ठीक्नल 1:15 - ल्होमी15 ॱनी हुगी धी़ल ङीन् च्यीक् छ्य स्योक्केन् मीरङ् ज्यदङ् ङीस्स्युजो़त् च्यीक् जोम्न यो़प्पे यङ्ल पत्रुस् हुब घयेक्की घुङ्नी लोङ्न Faic an caibideil |
ठीक्नल 1:15
31 Iomraidhean Croise
ॱनी हीगी केच्च्य हीगो पी़न्ज्या घयेक्की नङ्ल धर्न युङ्नी, हुबे हीगी ॱलोप्टुक् हीगो ॱमीत् ॱस्यीगेन् ब अक् ॱनो़ब झ्युङ बेत्। ॱनी हीगो मेम्ब, येशुगी पत्रुस्ल झ्यीब दी ङ फीच्च्य तीङ्मा युङ् युङ् थुक्ल ॱमत् ॱस्यीय दो़त् सीच्च्ये ॱनो़ब यो़त्न अक्, हीगो रङ्ल ॱस्यो़च्च्ये मत् युङ्न अक्, डीक्केन् बेत् झ्यीबरङ् बेत्।
ॱनी हुदु शावल् ठेत्नी, हुगो एन्टीयोक्ल ठीक्न युङ बेत्। हुनी हुब ॱङीक्कर् हुदु लो च्यीक् थुक् देत्न हुगी छ्यो़ छोदु मी गज्येल्ल ॱलोप्स ज्यप्न टेप्प बेत्। हुगी यङ्ल क एन्टीयोक्तु गोम ॱएन्स्युक्ल येशुगी ॱलोप्टुक्ल स्युन यो़प्प घयेत्ल ख्रीष्ट्यान् सीन्न मीङ् ताब हीङ्गो़प्प बेत्।
हुनी पत्रुस्की हुगी मी घयेत् दील ॱहरक्प दो़त् सीन्न लाद ज्युर्न चोव ज्यीन्दक्की रोरङ् चो़ङ्गङ्नी घन्दुक् झ्यीन तो़म्ब बेक्क हुगो कुरीक् ॱस्येत्न टेप्प बेत्। हीगी तम् हीगो याकुब् धङ् पी़न्ज्या ॱयोङ्म घयेत्ल ॱस्यो़त्ल टो़त् सीन्न ॱङान स्यक्नी, हुनी पत्रुस् ॱयोङ्ल टप्नर बेत्।
ॱनी एन्टीयोक्की छ्यो़ छो दीनी फीन्नी, पावल्सो फोनीसीया धङ् सामरीयागी लुङ्बे लम्नी झ्यीन फीम्ब बेत्। ॱनी हुगी लुङ्बे पी़न्ज्या घयेत् घदु ठेत्न आक्, हुब घयेत्ल ज्यी़त् ॱयोङ् ॱयोङ्गी मी इक् गज्येन् छ्य स्यक्पे लम् ङो़ल ॱलीच्च्युङ् सीन्न हुबे ॱस्येत्न टेप्प बेत्। ॱनी हीगो ॱह घोनी, हुब घयेत् गेस छ्यीम्मु लङ बेत्।
हुनी पावल् कोरीन्थ् सार्तु स्यक्पु गज्येन् देत्नी, हुगी पी़न्ज्या घयेत् दील पीद स्यी़न सीरीया लुङ्बल डोज्येल ढु छ्यीम्मुल स्युन छ्यु ज्यम्जो छ्यीम्मी़ लम्ल फीम्ब बेत्। ॱनी प्रीस्कीला धङ् अक्वीला दी इक् कङ्ज्यीक्ल फीम्ब बेत्। ॱनी कीङ्गीरीया सार् दीदु पावल्की को़न्ज्योक्तङ् छ्यो़त्तुम् झ्यीब दी मीत् झ्यीत् रीगी ढीक्ल रोरङ्गी गो दी ॱउर्तीङ् ढेब बेत्।
हुनी अपोल्लोस् अखैया लुङ्बल डोगेन् सीन्नी एफीसस्की पी़न्ज्या घयेत् दीगी हुल हुगी लुङ्बन येशुगी ॱलोप्टुक्ल स्युन यो़प्प घयेत्ल यीगी च्यीक् ढीन तङ बेत्। ॱनी यीगी दील हीगी अपोल्लोस् हील थोङ् झ्यीत्रो झ्यी सीन्न स्युदेङ्गी यीगी तङ बेत्। ॱनी अपोल्लोस् हुदु फीन्नी, हुदु को़न्ज्योक्की थुज्यी ॱनङ्न छ्य स्योक्केल्ल झ्युङ घयेत्ल दगु गस्सी झ्युङ बेत्।
हीगो हीन् धङ् मेल्ल छ्यो़प्पो़न् चो छ्यीस्स्यो धङ् छोक्तेन् छ्यीम्मी़ हज्यरङ्गी गेम्बा छ्यीया घयेत्ल ॱस्यो़च्च्ये यो़क्केन् बेत्। हुब घयेक्की क ङल रोरङ्सो़ फम पी़न् दमस्कस्की यहुदी घयेत्ल तो़न्ज्येमे पुर्ची ढीन तङ्ज्युङ्। ॱनी हीगी ॱहक् हीगो ङल थोप्नी, येशुगी लम्ल डोगेन् घयेत् कीङ्न यरुशलेम्ल च्येन छ्येप्प को़ज्येल ङ दमस्कस्ल ठीक्तु फीम्बेन्।
Sanasan