ठीक्‍नल 10:1 - ल्होमी

¹ ॱनी हुगी यङ्‌ल सीजरीया सार्न मी कर्नीलीयस् सीक्‍केन् च्‍यीक् यो़प्‍प बेत्। हुगो इटालीगी ॱमक्‍च्‍यप् सीक्‍केङ्‌गी पोङ्‌ज च्‍यीक्‍की ॱमक्‍पो़न् च्‍यीक् बेत्।

ठीक्‍नल 10:1 Iomraidhean Croise

मत्‍ती 27:27

हुनी हुगी पेम्‍बी़ ॱमक्‍मी घयेत् दीबे येशु पो़ङ्‌गङ्‌गी नङ्‌ल ठीक्‍न, हुदु खोङ् च्‍येल्‍ल ॱमक्‍मी ॱमक्‍च्‍यप् च्‍यीक् ॱयप्‍न युङ्‌न, खोङ्‌ल तीक् खीरी तुम्‍ब बेत्।

मत्‍ती 27:54

ॱनी उन येशु ॱरुङ्‌गेन् ॱमक्‍पो़न् दी धङ् हुगी होक्‍की गोराब दीबे ॱसेर ज्‍यक्‍प धङ् हुदु घङ् झ्‍युङ दी थोङ्‌नी गन्‍दीक्‍म ज्‍यीबे, हुबे हीगी मी हीगो गन्‍दीय को़न्‍ज्‍योक्‍की ॱरेबु दीरङ् हीङ्‌गो़प्‍पेत् सीन्‍न झ्‍यीब बेत्।

मर्कुस् 15:16

हुनी ॱमक्‍मी घयेत् दीबे येशु पो़ङ्‌गङ्‌गी धङ्‌रदु ठीक्‍न हुदु ॱमक्‍मी ॱमक्‍च्‍यप् च्‍यीक् ॱयप्‍न युङ बेत्।

लुका 7:2

ॱनी उन ॱमक्‍पो़न् च्‍यीक्‍की ॱयोक्‍पु फङ्‌सी च्‍येम्‍म च्‍यीक् नन ॱस्‍यीज्‍येम ॱयेङ्‌न यो़प्‍प बेत्।

युहन्‍ना 18:12

हुनी हस्‍सो़त् ॱमक्‍पो़न् च्‍यीक्, ॱमक्‍मी धङ् गोराब घयेत् दीबे येशु सुङ्‌न कीङ बेत्।

युहन्‍ना 18:3

ॱनी हुदु छ्‌यो़प्‍पो़न् चो छ्‌यीया घयेत् धङ् फरीसी घयेक्‍की तङे छ्‌यो़गङ्‌गी गोराब घयेत् धङ् ॱमक्‍मी ॱहुद च्‍यीक् छो़न्‍ज्‍य खुर्न युङ बेत्। छेम्‍मु झ्‍यीनी, हुबे मीदङ् धङ् बत्‍ती पेक्‍न युङ बेत्। ॱनी हुब घयेत्‍ल ज्‍यी़ तो़न्‍दु यहुदा दी हुबदङ् दल युङ बेत्।

ठीक्‍नल 10:24

हुनी ॱनाङ् दी क सीजरीयाल कर्नीलीयस्‍की खीम्‍ल ॱलीब बेत्। ॱनी खीम् दीन कर्नीलीयस्‍की एल्‍लादु रोरङ्‌गी ङीया रीङा धङ् दगु घयेत् ठीक्‍न कुरीक् हुदु पत्रुस्‍ल गुक्‍कीन् यो़प्‍प बेत्।

ठीक्‍नल 21:31

हुगी मी घयेत् दीगी पावल् ॱसो़च्‍च्‍येम ॱयेङ बेत्। ॱनी हुगी यङ्‌ल यरुशलेम् सार्तु हुट्‌टे ॱस खो़सोङ् सीर हुगी रोम्‍गी ॱमक्‍पो़न् चो दीगी ॱह घोव बेत्।

ठीक्‍नल 21:8

हीनी नेम्‍बेत् दी ङीस्‍सो हुनी घीन फीन्‍नी, सीजरीया सार्ल ॱलीबेन्। ॱनी हुदु केच्‍च्‍य ॱनेम्‍बु ॱस्‍येत्‍न टोम्‍गेन् फीलीप्‍की खीम्‍दु देप्‍पेन्। ॱनी फीलीप् हुगो एल्‍ला यरुशलेम्‍दु मीरङ् दी़न् दम्‍बे छीक्‍नी च्‍यीक् बेत्।

ठीक्‍नल 22:25

ॱनी डेङ्‌ज्‍यक् बेन्‍ज्‍येमल कीङ्‌न स्‍योक्‍पे यङ्‌ल पावल्‍की रोरङ्‌गी लोन दो़क्‍केन् ॱमक्‍पो़न् च्‍यीक्‍ल रोम्‍गी ज्‍यागक्‍की मीस्‍सीर्ल ठीम् ॱमत् च्‍येप्‍पल हीन्‍दुक्‍रङ्‌ल डेङ्‌ज्‍यक् बेन्‍ज्‍येमे ॱहक् खीत्‍ल यो़प्‍प? सीन्‍न ढीब बेत्।

ठीक्‍नल 23:23

हुनी हुगी ॱमक्‍पो़न् चो दीगी रोरङ्‌गी होक्‍की ॱमक्‍पो़न् ॱङी रोरङ् च्‍याल भो़न हुब ॱङीबुल हन्‍दरङ् गोङ्‌मु छ्‌युजो़त् गुल पावल् सीजरीया सार्ल च्‍यो़ज्‍येमल ॱमक्‍मी ज्‍यब ॱङी, तल स्‍यो़ङ्‌गेन् ॱमक्‍मी दी़न्‍ज्‍यु धङ् दुङ् खुर्केन् ॱमक्‍मी ज्‍यब ॱङी ठोक्‍क झ्‍यीन स्‍योक्।

ठीक्‍नल 23:33

ॱनी हुदु यीगी दी फेलीक्‍साल टेत्‍न पावल् हुदु ची ज्‍यब बेत्।

ठीक्‍नल 25:1

हुगी फेस्‍तस् दी रोरङ् ले झ्‍यीस्‍से पो़ङ्‌गङ् दील ॱलीत्‍नी, स्‍यक्‍पु ॱसुम् ॱसोङ्‌नी, सीजरीया सार्नी यरुशलेम्‍ल फीम्‍ब बेत्।

ठीक्‍नल 25:13

हुनी स्‍यक्‍पु धोबा च्‍यीक्‍नी ज्‍याबु अग्रीपा धङ् हुगी नुमु बर्नीस् सीक्‍केन् च्‍यीक् सीजरीयाल फेस्‍तस् च्‍याल ज्‍यादु युङ बेत्।

ठीक्‍नल 27:1

हीनी फेस्‍तस्‍की ह पावल् हीगो इटालीगी लुङ्‌बल ढु छ्‌यीम्‍मुल ॱलुक्‍न तोङ्‌गेन् झ्‍यीब बेत्। हुनी पावल्‍तङ् दल चो़म्‍बा ॱयोङ्‌म ॱयोङ्‌म आक् तोङ्‌ज्‍येमल युलीयस् सीक्‍केन् ॱमक्‍पो़न् च्‍यीक्‍की गेल्‍ल स्‍यक्‍प बेत्। हुगो सीजर् ज्‍याबी़ ॱमक्‍च्‍यप् सीक्‍केन् च्‍यीक्‍की ॱमक्‍पो़न् हीङ्‌गो़प्‍प बेत्।

ठीक्‍नल 27:31

ॱनी पावल्‍की हुगी ॱमक्‍पो़न् दी धङ् ॱमक्‍मी दीबल हीगी ढुबा हीब हीदु मत् देत्‍न, हज्‍यरङ् घयेत् ॱमीत् ॱसो़गेन् बेत् झ्‍यीब बेत्।

ठीक्‍नल 27:43

ॱनी ॱमक्‍पो़न् दीगी पावल्‍ल छ्‌यीज्‍ये ॱनो़न हुगी ढो़ दी डुप्‍तु ॱमत् ची़प्‍प बेत्। बोर हुगी मी घयेत् दील खीत्‍रङ् च्‍ये ज्‍यक् ॱस्‍यीगेन् घयेत् फीर्ल च्‍ये ज्‍योप्‍ल पक्‍कल थो़ल्‍ल ज्‍युक्।

ठीक्‍नल 8:40

हुनी फीलीप् अश्‍दोद् सीस्‍स च्‍यीक्‍तु थो़म्‍ब बेत्। हुनी हुगी लुङ्‌बे सार् घयेत्‍ल घल अक् गीर्न केच्‍च्‍य ॱनेम्‍बु ॱस्‍यो़क्‍कील्‍ल फीन्‍नी, तीङ्‌ला सीजरीया सार्ल ॱलीब बेत्।