ठीक्‍नल 10:3 - ल्होमी

³ ॱनी ङीन् च्‍यीक् ङीम्‍मु छ्‌युजो़त् ॱसुम्‍गी छो़त् च्‍यीक्‍ल कर्नीलीयस्‍की थोङ्‌नङ् च्‍यीक् ॱसेसी थोङ बेत्। हुगी थोङ्‌नङ् दील को़न्‍ज्‍योक्‍की तेङ् यी़गी भङ्‌ज्‍येम्‍ब च्‍यीक् इगीनी मल्‍ल भप्‍न युङ्‌न, ॱवे कर्नीलीयस् सीन्‍न झ्‍यीब बेत्।

ठीक्‍नल 10:3 Iomraidhean Croise

मत्‍ती 27:46

ॱनी छ्‌युजो़त् ॱसुम्‍गी छो़त्‍ल येशुगी केत् छ्‌यीम्‍मु तो़न्‍न एली एली लेमा सबक्‍तनी सीन्‍न केत् ज्‍यब बेत्। हीगी धो़न् दी ॱवे ङे को़न्‍ज्‍योक्, ॱवे ङे को़न्‍ज्‍योक् नीज्‍यरङ्‌गी ङ घन्‍डल ॱलो़ तङ सीक्‍केन् बेत्। (ॱसुङ्‌रप्‍की गुल्‍लु २२:१)

लुका 1:11

ॱनी छ्‌यो़गङ्‌गी नङ्‌दु पो़गर्की पो़ ॱहेन पुसे ॱये छ्‌यो दीदु चोव ज्‍यीन्‍दक्‍की तेङ् यी़गी भङ्‌ज्‍येम्‍ब च्‍यीक् इगीनी मल्‍ल युङ्‌न च्‍यर् डङी थो़म्‍ब बेत्।

लुका 2:13

हुनी ॱस्‍यर्च्‍यक् यङ् हुदु हुगी भङ्‌ज्‍येम्‍ब च्‍यीक्‍पु दी च्‍याल इगीनी मल्‍ल तेङ् यी़गी भङ्‌ज्‍येम्‍ब ॱयोङ्‌म ॱयोङ्‌म छेत्‍मीत् ॱमक्‍कक् च्‍यीक् थो़न्‍न युङ बेत्। ॱनी हुब घयेक्‍की को़न्‍ज्‍योक्‍ल हीन्‍दुक् सीन्‍न यस्‍सो पुब बेत्।

ठीक्‍नल 10:17

हुनी पत्रुस्‍की रोरङ्‌गी थोङे थोङ्‌नङ्‌गी धो़न् दी घन्‍ड च्‍यीक् हीम्‍ब न ॱनो़न ॱनोक्‍सम् तोङ्‌गीन् यो़प्‍पे यङ्‌ल कर्नीलीयस्‍की तङे भो़त्‍मीय दीब चर च्‍येत्‍न युङ्‌न हुगी खीम् दील ॱलीब हीङ्‌गो़प्‍प बेत्।

ठीक्‍नल 10:19

ॱनी हुगी यङ्‌ल पत्रुस् खङ्‌दोक् दीन हुगी थोङ्‌नङ्‌गी धो़न् दीगी ढीक्‍ल ॱनोक्‍सम् तोङ्‌गील्‍ल यो़प्‍पे यङ्‌ल धम्‍बे थुगी हुल तेदे रङ् ॱयेङ्‌गेन् मान मीरङ् ॱसुम् ॱलीस्‍सोङ्।

ठीक्‍नल 10:30

हुनी कर्नीलीयस्‍की हीन्‍दुक् सीन्‍न ॱस्‍येप्‍प बेत्। स्‍यक्‍पु ॱसुम्‍गी एल्‍ला ङीम्‍मु छ्‌युजो़त् ॱसुम् हीजो़क्‍की धी़ल ङ हीन ॱसुव तोप्‍कीन् यो़त्। ॱनी हुगी यङ्‌ल मी च्‍यीक् घो़ टक्‍सी घो़म्‍ब च्‍यीक् ङ च्‍याल नुक्‍रङ् च्‍यप् च्‍यीक्‍ल थो़न्‍न ॱलीच्‍च्‍युङ्।

ठीक्‍नल 10:9

हुनी नेम्‍बेत् ङीमे घुङ्‌ल हुगी भो़त्‍मीय दीब योप्‍पा सार्ल ॱलीच्‍च्‍येम झ्‍यीप्‍पे यङ्‌ल पत्रुस् रोरङ् दो़स्‍से खीम् दीगी खङ्‌दोक्‍ल ॱसुव तोप्‍तु जेब बेत्।

ठीक्‍नल 11:13

ॱनी हुगी कर्नीलीयस्‍ल तेङ् यी़गी भङ्‌ज्‍येम्‍ब च्‍यीक् रोगी खीम्‍दु थो़न्‍न हुगी रोल रङ् योप्‍पा सार्ल मी शीमोन् पत्रुस् सीक्‍केन् च्‍यीक् ठीक्‍तु तोङ्।

ठीक्‍नल 27:23

ङे धेप्‍प मो़ब झ्‍यीक्‍केन्, ङे दक्‍पु को़न्‍ज्‍योक्‍की भङ्‌ज्‍येम्‍ब च्‍यीक् दङ् छेम्‍मु इगीनी मल्‍ल ङ च्‍याल थो़न्‍न ॱलीच्‍च्‍युङ्।

ठीक्‍नल 3:1

ङीन् च्‍यीक् ॱसुव तोबे छो़त्‍ल पत्रुस् धङ् युहन्‍ना छ्‌यो़गङ्‌ल छ्‌युजो़त् ॱसुम्‍गी छ्‌यक्‍चो़त्‍ल फीम्‍ब बेत्।

ठीक्‍नल 5:19

ॱनी हुगी गोङ् दी तेङ् यी़गी चोव ज्‍यीन्‍दक्‍की भङ्‌ज्‍येम्‍ब च्‍यीक् युङ्‌न हुगी चो़ङ्‌गङ्‌गी गोच्‍च घयेत् दी पीक्‍न ठीक्‍नल दीब छ्‌यील तो़न्‍न,

ठीक्‍नल 9:10

ॱनी हुगी दमस्‍कस् दीन येशुगी ॱलोप्‍टुक्‍ल स्‍युबे हननीया सीक्‍केन् च्‍यीक् यो़प्‍प बेत्। ॱनी हुल थोङ्‌नङ् च्‍यीक्‍ल चोव ज्‍यीन्‍दक्‍की ॱवे हननीया सीन्‍न झ्‍यीब बेत्। ॱनी हीगी लेल्‍ल हननीयागी ला चोव ज्‍यीन्‍दक् सीन्‍न झ्‍यीब बेत्।

ठीक्‍नल 9:4

हुनी शावल् म दीरङ् ॱसल डीनर बेत्। हुनी केत् च्‍यीक्‍ल ॱवे शावल्, शावल् ङल घन्‍डल दुक्‍प अयेक्‍प तोङ्‌गेन् सीर रोरङ्‌गी ॱह घोव बेत्।

हीब्रु 1:14

को़न्‍ज्‍योक्‍ल स्‍यप्‍च्‍यी़ ज्‍युक्‍केन्, तेङ् यी़गी भङ्‌ज्‍येम्‍ब ॱस्‍यस्‍सी़ मीप्‍प हुब इगीनी मल्‍ल तङ्‌न युङ्‌न थर्वे लम्‍ल डोगेन् घयेत्‍ल स्‍यप्‍च्‍यी़ ज्‍युक्‍केन् बेत्।

हीब्रु 1:4

खोङ्‌ल ताबे छेन् हुगो तेङ् यी़गी भङ्‌ज्‍येम्‍ब घयेक्‍की मीङ्‌ले गज्‍येङ्‌गी छ्‌यीया यो़क्‍केन् दी डस्‍सी खोङ् हुबले गज्‍येङ्‌गी छ्‌यीया यो़क्‍केन् बेत्।