ठीक्‍नल 16:6 - ल्होमी

⁶ हुनी धम्‍बे थुगी पावल्‍सोल एशीया लुङ्‌बदु केच्‍च्‍य ॱस्‍यो़त्‍तु ॱमत् ची़प्‍पल हुब फ्रीगीया धङ् गलाती लुङ्‌बे घुङ्‌नी फल्‍ल गीर्न फीम्‍ब बेत्।

ठीक्‍नल 16:6 Iomraidhean Croise

ठीक्‍नल 10:19

ॱनी हुगी यङ्‌ल पत्रुस् खङ्‌दोक् दीन हुगी थोङ्‌नङ्‌गी धो़न् दीगी ढीक्‍ल ॱनोक्‍सम् तोङ्‌गील्‍ल यो़प्‍पे यङ्‌ल धम्‍बे थुगी हुल तेदे रङ् ॱयेङ्‌गेन् मान मीरङ् ॱसुम् ॱलीस्‍सोङ्।

ठीक्‍नल 11:12

ॱनी धम्‍बे थुगी ङल ॱसीम्‍ल यो़च्‍चो़त् मीच्‍चो़त् ॱमत् खुर, रङ् हुबदङ् कङ्‌ज्‍यीक्‍ल ज्‍युक् सीन्‍न ॱङाज्‍युङ्। ॱनी ङदङ् पी़न्‍ज्‍या ढुक्‍पु हीब अक् कङ्‌ज्‍यीक्‍ल फीन्‍न कर्नीलीयस्‍की खीम्‍ल ङीत् स्‍युन देप्‍पेन्।

ठीक्‍नल 16:7

ॱनी मैसीया लुङ्‌बे छीगल ॱलीत्‍नी, बीथीनीया लुङ्‌बल स्‍युक्‍च्‍ये ॱनो़न फीम्‍ब बेत्। ॱनी फीन्‍नी, येशुगी थुगी डोदु ॱमत् ची़प्‍प बेत्।

ठीक्‍नल 18:23

हुनी पावल् एन्‍टीयोक्‍तु स्‍यक्‍पु धोबा च्‍यीक् थुक् देत्‍नी, हुनी यङ् गलाती लुङ्‌ब धङ् फ्रीगीया लुङ्‌बे सार् युगङ् घयेत्‍ल गीर्न फीन्‍न येशुगी ॱलोप्‍टुक्‍ल स्‍युन यो़क्‍केन् घयेत्‍ल ॱलोप्‍स्‍यीक् टेप्‍प बेत्।

ठीक्‍नल 19:10

हुन्‍दुक् झ्‍यीन हुदु लोङ ॱङी देप्‍प बेत्। ॱनी हुगी यङ्‌ल एशीया लुङ्‌बदु दो़क्‍केन् यहुदी हीन्, ग्रीक्‍की ज्‍यी़क्‍की मी ॱसुल हीन्‍न अक्, कुरीक्‍ल चोव ज्‍यीन्‍दक्‍की केच्‍च्‍य नेन्‍ज्‍ये ॱनोङ बेत्।

ठीक्‍नल 20:16

पावल् पेन्‍तीकोस्‍की धी़रीम्‍गी यङ्‌ल यरुशलेम्‍ल ॱलीत् छुज्‍ये यो़प्‍पल छप्‍सी झ्‍युङ बेत्। हुगो झ्‍यीनी एशीया लुङ्‌बल फीन्‍न, हुदु गक् थोगो़ट्‌टो ॱनो़न पावल्‍की एफीसस् सार्ल अक् मीत् डो सीन्‍न फच्‍चो़त्‍नीरङ् ढुल स्‍युन फीम्‍ब बेत्।

ठीक्‍नल 20:28

खीत्‍रङ् ॱसोस्‍सोरङ् च्‍यङ्‌जो़त् झ्‍यीन दो़च्‍च्‍यीत्। धम्‍बे थुगी खीत्‍रङ् गोयो़प्‍पल को़न खीत्‍रङ्‌गी गेल्‍ल स्‍यक्‍पे लुक् घयेत्‍ल च्‍यङ्‌जो़त् झ्‍यीन तो़ज्‍यीत्। को़न्‍ज्‍योक्‍की खोङ् रोरङ्‌गी ठक्‍की ॱली़बे छ्‌यो़ छोल तगेङ्‌गी लुक्‍चीब खीत्‍रङ् झ्‍यीज्‍यीत्।

ठीक्‍नल 20:4

ॱनी बेरीया सार्की पैर्रस्‍की भु सोपाटर् सीक्‍केन् च्‍यीक्, थीस्‍सलोनीका सार्की मी ॱङी अरीसतार्खस् सीक्‍केन् च्‍यीक् धङ् सीकन्‍डस् सीक्‍केन् च्‍यीक्, ॱनी डर्बी सार्की मी गायस् सीक्‍केन् च्‍यीक्, ॱनी तीमोथी, ॱनी एशीया लुङ्‌बे मी ॱङी टैकीकस् सीक्‍केन् च्‍यीक् धङ् त्रोफीमस् सीक्‍केन् च्‍यीक् पावल्‍तङ् दल टप्‍नर बेत्।

ठीक्‍नल 21:27

हीनी स्‍यक्‍पु दी़ङ्‌गी हुगी धी़ दी छीज्‍येम ॱयेङे यङ्‌ल एशीया लुङ्‌बनी युङे यहुदी यरीगी पावल् छ्‌यो़गङ्‌दु थोङ्‌नी, हुदु मी घयेक्‍की घुङ्‌दु हुबे टुक् ज्‍यप्‍न पावल् सुङ्‌न हीन्‍दुक् सीन्‍न केत् ज्‍यब बेत्।

ठीक्‍नल 6:9

ॱनी हीन्‍न अक्, लेन् च्‍यीक् मी यरी इस्‍तीफनस्‍की डल लोङ्‌न इस्‍तीफनस्‍तङ् केच्‍च्‍य थुक्‍री चीय बेत्। ॱनी हुब यरी सैरेनी धङ् अलेक्‍जेन्‍डीयागी लुङ्‌बनी थो़न्‍न युङे रङ्‌मो़ च्‍येम्‍म यहुदी घयेक्‍की छ्‌यो़ छोगी मी, यरी सीलीसीयागी लुङ्‌बे मी धङ् यरी एशीयागी लुङ्‌बे मी हीङ्‌गो़प्‍प बेत्।

ठीक्‍नल 8:29

हुनी धम्‍बे थुगी फीलीप्‍ल रङ् फागी गरीमन् झ्‍यीस्‍स हुगी ॱस्‍यच्‍चल ज्‍युक् सीन्‍न ॱङाब बेत्।

रोमी 16:5

हुब ॱङीबी़ खीम्‍दु जोम्‍गेन् छ्‌यो़ छोगी मीस्‍सीर् घयेत्‍ल अक् ङे छ्‌यक्‍सुम् थेमु यो़दो। ॱनी ङे झ्‍यम्‍बे मी इपेनीतस्‍ल ङे छ्‌यक्‍सुम् थेमु यो़दो। एशीया लुङ्‌बदु ख्रीष्‍ट् ङो़ल गोम ॱएन्‍स्‍युक्‍ल फी़त् डस्‍सी युङ्‌गेन् दी खोङ्‌जो बेत्।

१ कोरीन्‍थी 12:11

हुन्‍दुक् झ्‍यीन ले ॱनजो जेक्‍केन् धम्‍बे थु दी च्‍यीक्‍रङ् बेत्। हीन्‍दुक् झ्‍यीबे कबप् खोङ्‌गी ॱसु ॱसुल ॱनङ्‌ज्‍ये ॱनो़गो़दङ् हुगो रीदङ् रील ॱनङ्‌गेन् बेत्।

१ कोरीन्‍थी 16:1

को़न्‍ज्‍योक्‍की मी चङ्‌म घयेक्‍की ढीक्‍ल चेन्‍ड दी़च्‍च्‍येल ङ हीगो सीक्‍केन्। गलाती लुङ्‌बे छ्‌यो़ छो घयेत्‍ल ङे घङ् ॱङाब दी डस्‍सी खीत्‍रङ्‌गी इक् झ्‍यीज्‍यीत्।

१ कोरीन्‍थी 16:19

एशीया लुङ्‌बे छ्‌यो़ छो घयेक्‍की मी खीत्‍रङ्‌ल छ्‌यक्‍सुम् थेमु सीगुगो। अक्‍वीला, प्रीस्‍कीला धङ् हुबे खीम्‍दु जोम्‍गेन् छ्‌यो़ छोगी मी घयेक्‍की खीत्‍रङ् चोव ज्‍यीन्‍दक्‍तङ् मत् ढेब यो़प्‍प घयेत्‍ल गन्‍दीक्‍म छ्‌यक्‍सुम् थेमु यो़दो सीगुगो।

२ कोरीन्‍थी 1:8

पी़न्‍ज्‍यासो, ङीत्‍ल एशीया लुङ्‌बदु घन्‍दुक्‍मे दुक्‍प छ्‌यीय नोङ्‌दुक्‍क हुगो खीत्‍रङ्‌ल ॱस्‍यो़च्‍च्‍ये युङल ङीत् ॱस्‍यो़क्‍कीन् थेक्‍कुक्। ङीत्‍ल म दीरङ् गुर् दीरङ् ॱमीत् थेक्‍केङ्‌गी दुक्‍प नोङ्‌ज्‍युङ्। हुगी यङ्‌ल ॱसो़ योङ् ॱनो़बे त रीगो दीरङ् मत् युङ्।

गलाती 3:1

ॱवे गलातीया घुर्तीङ घयेस्‍सो, खीत्‍रङ्‌ल ख्रीष्‍ट् कुरुस्‍ल ढोङे धो़न् ङे एल्‍लादु खीत्‍रङ्‌गी ॱमीक्‍की दोङ्‌दु गन्‍दीक्‍म ॱस्‍येत्‍न स्‍योक्‍कीन् स्‍योक्‍कीन् हुन्‍दो खीत्‍ल ॱसी़ ॱङुव ज्‍यप्‍न सुक्‍च्‍युङ?

२ तीमोथी 1:15

एशीया लुङ्‌बदु कुरीक्‍की ङ ॱलो़ तङ्‌न स्‍यक्‍च्‍युङ्। फैगेलस् धङ् हर्मोगेनस्‍की इक् ॱलो़ तङ्‌ज्‍युङ्। हीगो रङ्‌ल ॱस्‍यो़च्‍च्‍ये यो़ट्‌टो।

२ तीमोथी 4:10

डेमास् हुगो ॱनी जम्‍बुलीङ् ङो़ल ॱसीम् ॱस्‍योर्न, ङ ॱलो़ तङ्‌न थीस्‍सलोनीकाल टप्‍सोङ्। ॱनी क्रेसेन्‍स् गलातील धङ् तीतस् दाल्‍मातीया लुङ्‌बल टप्‍सोङ्।

हीब्रु 11:8

को़न्‍ज्‍योक्‍की अब्राहाम् भो़न रङ्‌ल ङे लुङ्‌ब च्‍यीक् टेत् योङ्। ॱनी रङ् हुल ज्‍युक् सीन्‍न ॱसुङ बेत्। ॱनी हुगी ॱसने दी घनल यो़प्‍प हुगो ॱस्‍यो़च्‍च्‍ये मीत्‍न अक्, हुल नेन्‍न छ्‌य स्‍यक्‍पे लम्‍नी अब्राहाम् हुनी थो़न्‍न फीम्‍ब बेत्।

१ पत्रुस् 1:1

येशु ख्रीष्‍ट्‌की ठीक्‍नल ङ पत्रुस्‍की खीत्‍रङ् पोन्‍टस्, गलाती, कापाडोसीया, एशीया धङ् बीथीनीया लुङ्‌ब घयेत्‍ल ढम्‍न दो़क्‍केन् को़न्‍ज्‍योक्‍की दम्‍बे मी खीत्‍रङ्‌सोल हीगी यीगी हीगो ढीन तोङ्‌गो़त्।

ॱसाल्‍केत् 1:11

रङ्‌गी घङ् थोङे केच्‍च्‍य घयेत् दी यीगील ढीन हुगो छ्‌यो़ छो दी़ल्‍ल तोङ्, एफीसस्‍ल, इस्‍मर्नाल, पर्गामम्‍ल, थीयाटीराल, सार्डीस्‍ल, फीलाडेल्‍फीयाल, लाओडीसीयाल सीन्‍न ॱस्‍येच्‍च्‍युङ्।

ॱसाल्‍केत् 1:4

ॱनी खीत्‍रङ् उन एशीया लुङ्‌बन यो़प्‍पे छ्‌यो़ छो दी़म्‍बुल ङ युहन्‍नागी हीगो ढीन तोङ्‌गो़त्। ॱङो़न्‍दु उक् यो़क्‍केन्, हुन्‍दो ओक् यो़क्‍केन्, तीङ्‌ला आक् झ्‍यो़ङ्‌गेन् खोङ् च्‍यानी धङ् खोङ्‌गी ॱवङ् च्‍येम्‍मे स्‍युडी ढुङ्‌न यो़क्‍केन् थु दी़म्‍बु च्‍यानी धङ् थोङे केच्‍च्‍य घयेत् ज्‍युरुव मीप्‍प ॱस्‍यो़क्‍केन्, ढोङ्‌नी यङ् ॱसोम्‍बुल लोङ्‌गेन् ॱएन्‍स्‍युक्‍म, जम्‍बुलीङ्‌गी ज्‍याबु घयेक्‍की थोक्‍ल ॱवङ् डोगेन्, येशु ख्रीष्‍ट् च्‍यानी खीत्‍रङ्‌ल थुज्‍यी धङ् ॱसीम् दीव युङ्‌ज्‍ये यो़प्‍प तोङ्। हज्‍यरङ्‌ल झ्‍यम्‍ब जेक्‍केन्, हज्‍यरङ् दीक्‍पनी खोङ्‌गी ठक्‍की तो़ङ्‌गेन्,