ठीक्‍नल 13:12 - ल्होमी

¹² ॱनी हीगो झ्‍युङ दी हुगी पेम्‍बु दीगी थोङ्‌नी, चोव ज्‍यीन्‍दक्‍की लुसे ॱलोप्‍स दील हुगो ॱह लेन छ्‌य स्‍यक्‍न युङ बेत्।

ठीक्‍नल 13:12 Iomraidhean Croise

मत्‍ती 27:54

ॱनी उन येशु ॱरुङ्‌गेन् ॱमक्‍पो़न् दी धङ् हुगी होक्‍की गोराब दीबे ॱसेर ज्‍यक्‍प धङ् हुदु घङ् झ्‍युङ दी थोङ्‌नी गन्‍दीक्‍म ज्‍यीबे, हुबे हीगी मी हीगो गन्‍दीय को़न्‍ज्‍योक्‍की ॱरेबु दीरङ् हीङ्‌गो़प्‍पेत् सीन्‍न झ्‍यीब बेत्।

लुका 4:22

ॱनी हुगी मी दीब खोङ्‌ल गस्‍सी छोर बेत्। खोङ्‌गी ॱसुङे केच्‍च्‍य दील ॱनेन्‍सी छोर्न ॱह लेब बेत्। ॱनी हीन्‍न अक्, हुबे यङ् रोरङ्‌सो नङ्‌दु हुबे हीगो युसुफ्‌की भु मेम्‍बेक्‍क ॱनी? झ्‍यीब बेत्।

लुका 7:16

ॱनी उन यो़प्‍पे मी घयेत् दी ज्‍यीक्‍टक् लङ्‌न हुबे ॱवे हज्‍यरङ्‌गी घुङ्‌दु कलुङ् ॱस्‍यो़क्‍केन् छ्‌यीम्‍मु च्‍यीक् थो़न्‍दुक् व सीन्‍न हीगी ढीक्‍ल को़न्‍ज्‍योक्‍ल तो़प्‍प पुन हुबे को़न्‍ज्‍योक् खोङ् रोरङ्‌गी मीस्‍सीर्ल रोरम् जेत्‍तु झ्‍यो़न्‍दुक् सीन्‍न झ्‍यीब बेत्।

युहन्‍ना 7:46

गोराब दीबे लेल्‍ल हुगी तम् ॱस्‍येप्‍प हुगो डस्‍सी हुन्‍दो थुक्‍ल मी ॱसी़ इक् ॱस्‍यो़प्‍प थोङ् ॱमत् ॱनोङ् झ्‍यीब बेत्।

ठीक्‍नल 13:48

ॱनी उन यो़प्‍पे ज्‍यी़त् ॱयोङ् ॱयोङ्‌गी मी घयेत् दीबे गेस झ्‍यीन चोव ज्‍यीन्‍दक्‍की केच्‍च्‍य दील तो़प्‍प बेत्। ॱनी फु तक्‍पे छी थोबल खो़त्‍न यो़प्‍प घयेत् दी छ्‌य स्‍यक्‍पे लम्‍ल युङ बेत्।

ठीक्‍नल 13:49

हुनी चोव ज्‍यीन्‍दक्‍की केच्‍च्‍य दी हुगी लुङ्‌ब घल अक् धर्न खुर बेत्।

ठीक्‍नल 13:7

हुगो हुगी लुङ्‌बे पेम्‍बु चो छ्‌यीस्‍स्‍यो, ॱस्‍यीरप् रीक्‍प च्‍येम्‍म सर्गीयस् पौलस् सीक्‍केन् च्‍यीक्‍की दल दो़क्‍को़प्‍प बेत्। ॱनी हुगी पेम्‍बु दीगी को़न्‍ज्‍योक्‍की केच्‍च्‍य नेन्‍ज्‍ये ॱनो़न बार्नाबास् धङ् शावल् ठीक्‍तु तङ बेत्।

ठीक्‍नल 13:8

ॱनी बार्नाबास् धङ् शावल्‍की डल हुगी जुम्‍डी़ब दी लोङ्‌न हुगी पेम्‍बु दी छ्‌य स्‍योक्‍पे लम्‍ल डोदु ॱमीत् ची़प्‍प, क च्‍यो़त् छुब झ्‍यीब बेत्। हुगी जुम्‍डी़ब दीगी मीङ् दील ग्रीक्‍की केच्‍च्‍यल एलुमास् सीन्‍न सीगो़प्‍प बेत्।

ठीक्‍नल 15:35

ॱनी पावल् धङ् बार्नाबास् हुदु देप्‍प बेत्। हुब ॱङीबी़ इक् ॱयोङ्‌मदङ् दल हुदु चोव ज्‍यीन्‍दक्‍की केच्‍च्‍य मी कुरीक्‍ल ॱस्‍येत्‍न ॱलोप्‍स ज्‍यब बेत्।

ठीक्‍नल 15:36

हुनी तीङ्‌ला पावल्‍की बार्नाबास्‍ल एल्‍ला सार् घयेत्‍ल गीर्न चोव ज्‍यीन्‍दक्‍की केच्‍च्‍य ॱस्‍यो़स्‍स घयेत्‍ल हज्‍यरङ् फीच्‍च्‍य यङ् गीर्न पी़न्‍ज्‍या घयेत् घन्‍दुक् झ्‍यीब यो़दङ् तदु डो झ्‍यीब बेत्।

ठीक्‍नल 18:12

हुनी अखैयागी लुङ्‌बे पेम्‍बु चो छ्‌यीस्‍स्‍योल गल्‍लीयो यो़प्‍पे यङ्‌ल हुगी कोरीन्‍थ् सार्की यहुदी घयेत् दी ढो़गो च्‍यीक्‍ल डीक्‍न पावल् सुङ्‌न ठीम् च्‍यो़स्‍सल च्‍येब बेत्।

ठीक्‍नल 19:10

हुन्‍दुक् झ्‍यीन हुदु लोङ ॱङी देप्‍प बेत्। ॱनी हुगी यङ्‌ल एशीया लुङ्‌बदु दो़क्‍केन् यहुदी हीन्, ग्रीक्‍की ज्‍यी़क्‍की मी ॱसुल हीन्‍न अक्, कुरीक्‍ल चोव ज्‍यीन्‍दक्‍की केच्‍च्‍य नेन्‍ज्‍ये ॱनोङ बेत्।

ठीक्‍नल 19:20

हुन्‍दुक् झ्‍यीन चोव ज्‍यीन्‍दक्‍की ढीक्‍की केच्‍च्‍य दी घल अक् ढम्‍न ज्‍यीक्‍तु ज्‍यीक्‍तु ज्‍येन युङ बेत्।

ठीक्‍नल 19:38

डेमेत्रीयस् धङ् रोरङ्‌गी लेगी छ्‌यीट्‌टो घयेत्‍ल ङीब झ्‍यीन यो़त्‍न ॱनी, पो़ङ्‌गङ्‌ल फीन्‍न लुङ्‌बे ठीम्‍बो़ल्‍ल ठीम् स्‍यु गोगेन् बेत्।

ठीक्‍नल 19:7

उन मी घयेत् दी तोम्‍दु मीरङ् च्‍युन्‍नीजो़त् च्‍यीक् यो़प्‍प बेत्।

ठीक्‍नल 28:7

ॱनी हुगी थप्‍स्‍यील माल्‍टा लुङ्‌बे पेम्‍बु चो छ्‌यीस्‍स्‍यो पप्‍लीयस् सीक्‍केन् च्‍यीक्‍की ॱसज्‍य च्‍यीक् यो़प्‍प बेत्। ॱनी हुगी ङीत् घयेत्‍ल थोङ् झ्‍यीन रोरङ्‌गी खीम्‍ल ठीक्‍न ङीत् हुदु स्‍यक्‍पु ॱसुम् देप्‍पेन्।

ठीक्‍नल 6:10

ॱनी हुगी थुक्‍री चीय दील इस्‍तीफनस्‍ल धम्‍बे थुगी झ्‍यी़रीक् टेत्‍नी, हुब कुरीक् फम्‍नर बेत्।

ठीक्‍नल 8:25

ॱनी हुदु पत्रुस् धङ् युहन्‍नागी चोव ज्‍यीन्‍दक्‍की केच्‍च्‍य धङ् खोङ्‌गी ढीक्‍की दीम्‍बे केच्‍च्‍य घयेत् ॱस्‍येत्‍नी, हुब ॱङीबु यरुशलेम्‍ल लोक्‍प बेत्। ॱनी लोक्‍पे यङ्‌ल अक् सामरीयागी युगङ् घयेत्‍ल गीर्न केच्‍च्‍य ॱनेम्‍बु ॱस्‍यो़क्‍कील्‍ल युङ बेत्।