Biblia Todo Logo
Bìoball air-loidhne

- Sanasan -




२ तीमोथी 3:11 - ल्होमी

11 ॱनी ङल एन्‍टीयोक्, आइकोनीयम् धङ् लीस्‍तरा सार्तु घन्‍दुक्‍मे दुक्‍प अयेक्‍प तङ्‌सोङ, हुगो ङे घन्‍दुक्‍मे गुर् थेक्‍प झ्‍यीसोङ हुगो कुरीक् रङ्‌गी थोङ्‌न ॱस्‍यो़च्‍च्‍ये यो़क्‍केन् बेत्। ॱनी हुन्‍दुक्‍मे दुक्‍प अयेक्‍प घयेक्‍की लक्‍नी चोव ज्‍यीन्‍दक्‍की ङ छ्‌यीज्‍युङ्।

Faic an caibideil Dèan lethbhreac




२ तीमोथी 3:11
43 Iomraidhean Croise  

हुनी पावल्‍सो फीन्‍नी यङ् पीसीडीया लुङ्‌बे एन्‍टीयोक् सीस्‍से सार् च्‍यीक्‍ल ॱलीब बेत्। ॱनी ङीत्‍तुवे ङीन् ॱलीत्‍नी, हुगी यहुदीगी छ्‌यो़गी छोगङ्‌ल स्‍युन हुदु जोम्‍न युङे मी घयेत्‍तङ् दल देप्‍प बेत्।


ॱनी मी छेत्‍मीत् जोम्‍न युङ थोङ्‌नी हुगी यहुदी घयेत् दीब सीगुक् लङ्‌न पावल्‍की तम् ॱस्‍येप्‍पल मेम्‍बेत् सीन्‍न हुल ॱमो़म्‍बी़त् तङ बेत्।


ॱनी लीस्‍तरा सार् दीन मी कङ्‌ब घोङ्‌रीय च्‍यीक् यो़प्‍प बेत्। हुगो कीजो़त्‍नीरङ् घोङ्‌रीय कीनी, हुगो नम्‍ल अक् लोङ्‌न छ्‌यम् ॱमत् छुब हीङ्‌गो़प्‍प बेत्।


यहुदी घयेक्‍की केत्‍मीत्‍ल ढो़ झ्‍यीन ङल दुक्‍प गज्‍येन् तङ्‌न छो़त्‍लीङ्‌गी लेमु झ्‍युङ्। ॱनी हीन्‍न अक्, ङ ॱनोम्‍ज्‍युङ् झ्‍यीन ॱमीक्‍च्‍यु फीक्‍कील्‍ल चोव ज्‍यीन्‍दक्‍की ॱयोक्‍पी़ ले झ्‍यीन देप्‍पेन्।


ॱनी हुबे ठुक्‍प दी छ्‌यीदु छ्‌यीदु लोङ्‌न युङ्‌नी ॱनी, हुगी ॱमक्‍पो़न् चो दीगी पावल् हुब घयेक्‍की धुम्‍बु धुम्‍बुल तुप् तोङेत् ॱनो़न ज्‍यीबे, ॱमक्‍मी पोङ्‌ज च्‍यीक् हुब घयेक्‍की घुङ्‌दु तङ्‌न पावल् हुनी छ्‌यीन पो़ङ्‌गङ्‌ल ठीक्‍न युङ बेत्।


रङ् ङे घल तङ्‌न आक्, यहुदी घयेक्‍की लक्‍नी धङ् ज्‍यी़त् ॱयोङ् ॱयोङ्‌गी मी घयेक्‍की लक्‍नी छ्‌योप्‍केन्।


ॱनी हजो़त् थुक्‍ल को़न्‍ज्‍योक् ङे दगुल यो़क्‍केन् झ्‍यीनी, ङ हीदु हीन्‍दुक् झ्‍यीन मी छ्‌यीया च्‍युङा कुरीक्‍ल येशुगी ढीक्‍की दीम्‍बे केच्‍च्‍य ॱस्‍यो़त् छुगेल्‍ल यो़त्। ॱनी ङे हीगो धङ्‌बु कलुङ् ॱस्‍यो़क्‍केन् घयेत् धङ् मोशागी ॱसुङ्‌रप्‍ल घङ् यो़प्‍प मेन्‍द, हुल ॱनो़म्‍ब ज्‍यप्‍न ॱमीत् ॱस्‍यो़त्।


ॱनी हुल ङे मीङ्‌गी ढीक्‍ल घन्‍दुक्‍मे दुक्‍प नोङ्‌गेन् बेक्‍क हुगो ङे ॱह घोदु ची़क्‍केन् सीन्‍न ॱङान तङ बेत्।


यहुदीयान यो़प्‍पे छ्‌य मीत् स्‍योक्‍केन् घयेक्‍की लक्‍ल ङ ॱस्‍योर्च्‍ये मीप्‍पल धङ् यरुशलेम्‍दु को़न्‍ज्‍योक्‍की मी चङ्‌म घयेत्‍ल फेम्‍ब युङ, ङे चेन्‍ड खुर्न टेप्‍प दील हुब गस्‍सी छोर्च्‍ये यो़प्‍पे ढीक्‍ल ॱसुव तोप्‍रो झ्‍यीज्‍यीत्।


ख्रीष्‍ट्‌ल दुक्‍प अयेक्‍प गज्‍येन् नोङ डस्‍सी हज्‍यरङ्‌ल अक् नोङ्‌गुक्। ॱनी हीगो डस्‍सी ॱलोप्‍स्‍यीक् दी इक् खोङ्‌गी च्‍यानी गज्‍येन् ॱङीक्‍कुक्।


हीगो झ्‍यीनी खीत्‍रङ्‌गी हुगो गुर् थेक्‍केन् बेत् ॱनो़बे रीगो ङीक्‍की थीरी झ्‍यीक्‍को़त्। घन्‍ड हीन् सीन्‍न दुक्‍प नोङ्‌गेन् हज्‍यरङ् च्‍यीक्‍प हीम्‍ब झ्‍यीनी, ॱलोप्‍स्‍यीक् दी इक् हज्‍यरङ्‌ल च्‍यीक्‍परङ् युङ्‌गेन् हीम्‍ब ॱस्‍यो़च्‍च्‍ये यो़क्‍केन् बेत्।


हुगो झ्‍यीनी ख्रीष्‍ट्‌की धो़ङ्‌गी ढीक्‍ल ङ ज्‍यीक्‍च्‍ये मीप्‍प युङल, ॱम पप्‍न युङल, दुक्‍स्‍यी नोङल, ड घयेक्‍की दुक्‍प अयेक्‍प तङल, खम्‍द घाबोक्‍म युङल गव झ्‍यीन दो़क्‍को़त्। घन्‍ड हीन् सीन्‍न हीगो डस्‍सी ज्‍यीक्‍च्‍ये मीप्‍पे कप्‍ल ङ ज्‍यीक्‍पोक्‍मल थो़ङ्‌गो़त्।


ङे घङ् खे खे झ्‍यीन ज्‍युक्‍री चीय दी ज्‍युक्‍तक् च्‍येत् छरेन्। ङे छ्‌य स्‍यक्‍पे लम्‍ल तेम्‍बोक्‍म झ्‍यीन युङेन्।


हुगोदङ् छ्‌येत्‍मीत् चोव ज्‍यीन्‍दक्‍ल धेप्‍प मो़ब झ्‍यीक्‍केङ्‌गी मी छो़त्‍लीङ्‌गी दुक्‍पे लक्‍नी खोङ्‌गी थर्तु ची़त् छुगेन् बेत्। ॱनी ढङ्‌ज्‍ये मीप्‍पे मील ठीम्‍ज्‍यो़क्‍की ङीन् छ्‌यीम्‍मी़ यङ्‌ल छ्‌येप्‍प को़ज्‍येमे ढीक्‍ल कज्‍येत् तोङ्‌गेन् बेत्।


Lean sinn:

Sanasan


Sanasan