२ तीमोथी 3:8 - ल्होमी

⁸ यान्‍नेस् धङ् याम्‍ब्रेस् धङ्‌बु मोशागी डल लोङ डस्‍सी हुब अक् दीम्‍बे केच्‍च्‍यल ॱमीत् चीय, लेन् ज्‍यक्‍केन् बेत्। हुबे ॱनोक्‍सम् दी ङीन खुर्नी, हुनी छ्‌य स्‍यक्‍प दी इक् रम्‍नर बेत्।

२ तीमोथी 3:8 Iomraidhean Croise

ठीक्‍नल 15:24

ङीक्‍की हीनी ॱमत् तङे मी यरी खीत्‍रङ् च्‍याल फीन्‍न हुबे तम्‍गी खीत्‍रङ्‌ल च्‍युगा लङ्‌न ओ़न् थोम्‍दु ची़त्‍तुक् सीर ङीक्‍की ॱह घोज्‍युङ्।

रोमी 1:28

हुबे को़न्‍ज्‍योक् ॱसम्‍न खोङ् ङु ॱस्‍यीब युङे लेमु दी हुबे गज्‍ये ॱमत् छोर, फङ्‌न स्‍यक्‍न झ्‍यीच्‍च्‍ये मीत् युङ्‌गेङ्‌गी लेमु झ्‍यीन युङ्‌नी, हुबे ङेम्‍बे ॱसीम् दी को़न्‍ज्‍योक्‍की हुन्‍दुक् दीरङ् स्‍यक् तङ बेत्।

रोमी 16:18

घन्‍ड हीन् सीन्‍न हुन्‍दुक् झ्‍यीबे मी हुब हज्‍यरङ्‌गी चोव ज्‍यीन्‍दक् ख्रीष्‍ट्‌ल स्‍यप्‍च्‍यी़ ज्‍युक्‍केन् मेम्‍ब, हुब रोरङ्‌सो़ धेत्‍मो़ ङेम्‍बे ॱयोक् ज्‍युक्‍केन् बेत्। हुबे मी ॱयुङ्‌बोक्‍म घयेत्‍ल तम् ॱनेम्‍बोक्‍म ॱस्‍येत्‍न तो़च्‍च्‍य की़न ॱयो कोर्न छ्‌यी़दु ची़क्‍केन् बेत्।

एफीसस् 4:14

ॱनी यङ् हज्‍यरङ् छ्‌यु भङ्‌ज्‍यीत् ॱलोङ्‌ज्‍यीत् झ्‍यीन ढु यल्‍लेङ् यी़ल्‍लेङ् ॱयुन ॱलुङ्‌बी़ ॱसोर् डोगेन् डस्‍सी धङ् मी खप् लेबे ॱयोज्‍यी़ ठम्‍ज्‍यी़गी ॱयोङ्‌गोर्ल छ्‌यी़ डोगेङ्‌गी ॱनोक्‍सम् मीप्‍पे भीज घयेत् डस्‍सी मेम्‍ब,

१ तीमोथी 4:2

ॱनी हुन्‍दुक् झ्‍यीबे ॱलोप्‍स छ्‌यीलेल नङ् मत् लेब, ॱएलम ज्‍यक्‍केन्, ॱसीम्‍ब मी छीक्‍नर डस्‍सी सङ् ङेन् च्‍यो़त् ॱमीत् ॱस्‍यीगेङ्‌गी मी घयेक्‍की ॱस्‍यो़क्‍केन् बेत्।

१ तीमोथी 6:5

धङ् ॱहेक्‍री ज्‍यक्‍केन् युङ्‌गेन् बेत्। हुबे ॱनोक्‍सम् दी ङीन दीम्‍बे लम्‍नी छ्‌यी़ छर युङ्‌गेन् बेत्। ॱनी यङ् हुबे नोर् ॱसान छ्‌युक्‍पुल बको़र्ट्‌टो ॱनो़बे ख यच्‍च्‍येक्‍की छ्‌यो़सीम्‍गी ॱसीम् खुर्केन् बेत्।

२ तीमोथी 4:15

हुगो च्‍येन्‍नी रङ् अङ् जीम्‍न दो़च्‍च्‍यीत्। हुगी ङीक्‍की केच्‍च्‍य ॱस्‍येप्‍पल दो़न्‍दो़त् ड झ्‍यीज्‍युङ्।

तीतस् 1:10

खल मीत् नेङ्‌गेन् धो़म्‍मीक्‍की तम् ॱस्‍येत्‍न ॱयोङ्‌गोर् ज्‍यक्‍केन् गज्‍येन् यो़क्‍केन् बेत्। ॱनी हुगो मङ्‌स्‍योल यहुदी छ्‌य स्‍योक्‍केन् घयेक्‍की घुङ्‌न यो़क्‍केन् बेत्।

तीतस् 1:16

हुबे ख दीगी को़न्‍ज्‍योक् ङु ॱस्‍यीगो़त् सीक्‍केन् बेत्। ॱनी यङ् हुबे ले घयेत् दी को़न्‍ज्‍योक् ङु ॱमीत् ॱस्‍यीगेन् डस्‍सी झ्‍यीक्‍केन् बेत्। हुगी मी हुब म दीरङ् स्‍यीलोक्‍सी, खल मीत् नेङ्‌गेन् धङ् गागी ले झ्‍यीत्‍तोक्‍पे मी दीरङ् मीप्‍प बेत्।

२ पत्रुस् 2:14

हुबे छ्‌ये लङे ॱमीक् तगेन् बेत्। दीक्‍पे ॱवङ्‌ल ॱस्‍योर्न, हुब छी़न्‍ज्‍ये मीप्‍पे दीक्‍प झ्‍यीक्‍केन् बेत्। छ्‌य स्‍यक्‍नी, चव छु ॱमत् छुबे मी घयेत् दी हुबे ॱङीङ्‌ल सीन् डोगेन् बेत्। लोप् झ्‍यीप्‍पल हुब खेसी थो़न्‍न यो़क्‍केन् बेत्। हुबल को़न्‍ज्‍योक्‍की छ्‌येप्‍प फोक्‍केन् बेत्।

१ युहन्‍ना 2:18

भीजसो, ह हीगो स्‍युक् थमे धी़ बेगो। हीगी कप्‍ल ख्रीष्‍ट्‌की ड च्‍यीक् थो़ङ्‌गेन् बेत् सीन्‍न खीत्‍रङ्‌गी एल्‍लानी ॱह घोन यो़क्‍केन् बेत्। हुन्‍दोनीरङ् ख्रीष्‍ट्‌की ड ॱयोङ्‌मा गज्‍येन् थो़न् छर बेत्। हुगो झ्‍यीनी ह थमे धी़ ॱलीस्‍सोङ् ॱनो़ब हज्‍यरङ्‌गी ॱह घोगेन् बेत्।

१ युहन्‍ना 4:1

झ्‍यम्‍बे दगुसो, यो़च्‍चो़क्‍की ॱसीम्‍नी थो़म्‍बे केच्‍च्‍य कुरीक्‍ल ढीम्‍बु छ्‌य मत् स्‍योक्‍च्‍यीत्। हुगो को़न्‍ज्‍योक् ङो़गी ॱसीम्‍नी युङे केच्‍च्‍य हीन् धङ् मेन् नम् च्‍येत्‍न तो़ज्‍यीत्। घन्‍ड हीन् सीन्‍न जम्‍बुलीङ्‌ल कलुङ् जी़म ॱस्‍यो़क्‍केन् गज्‍येन् थो़न्‍न यो़क्‍केन् बेत्।

ॱसाल्‍केत् 2:20

ॱनी हीन्‍न अक्, म दी खीत्‍रङ्‌गी उन मीत् गुवे केच्‍च्‍य च्‍यीक् दुक्। उन भी़मीक् जीजेबेल्‍की ॱलोप्‍स दी खीत्‍रङ्‌गी क ॱमत् च्‍येस्‍सोङ्। हुगी ङ कलुङ् ॱस्‍यो़क्‍केन् हीन् सीन्‍न ङे ॱयोक्‍पु घयेत्‍ल ॱयोङ्‌गोर् ज्‍यप्‍न छ्‌ये ज्‍युक्‍तु ची़क्‍कुक्। ॱनी ॱल्‍ह धङ् कुल पुबे छो सदु उक् ची़क्‍कुक्।

ॱसाल्‍केत् 2:6

ॱनी हीन्‍न अक्, म दी खीत्‍रङ्‌गी नीकोलैटन् ङो़गी मी घयेक्‍की लेल ङ डस्‍सीरङ् खीत्‍रङ्‌गी इक् ॱनम्‍दोक् झ्‍यीक्‍कुक्।