ठीक्‍नल 12:12 - ल्होमी

¹² ॱनी पत्रुस्‍की हीगो ॱह घोनी, रोरङ् युहन्‍ना मर्कुस् सीक्‍केन् च्‍यीक्‍की आम मरीयम्‍गी खीम्‍ल फीम्‍ब बेत्। ॱनी उन मी गज्‍येन् जोम्‍न ॱसुव तोप्‍कीन् यो़प्‍प बेत्।

ठीक्‍नल 12:12 Iomraidhean Croise

ठीक्‍नल 12:25

ॱनी बार्नाबास् धङ् शावल्‍की हुगी चेन्‍ड दी यरुशलेम्‍ल च्‍येनी, हुब ॱङीबु युहन्‍ना मर्कुस् सीक्‍केन् दी ठीक्‍न एन्‍टीयोक्‍ल लोक्‍प बेत्।

ठीक्‍नल 12:5

ॱनी पत्रुस् चो़न्‍न यो़प्‍पे यङ्‌ल हुगी ढीक्‍ल छ्‌यो़ छोगी मी घयेत् दीबे ॱसीम्‍बे यीक्‍नी को़न्‍ज्‍योक्‍ल ॱसुव तप् तब झ्‍यीब बेत्।

ठीक्‍नल 13:13

हुनी पावल्‍सो पाफोस् दीनी यङ् ढु छ्‌यीम्‍मुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीन्‍नी, पम्‍फीलीया लुङ्‌बे पर्गा सार्ल ॱलीब बेत्। हुनी युहन्‍ना मर्कुस् दी घीन यरुशलेम्‍ल लोक्‍प बेत्।

ठीक्‍नल 13:5

हुनी थो़न्‍नी, हुगी लुङ्‌बे सलामीस् सार्ल ॱलीब बेत्। ॱनी उन यो़क्‍केन् यहुदीगी छ्‌यो़गी छोगङ् घयेत्‍ल गीर्न को़न्‍ज्‍योक्‍की केच्‍च्‍य ॱस्‍येत्‍न टेप्‍प बेत्। हुब ॱङीबुल स्‍यप्‍च्‍यी़ ज्‍युक्‍केन् दी हुगी यङ्‌ल युहन्‍ना मर्कुस् यो़प्‍प बेत्।

ठीक्‍नल 16:40

हुनी पावल् धङ् सीलास् लीडीयागी खीम् दील फीन्‍नी, हुदु पी़न्‍ज्‍या घयेत् ठेप्‍प बेत्। ॱनी हुब घयेत्‍ल ॱलोप्‍स्‍यीक् टेत्‍न स्‍यक्‍नी ॱयोङ्‌ल टप्‍नर बेत्।

ठीक्‍नल 4:23

हीनी पत्रुस् धङ् युहन्‍ना रोरङ्‌सो़ छ्‌य च्‍यीक्‍की दगु घयेत् दीब च्‍याल लोक्‍न युङ्‌न छ्‌यो़प्‍पो़न् चो छ्‌यीया घयेत् धङ् गेम्‍बा चो छ्‌यीया घयेत् दीबे रोरङ्‌सोल घङ् झ्‍यीबे तम् दी हुबल ॱस्‍येत्‍न टेप्‍प बेत्।

कलस्‍सी 4:10

ङदङ् दल चो़ल्‍ल कङ्‌ज्‍यीक्‍ल यो़क्‍केन् अरीसतार्खस्‍की खीत्‍रङ्‌ल छ्‌यक्‍सुम् थेमु सीगुगो। हुनी बार्नाबास्‍की पी़न् मर्कुस्‍की इक् खीत्‍रङ्‌ल छ्‌यक्‍सुम् थेमु सीगुगो। मर्कुस्‍की ढीक्‍ल खीत्‍रङ्‌ल ङे एल्‍लादु ॱङान स्‍यक्‍पेन्। ॱनी रो हुदु ॱलीत्‍नी, खीत्‍रङ्‌गी ङो धङ् थोङ् झ्‍यीज्‍यीत्।

२ तीमोथी 4:11

ॱनी हीन ङदङ् दल लुकारङ् यो़त्। रङ् युङे यङ्‌ल ङल हीदु दगुल फेम्‍ब युङ्‌ज्‍येल स्‍योल्‍ल मर्कुस् ठीक्‍न ॱस्‍योक्।

फीलेमोन् 1:24

ॱनी ङे ले च्‍यीक्‍की छ्‌यीट्‌टो मर्कुस्, अरीसतार्खस्, डेमास् धङ् लुका झ्‍यीबे रङ्‌ल छ्‌यक्‍सुम् थेमु यो़दो सीन्‍न सीगुगो।

१ पत्रुस् 5:13

बेबीलोन् सार्न यो़प्‍पे खीत्‍रङ्‌दङ् च्‍यीक्‍प दम्‍बे छ्‌यो़ छोगी मी घयेत् धङ् ङे भु डस्‍सी मर्कुस्‍की इक् खीत्‍रङ्‌ल छ्‌यक्‍सुम् थेमु सीगुगो।