ठीक्‍नल 12:5 - ल्होमी

⁵ ॱनी पत्रुस् चो़न्‍न यो़प्‍पे यङ्‌ल हुगी ढीक्‍ल छ्‌यो़ छोगी मी घयेत् दीबे ॱसीम्‍बे यीक्‍नी को़न्‍ज्‍योक्‍ल ॱसुव तप् तब झ्‍यीब बेत्।

ठीक्‍नल 12:5 Iomraidhean Croise

मत्‍ती 18:19

ङे हरुङ्‌द खीत्‍रङ्‌ल गन्‍दीय ॱस्‍येत् योङ्। ॱस जम्‍बुलीङ् हीदु खीत्‍रङ् ॱसु हीन्‍न अक्, मीरङ् ॱङी थी़न्‍न घन्‍ड लीङ्‌गो़दङ् हुगो तेङ् यी़न स्‍युगेन् ङे यप्‍की खीत्‍रङ्‌ल ॱनङ्‌गेन् बेत्।

लुका 18:1

हुनी येशुगी रोरङ्‌गी ॱलोप्‍टुक् दीबल ॱअयु ॱमत् छ्‌यक्‍प, छीगङ् ॱसुव तप् तब झ्‍यीत् गोगेङ्‌गी ढीक्‍ल पी च्‍यीक् हीन्‍दुक् सीन्‍न ॱस्‍येप्‍प बेत्।

ठीक्‍नल 12:12

ॱनी पत्रुस्‍की हीगो ॱह घोनी, रोरङ् युहन्‍ना मर्कुस् सीक्‍केन् च्‍यीक्‍की आम मरीयम्‍गी खीम्‍ल फीम्‍ब बेत्। ॱनी उन मी गज्‍येन् जोम्‍न ॱसुव तोप्‍कीन् यो़प्‍प बेत्।

ठीक्‍नल 12:4

हुनी पत्रुस् चो़ल्‍ल ॱलुक्‍न हेरोद्‌गी ॱरुङ्‌गेन् गोराब मीरङ् स्‍यी स्‍यी पालो झ्‍यीन तगेन्, मीरङ् च्‍यी़रुक् को़न स्‍यक्‍प बेत्। ॱनी हुगी धी़रीम् दी यो़नी, हेरोद्‌गी पत्रुस् मी घयेक्‍की थोङ्‌सल तो़न्‍न ठीम् च्‍यो़च्‍च्‍ये ॱनो़ब झ्‍युङ बेत्।

ठीक्‍नल 12:6

ॱनी हेरोद्‌गी नेम्‍बेत् ठीम् च्‍यो़स्‍सल च्‍यो़गेन् सीरे छेम्‍मु दी पत्रुस् चो़ङ्‌गङ्‌दु च्‍यागोङ् ङीबक् ज्‍यप्‍न गोराब ॱङीगी ॱअर्तु नान ॱङीत्‍ल ॱसोङ्‌न यो़प्‍प बेत्। ॱनी गोराब ॱयोङ्‌म ॱङी गोच्‍चेक् दीदु दो़क्‍कीन् यो़प्‍प बेत्।

१ कोरीन्‍थी 12:26

यल्‍लक् च्‍यीक्‍ल दुक्‍प नोङ्‌न ॱनी, यल्‍लक् कुरीक् दुक्‍प गुर्रो झ्‍यीक्‍केन् बेत्। ॱनी यङ् यल्‍लक् च्‍यीक्‍ल तो़प्‍प युङ्‌न ॱनी, यल्‍लक् कुरीक्‍ल गेस युङ्‌गेन् बेत्।

१ थीस्‍सलोनीका 5:17

ज्‍यी़न्‍दु ॱसुव तप् तब झ्‍यीज्‍यीत्।

हीब्रु 13:3

चो़ल्‍ल ॱस्‍योर्न यो़प्‍प घयेत्‍ल खीत्‍रङ्‌गी रङ् डस्‍सीरङ् हीन् ॱनो़ब ॱसम्‍न हुबल दगु झ्‍यीज्‍यीत्। ॱनी यङ् छ्‌यी मी घयेक्‍की दुक्‍प तङ्‌न यो़प्‍पे पी़न्‍ज्‍या घयेत्‍ल खीत्‍रङ्‌गी ङरङ्‌गी सी़ डस्‍सी च्‍यीक्‍प हीन् ॱनो़ब ॱसम्‍न हुबल दगु झ्‍यीज्‍यीत्।

याकुब् 5:16

हुगो झ्‍यीनी खीत्‍रङ् नङ्‌दु रङ् रङ् ॱसोस्‍सो़ दीक्‍प च्‍यीक्‍तङ् च्‍यीक्‍ल तो़न्‍न ॱस्‍यो़त्‍ल हुनी छ्‌य झ्‍यीन च्‍यीक्‍तङ् च्‍यीक्‍की ढीक्‍ल ॱसुव तोप्। हुनी खीत्‍रङ् ढक्‍केन् बेत्। को़न्‍ज्‍योक्‍की मी ढङ्‌बी़ ॱसुव तबल धो़न् छ्‌यीम्‍मी़ ले डुप्‍केन् बेत्।