ठीक्‍नल 17:1 - ल्होमी

¹ हुनी पावल्‍सो अम्‍फीपोलीस् सार् धङ् अपोल्‍लोनीया सार्नी फल्‍ल झ्‍यीन फीन्‍नी थीस्‍सलोनीका सार्ल ॱलीब बेत्। उन यहुदीगी छ्‌यो़गी छोगङ् च्‍यीक् यो़प्‍प बेत्।

ठीक्‍नल 17:1 Iomraidhean Croise

ठीक्‍नल 14:1

हीनी आइकोनीयम्‍दु उक् पावल् धङ् बार्नाबास् ॱएङ्‌गी लेक्‍मु हुगी यहुदीगी छ्‌यो़गी छोगङ्‌ल स्‍युब बेत्। ॱनी हुदु उक् हुब ॱङीबी़ केच्‍च्‍य ॱस्‍येत्‍नी, यहुदी धङ् ज्‍यी़त् ॱयोङ् ॱयोङ्‌गी मी गज्‍येन् छ्‌य स्‍यक्‍पे लम्‍ल युङ बेत्।

ठीक्‍नल 15:21

घन्‍ड हीन् सीन्‍न मोशागी छ्‌यो़डीम् त धङ्‌बुनीरङ् सार् धङ् युगङ् घयेत्‍ल हज्‍यरङ् यहुदीगी छ्‌यो़गी छोगङ्‌दु ङीत्‍तुवे ङीङ्‌गी यङ्‌ल छीगङ् डोन टो़क्‍केन् बेत् सीन्‍न ॱस्‍येप्‍प बेत्।

ठीक्‍नल 16:13

हुनी ङीत्‍तुवे ङीन् ॱलीत्‍नी, हुगी सार्की छ्‌यील चङ्‌बी़ छीगल यहुदीगी ॱसुव तोप्‍स च्‍यीक् यो़ट्‌टो ॱनो़न ङीत् हुदु फीम्‍बेन्। फीन्‍नी हुदु देप्‍पेन्। ॱनी हुदु जोम्‍न युङे भुमु घयेत्‍ल ङीक्‍की तम् ॱस्‍येप्‍पेन्।

ठीक्‍नल 17:10

हीनी हुगी गोङ् दीरङ् ढीम्‍सी झ्‍यीन हुगी पी़न्‍ज्‍या दीबे पावल् धङ् सीलास् बेरीया सार्ल तङ बेत्। ॱनी बेरीया दीदु ॱलीत्‍नी, हुब हुगी यहुदीगी छ्‌यो़गी छोगङ्‌ल फीम्‍ब बेत्।

ठीक्‍नल 17:11

ॱनी हुगी यहुदी घयेत् दीब थीस्‍सलोनीकागी यहुदी डस्‍सी मेम्‍ब, हुले गज्‍येङ्‌गी गा यो़प्‍प बेत्। पावल्‍की ॱस्‍येप्‍पे तम् दी हुबे गस्‍सी छोर्न, हुगो को़न्‍ज्‍योक्‍की ॱसुङ्‌रप्‍तङ् डीक् मीत् डीक् ङीन् रीम फो़स्‍स्‍यी ॱसुङ्‌रप् डोन तेब बेत्।

ठीक्‍नल 17:13

हीनी पावल्‍की बेरीयादु को़न्‍ज्‍योक्‍की केच्‍च्‍य ॱस्‍यो़क्‍कुक् सीर थीस्‍सलोनीकागी यहुदी घयेत् दीबे ॱह घोनी, हुब घयेत् हुदु उक् युङ्‌न हुट्‌ट ॱलोङ्‌ज्‍ये ॱनो़न हुगी मी घयेत् दी पावल्‍सो़ डल ॱलोङ बेत्।

ठीक्‍नल 20:4

ॱनी बेरीया सार्की पैर्रस्‍की भु सोपाटर् सीक्‍केन् च्‍यीक्, थीस्‍सलोनीका सार्की मी ॱङी अरीसतार्खस् सीक्‍केन् च्‍यीक् धङ् सीकन्‍डस् सीक्‍केन् च्‍यीक्, ॱनी डर्बी सार्की मी गायस् सीक्‍केन् च्‍यीक्, ॱनी तीमोथी, ॱनी एशीया लुङ्‌बे मी ॱङी टैकीकस् सीक्‍केन् च्‍यीक् धङ् त्रोफीमस् सीक्‍केन् च्‍यीक् पावल्‍तङ् दल टप्‍नर बेत्।

ठीक्‍नल 27:2

ॱनी ङीत्‍तङ् दल मासीडोनीया लुङ्‌बे थीस्‍सलोनीका सार्की दगु अरीसतार्खस् दी इक् यो़त्। हुनी ङीत् कुरीक् एशीया लुङ्‌बे छीगल ॱनेगेन् सार् सार्ल डोगेङ्‌गी ढु छ्‌यीम्‍मु च्‍यीक्‍ल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीम्‍बेन्। हुगी ढु दी एडामीटीयम् सार्की बेत्।

फीलीप्‍पी 4:16

ङ थीस्‍सलोनीका सार्तु दो़प्‍पे यङ्‌ल अक् खीत्‍रङ्‌गी ङल गो़बे खोज्‍येत् लेम्‍म ॱङी ॱसुम् तङ्‌ज्‍युङ्।

१ थीस्‍सलोनीका 1:1

ङ पावल्, सीलास् धङ् तीमोथी झ्‍यीबे खीत्‍रङ् उन थीस्‍सलोनीका सार्न यो़क्‍केन्, यप् को़न्‍ज्‍योक् धङ् चोव ज्‍यीन्‍दक् येशु ख्रीष्‍ट्‌तङ् मत् ढेबे छ्‌यो़ छोल हीगो ढीन तोङ्‌गो़त्। खीत्‍रङ् घयेत्‍ल इगीनी थुज्‍यी धङ् ॱसीम् दीव युङ्‌ज्‍ये यो़प्‍प तोङ्।

१ थीस्‍सलोनीका 2:2

ॱनी हुले एल्‍ला फीलीप्‍पी सार्तु ङीत्‍ल मी घयेक्‍की घन्‍दुक्‍मे दुक्‍प तङ्‌न ॱम पब बेक्‍क हुगो ओक् खीत्‍रङ्‌ल ॱस्‍यो़च्‍च्‍ये यो़क्‍केन् बेत्। ॱनी खीत्‍रङ् च्‍येल्‍ल ॱलीत्‍नी, हुदु उक् ङीक्‍की डल मी गज्‍येन् लोङ्‌ज्‍युङ्। ॱनी हीन्‍न अक्, हज्‍यरङ्‌गी को़न्‍ज्‍योक्‍की दगु जेत्‍नी, खोङ्‌गी केच्‍च्‍य ॱनेम्‍बु ज्‍यीक्‍टक् मीप्‍प, ङीक्‍की खीत्‍रङ्‌ल ॱस्‍यो़त् छुज्‍युङ्।

२ थीस्‍सलोनीका 1:1

ङ पावल्, सीलास् धङ् तीमोथी झ्‍यीबे खीत्‍रङ् उन थीस्‍सलोनीका सार्न यो़क्‍केन्, हज्‍यरङ्‌गी यप् को़न्‍ज्‍योक् धङ् चोव ज्‍यीन्‍दक् येशु ख्रीष्‍ट्‌तङ् मत् ढेबे छ्‌यो़ छोल हीगो ढीन तोङ्‌गो़त्।

२ तीमोथी 4:10

डेमास् हुगो ॱनी जम्‍बुलीङ् ङो़ल ॱसीम् ॱस्‍योर्न, ङ ॱलो़ तङ्‌न थीस्‍सलोनीकाल टप्‍सोङ्। ॱनी क्रेसेन्‍स् गलातील धङ् तीतस् दाल्‍मातीया लुङ्‌बल टप्‍सोङ्।