:51

ॱवे खीत्‍रङ् ॱअप्‍स्‍यी़त् मीप्‍पे मी घयेस्‍सो। कगो़त् धम्‍स्‍यक् ॱसम्‍बे दक् दी खीत्‍रङ्‌गी ॱसीम् धङ् आम्‍ज्‍योक्‍ल मत् स्‍युबेत्। पुबु ॱमुमु घयेत् डस्‍सीरङ् खीत्‍रङ् ॱअङ् छीगङ् डल लोङ्‌न धम्‍बे थुगी ले क च्‍यो़क्‍केन् बेत्।

ठीक्‍नल 9:2

पुर्ची लीन्‍दु फीम्‍ब बेत्। ॱनी हुगी पुर्ची दी दमस्‍कस्‍की सार्की यहुदीगी छ्‌यो़गी छ्‌यो़ छो घयेत्‍ल तो़न्‍ज्‍येल बेत्। हुगी पुर्ची दील दमस्‍कस्‍तु येशुगी लम्‍ल डोगेन् छ्‌योगो भुमु कुरीक् ॱसु ठेत्‍न आक्, हुगो शावल्‍की कीङ्‌न यरुशलेम्‍ल च्‍यो़ छुज्‍ये यो़प्‍पे ॱहक् हुल ढीन यो़प्‍प बेत्।

रोमी 11:7

ॱनी हुगो हीन्‍न, घन्‍ड सीक्‍केन्? इस्राएली घयेक्‍की ॱयेङ दी त कुरीक्‍की ॱयेङ बेत्। ॱनी हीन्‍न अक्, कुरीक्‍ल ॱमत् ॱङीब बेत्। दम्‍बे मी घयेत्‍लरङ् क हुगो ॱङीब बेत्। ॱयोङ्‌मा घयेक्‍की ॱसीम् दी गट्‌टक्‍पल ॱसोङ बेत्।

रोमी 9:18

हुगो झ्‍यीनी खोङ्‌गी ॱसुल ॱङीङ्‌ज्‍यी झ्‍यीच्‍च्‍ये ॱनो़गो़दङ् हुल झ्‍यीक्‍केन् बेत्। ॱसी़ ॱसीम् गट्‌टक्‍पल सोज्‍ये ॱनो़गो़दङ् हुगोल सोगेन् बेत्।

१ कोरीन्‍थी 16:9

घन्‍ड हीन् सीन्‍न ले ज्‍य छ्‌यीम्‍मु झ्‍यीच्‍च्‍येल हीन ङे ढीक्‍ल गोच्‍च पीक्‍न स्‍यक्‍तुक्। ॱनी थङ्‌गक् झ्‍यीक्‍केङ्‌गी ड घयेत् एत् गज्‍येन् दुक्।

१ तीमोथी 6:5

धङ् ॱहेक्‍री ज्‍यक्‍केन् युङ्‌गेन् बेत्। हुबे ॱनोक्‍सम् दी ङीन दीम्‍बे लम्‍नी छ्‌यी़ छर युङ्‌गेन् बेत्। ॱनी यङ् हुबे नोर् ॱसान छ्‌युक्‍पुल बको़र्ट्‌टो ॱनो़बे ख यच्‍च्‍येक्‍की छ्‌यो़सीम्‍गी ॱसीम् खुर्केन् बेत्।

२ तीमोथी 1:15

एशीया लुङ्‌बदु कुरीक्‍की ङ ॱलो़ तङ्‌न स्‍यक्‍च्‍युङ्। फैगेलस् धङ् हर्मोगेनस्‍की इक् ॱलो़ तङ्‌ज्‍युङ्। हीगो रङ्‌ल ॱस्‍यो़च्‍च्‍ये यो़ट्‌टो।

२ तीमोथी 3:5

हुबे छ्‌यलु दीगी म दी को़न्‍ज्‍योक् ॱसम्‍गेन् हीन्‍दोक्‍प झ्‍यीक्‍केन्, ॱनी म दी हुगी लेमुल ॱस्‍यीक् मीप्‍प हीम्‍ब ॱसम्‍गेन् बेत्। हुन्‍दुक् झ्‍यीबदङ् रङ् भीन दो़च्‍च्‍यीत्।

२ तीमोथी 4:2

ॱसुङ्‌रप्‍की केच्‍च्‍य ॱस्‍येत् ॱस्‍येप्‍प झ्‍यीज्‍यीत्। धी़जो़त्‍ल ॱमत् तय, छीगङ् ॱस्‍यो़त् छ्‌योक् झ्‍यीन दो़च्‍च्‍यीत्। ङङ्‌रीन् झ्‍यीन ॱलोप्‍स ज्‍योप्‍च्‍यीत्। लप्‍स्‍य तोङ्‌ज्‍यीत्। ङीब तो़न्‍न ॱरोङ्‌ज्‍यीत्। ॱलोप्‍स्‍यीक् टो़च्‍च्‍यीत्।

हीब्रु 3:13

बोर खीत्‍रङ् ॱसु उक् दीक्‍पे ॱयोङ्‌गोर्ल छ्‌यी़न गट्‌टक्‍पे ॱसीम् युङ्‌ज्‍ये मीप्‍पल खीत्‍रङ् नङ्‌दु ङीन् रीम फो़स्‍स्‍यी हरीङ्‌गी ङीन् सीर हुगो नम् यो़ यो़ थुक्‍ल च्‍यीक्‍तङ् च्‍यीक्‍ल ॱलोप्‍स्‍यीक् टो़त्‍री चीज्‍यीत्।

२ पत्रुस् 2:12

हीगो डस्‍सी मेम्‍ब, हुबे रोरङ्‌सोल ॱस्‍यो़च्‍च्‍ये मीप्‍पे ढङ् घयेत्‍ल ॱमो़म्‍बी़त् तोङ्‌गेन् बेत्। हुब ॱनोक्‍सम् मीप्‍पे ॱसीम्‍ज्‍येन् डस्‍सी ॱनो़जो़त् घङ्‌बु झ्‍यीक्‍केन् सुङ्‌न ॱसो़च्‍च्‍येमल कीबे रीदादङ् छ्‌येत्‍मीत् बेत्। ॱनी हुबल रीदाल ॱस्‍यीप्‍सेन् फोक्‍प डस्‍सी फोक्‍केन् बेत्।

२ पत्रुस् 2:2

छ्‌येल ॱस्‍योर्नर हुबे तीङ्‌ल मी गज्‍येन् डोगेन् बेत्। हुबे झ्‍यीत् झ्‍यीक्‍की दीम्‍बे लम्‍ल ॱमेस्‍येत् तोङ्‌गेल्‍ल सोगेन् बेत्।

यहुदा 1:10

हुबे रोरङ्‌सोल ॱस्‍यो़च्‍च्‍ये मीप्‍प घयेक्‍की ढीक्‍ल ॱमो़न्‍ज्‍यक् तोङ्‌गेन् बेत्। हुबे ॱसम्‍ल दी ॱनोक्‍सम् मीप्‍पे ॱसीम्‍ज्‍येङ्‌गी लेमु डस्‍सी झ्‍यीन रोरङ्‌सो़ ॱह घोन युङे केच्‍च्‍य दीगी रोरङ्‌सो मीत्‍तल तोङ्‌गेन् बेत्।