ठीक्‍नल 1:14 - ल्होमी

¹⁴ ॱनी हुदु ठीक्‍नल दीबे दल येशुगी आम मरीयम्, येशुगी मीङ्‌बु दीब धङ् ॱनी भुमु ॱयोङ्‌म ॱयोङ्‌म आक् छीगङ् हुदु जोम्‍न ॱसीम् च्‍यीक् ली़ च्‍यीक् झ्‍यीन को़न्‍ज्‍योक्‍ल ॱसुव तप् तब झ्‍यीगो़प्‍प बेत्।

ठीक्‍नल 1:14 Iomraidhean Croise

मत्‍ती 12:46

येशुगी हुन्‍दुक् झ्‍यीन नङ्‌दु मी घयेत्‍ल केच्‍च्‍य ॱस्‍यो़प्‍पे यङ्‌ल खोङ्‌गी आम धङ् पी़न् दीब युङ बेत्। ॱनी हुब येशुदङ् केच्‍च्‍य लप्‍च्‍ये ॱनो़न छ्‌यी दीन यो़प्‍प बेत्।

मत्‍ती 21:22

ॱनी खीत्‍रङ्‌गी गन्‍दीक्‍म छ्‌य स्‍यक्‍न ॱसुव तप्‍न ॱनी, हुनी घङ् स्‍यी़ब दी थोप्‍केन् बेत् झ्‍यीब बेत्।

मत्‍ती 27:55

ॱनी फच्‍चो़त् दीनल भुमु गज्‍येन् तगीन् यो़प्‍प बेत्। हुब गालीलानीरङ् येशुल स्‍यप्‍च्‍यी़ ज्‍युक्‍कील्‍ल खोङ्‌दङ् दल गीर्न युङ हीङ्‌गो़प्‍प बेत्।

मर्कुस् 15:40

ॱनी उन फच्‍चो़त् दीनल भुमु यरी हुल तगीन् यो़प्‍प बेत्। हुबे छीक्‍नी च्‍यीक् मरीयम् मग्‍दलीनी, ॱनी च्‍यीक् याकुब् च्‍युङा धङ् योसेस्‍की आम मरीयम् धङ् च्‍यीक् सलोमी हीङ्‌गो़प्‍प बेत्।

मर्कुस् 16:1

हीनी स पीम्‍बल ङीत्‍तुव दी यो़नी, मरीयम् मग्‍दलीनी धङ् याकुब्‍गी आम मरीयम् दी धङ् सलोमी झ्‍यीबे येशुगी कुबुर्ल ॱही़न्‍ज्‍येगी ढीक्‍ल ढीम स्‍यीम्‍बोक्‍म ॱहीक्‍केङ्‌गी ॱनुम् ॱनम्‍ब गज्‍येन् नो़ब बेत्।

लुका 11:13

खीत्‍रङ् मी ङेम्‍बे एक् त रोरङ्‌गी भीजल गागी ढङ् तीत् ॱस्‍यीगेल्‍ल तेङ् यी़न स्‍युगेन् खीत्‍रङ्‌गी यप्‍ल लीङ्‌गेल्‍ल ॱसुम्‍ब खोङ्‌गी ॱलो यङ्‌सी झ्‍यीन धम्‍बे थु ॱनङ्‌गेन् बेत्।

लुका 18:1

हुनी येशुगी रोरङ्‌गी ॱलोप्‍टुक् दीबल ॱअयु ॱमत् छ्‌यक्‍प, छीगङ् ॱसुव तप् तब झ्‍यीत् गोगेङ्‌गी ढीक्‍ल पी च्‍यीक् हीन्‍दुक् सीन्‍न ॱस्‍येप्‍प बेत्।

लुका 23:49

ॱनी येशु ङु ॱस्‍यीगेन् घयेत् धङ् खोङ्‌दङ् दल गालीलानी युङे भुमु घयेत् दीब अक् फच्‍चो़त्‍नी हुदु झ्‍युङे लेमु घयेत् दील तगीन् यो़प्‍प बेत्।

लुका 23:55

ॱनी युसुफ्‌की खोङ्‌गी कुबुर् रो बेक्‍सल ॱलुक्‍पे यङ्‌ल येशुदङ् दल गालीलानी गीर्न युङे भुमु घयेत् दीब अक् तगीन् यो़प्‍प बेत्।

लुका 24:10

ॱनी हीगो ॱस्‍यो़क्‍केन् भुमु घयेत् दीब मरीयम् मग्‍दलीनी, योअन्‍न, याकुब्‍गी आम मरीयम् धङ् भुमु ॱयोङ्‌म आक् यो़प्‍प बेत्।

लुका 24:33

हुनी ॱस्‍यर्च्‍यक् ॱहोक् लोङ्‌न हुब ॱङीबु यरुशलेम्‍ल युङ बेत्। युङ्‌नी उन ॱलोप्‍टुक् च्‍युज्‍यीक्‍पु दीब अक् झ्‍ये, हुनी दगु ॱयोङ्‌म आक् जोम्‍न यो़प्‍प ठेप्‍प बेत्।

लुका 24:53

हुनी हुब छीगङ् ज्‍यी़न्‍दु छ्‌यो़गङ्‌ल फीन्‍न को़न्‍ज्‍योक्‍ल यस्‍सो पु पुब झ्‍यीब बेत्।

लुका 8:20

ॱनी मी च्‍यीक्‍की खोङ्‌ल नीज्‍यरङ्‌गी आम धङ् पी़न् घयेत् नीज्‍यरङ् ठेत्‍तु उन छ्‌यीन ॱलीत्‍न दुक् सीगुक् झ्‍यीब बेत्।

ठीक्‍नल 2:1

हीनी पेन्‍तीकोस् सीक्‍केन् यहुदी घयेक्‍की धी़रीम्‍गी ङीन् च्‍यीक् ॱलीब बेत्। ॱनी हुगी यङ्‌ल हुब घयेत् ॱसने च्‍यीक्‍तु जोम्‍न यो़प्‍प बेत्।

ठीक्‍नल 2:42

हुनी झ्‍यीनी हुब घयेक्‍की ठीक्‍नल दीबे ॱलोप्‍सल तेन्‍देन् नेन्‍न देत्‍न हुब घयेत् कुरीक् कङ्‌ज्‍यीक्‍प झ्‍यीन छीगङ् कङ्‌ज्‍यीक्‍ल ढोप्‍ची च्‍यक्‍न से, ॱनी छीगङ् ॱसुव तप् तब झ्‍ये झ्‍यीगो़प्‍प बेत्।

ठीक्‍नल 2:46

ॱनी हुब कुरीक् ङीन् रीम फो़स्‍स्‍यी छ्‌यो़गङ्‌गी च्‍यारीदु जोम्‍गो़प्‍प बेत्। ॱनी रोरङ्‌सो़ खीम्‍दु उक् छीगङ् जोम्‍न ढोप्‍ची च्‍यक्‍न से, हुनी सम ॱयोङ्‌म आक् से झ्‍यीन गेस धङ् ॱनोम्‍ज्‍युङ् झ्‍यीन

ठीक्‍नल 6:4

हुनी हस्‍सो़त् ङीत् घयेत् ॱसुव तोबल धङ् को़न्‍ज्‍योक्‍की केच्‍च्‍य ॱस्‍यो़क्‍केङ्‌गी लेल छ्‌युवक् दो़त् छुगेन् बेत् सीन्‍न झ्‍यीब बेत्।

रोमी 12:12

रीगो यो़प्‍पल ॱसीम् गव झ्‍यीज्‍यीत्। दुक्‍प नोङे यङ्‌ल हुगो गुर्च्‍यीत्। धुरेत् झ्‍यीन ॱसुव तप् तब झ्‍यीज्‍यीत्।

१ कोरीन्‍थी 14:13

हुगो झ्‍यीनी मी ॱसी़ केच्‍च्‍योक् ॱमीत् च्‍यीक्‍पल तम् ॱस्‍यो़क्‍कुक्‍क हुगी रोरङ्‌गी ॱस्‍येप्‍पे केच्‍च्‍ये धो़न् दी रोरङ्‌गीरङ् ॱयोङ्‌म घयेत्‍ल ॱस्‍येत्‍न टो़त् छुज्‍ये यो़प्‍पे ढीक्‍ल ॱसुव तोप् गोगेन् बेत्।

एफीसस् 6:18

धम्‍बे थुगी लम् ज्‍यी़त्‍नी छीगङ् छङ्‌म थम्‍ज्‍येक्‍की ढीक्‍ल ॱसुव तप्‍न स्‍युदेन् ज्‍यप् ज्‍यब झ्‍यीज्‍यीत्। हीगी ढीक्‍ल ॱसीम् च्‍यङ्‌जो़त् झ्‍यीन को़न्‍ज्‍योक्‍की मी चङ्‌म घयेक्‍की ढीक्‍ल धु च्‍यङ्‌न ॱसुव तप् तब झ्‍यीज्‍यीत्।

कलस्‍सी 4:2

खीत्‍रङ् धु च्‍यङ्‌न को़न्‍ज्‍योक्‍ल ॱसुव तप् तब झ्‍यीज्‍यीत्। को़न्‍ज्‍योक्‍ल थु छ्‌यी पु पुब झ्‍यीन च्‍यङ्‌जो़त् झ्‍यीन दो़च्‍च्‍यीत्।