ठीक्‍नल 16:10 - ल्होमी

¹⁰ ॱनी पावल्‍की हुगो थोङ्‌नी, ङीस्‍सो ॱस्‍यर्च्‍यक् मासीडोनीयाल डोज्‍येम ठोक्‍क झ्‍यीबेन्। हुगी थोङ्‌नङ् दी ङीस्‍सो हुगी लुङ्‌बल केच्‍च्‍य ॱनेम्‍बु ॱस्‍येत्‍न टोम्‍दु को़न्‍ज्‍योक्‍की भो़ब बेत् ॱनो़ब ङीक्‍की ॱह घोज्‍युङ्।

ठीक्‍नल 16:10 Iomraidhean Croise

ठीक्‍नल 10:29

हुगो झ्‍यीनी नीज्‍यरङ्‌गी ङ ठीक्‍तु तङ्‌नी, ङ तोक् युङेन्। ह ॱस्‍यो़त्‍रो झ्‍यी। धो़न्‍दक् घन्‍ड च्‍यीक्‍ल ठीक्‍तु तङ? सीन्‍न ढीब बेत्।

ठीक्‍नल 14:7

केच्‍च्‍य ॱनेम्‍बु दी ॱस्‍येत्‍न टेप्‍प बेत्।

ठीक्‍नल 16:9

ॱनी हुदु ॱलीबे गोङ् दी पावल्‍की थोङ्‌नङ् च्‍यीक् थोङ बेत्। हुगी थोङ्‌नङ् दील मासीडोनीया लुङ्‌बे मी च्‍यीक्‍की रोरङ्‌ल हीदु ङीत् च्‍याल युङ्‌न ङीत्‍ल दगु झ्‍यीत्‍रो झ्‍यी सीन्‍न स्‍युदेन् ज्‍यक्‍प थोङ बेत्।

ठीक्‍नल 26:13

ज्‍याबु अग्रीपाला, ङीम घुङ्‌गी छो़त्‍ल इगी तेङ् यी़नी ङीमे ओ़च्‍च्‍यले टक्‍पा च्‍यीक् ङ धङ् ङे दगु दीबे छीग ॱनमुल पेक्‍च्‍युङ्।

ठीक्‍नल 27:1

हीनी फेस्‍तस्‍की ह पावल् हीगो इटालीगी लुङ्‌बल ढु छ्‌यीम्‍मुल ॱलुक्‍न तोङ्‌गेन् झ्‍यीब बेत्। हुनी पावल्‍तङ् दल चो़म्‍बा ॱयोङ्‌म ॱयोङ्‌म आक् तोङ्‌ज्‍येमल युलीयस् सीक्‍केन् ॱमक्‍पो़न् च्‍यीक्‍की गेल्‍ल स्‍यक्‍प बेत्। हुगो सीजर् ज्‍याबी़ ॱमक्‍च्‍यप् सीक्‍केन् च्‍यीक्‍की ॱमक्‍पो़न् हीङ्‌गो़प्‍प बेत्।

ठीक्‍नल 9:10

ॱनी हुगी दमस्‍कस् दीन येशुगी ॱलोप्‍टुक्‍ल स्‍युबे हननीया सीक्‍केन् च्‍यीक् यो़प्‍प बेत्। ॱनी हुल थोङ्‌नङ् च्‍यीक्‍ल चोव ज्‍यीन्‍दक्‍की ॱवे हननीया सीन्‍न झ्‍यीब बेत्। ॱनी हीगी लेल्‍ल हननीयागी ला चोव ज्‍यीन्‍दक् सीन्‍न झ्‍यीब बेत्।