ठीक्‍नल 19:4 - ल्होमी

⁴ ॱनी पावल्‍की यङ् हुबल युहन्‍नागी बप्‍तीस्‍ल स्‍युब हुगो ॱएङ्‌गी लम्‍नी ॱसीम्‍ब ज्‍युरे ढीक्‍लरङ् बेत्। युहन्‍नागी रोरङ्‌गी तीङ्‌ल थो़न्‍न युङ्‌गेन् दील छ्‌य स्‍योक् गोगेन् बेत् सीन्‍न मी कुरीक्‍ल ॱस्‍येत्‍न युङ बेत्। ॱनी हुगो दी क हस्‍सो़त् येशु बेत् सीन्‍न ॱस्‍येप्‍प बेत्।

ठीक्‍नल 19:4 Iomraidhean Croise

युहन्‍ना 1:15

ॱनी खोङ्‌गी ढीक्‍ल युहन्‍ना पङ्‌बुल थो़न्‍न मी घयेत्‍ल हीन्‍दुक् सीन्‍न केत् ज्‍यब बेत्। ङे खीत्‍रङ्‌ल ॱस्‍येत्‍न टो़क्‍केन् दी फोगो बेत्। फोगो ह ङले तीङ्‌ल थो़ङ्‌गेन् बेत्। ॱनी म दी ङले एल्‍ला यो़क्‍केन् झ्‍यीनी, ङले छ्‌यीया यो़क्‍केन् बेत् सीन्‍न ॱस्‍येप्‍प बेत्।

युहन्‍ना 1:26

ॱनी युहन्‍नागी लेम्‍बुल ङे त छ्‌यी़ बप्‍तीस्‍लरङ् ॱलुक्‍को़त्। ॱनी खीत्‍रङ् मी घयेक्‍की घुङ्‌दु ॱयोङ् च्‍यीक् यो़क्‍केन् बेत्। हुन्‍दो खोङ् खीत्‍रङ्‌गी ङु ॱमीत् ॱस्‍यीगेन् बेत्।

युहन्‍ना 1:27

खोङ् ह ज्‍योक्‍पु थो़ङ्‌गेन् बेत्। ॱनी ङ खोङ्‌गी जुत्‍ते लेस् ॱस्‍यीक्‍केन्‍जो़त्‍ल आक् ॱमीत् ॱनेब यो़त् झ्‍यीब बेत्।

युहन्‍ना 1:7

ॱनी हुगी मी घयेत्‍ल मेङ्‌ग ज्‍यी़ तो़न्‍न, मी कुरीक्‍की मेङ्‌गल छ्‌य स्‍योक् छुज्‍ये यो़प्‍पल हुगो मेङ्‌गे ढीक्‍ल दीम्‍बे केच्‍च्‍य ॱस्‍यो़त्‍तु थो़म्‍ब बेत्।

ठीक्‍नल 1:5

युहन्‍ना बप्‍तीस्‍की छ्‌यी़ बप्‍तीस्‍लरङ् ॱलुक्‍प बेत्। ह अच्‍च्‍येत् च्‍यीक्‍नी खीत्‍रङ् धम्‍बे थुगी बप्‍तीस्‍ल ॱलुक्‍केन् बेत्।

ठीक्‍नल 11:16

हुनी क चोव ज्‍यीन्‍दक्‍की हज्‍यरङ्‌ल एल्‍ला ॱसुङे केच्‍च्‍य हीगो ङे ढेङ्‌गी ॱसो़ज्‍युङ्। युहन्‍ना बप्‍तीस्‍की छ्‌यी़ बप्‍तीस्‍लरङ् ॱलुक्‍प बेत्। ॱनी खीत्‍रङ् घयेत्‍ल धम्‍बे थुगी बप्‍तीस्‍ल को़न्‍ज्‍योक्‍की ॱलुक्‍केन् बेत्।