ॱनी हुगी लेल्ल अब्राहाम्गी ॱवे भु, रङ्गी मीजील गवे लेमु घयेत् एल्लादु झ्युङ् छर बेत्। ॱनी हीगी लाजरस् हील हुगी यङ्ल दुक्पे लेमु घयेत् झ्युङ बेत्। हीगो रङ्गी ढेङ्गी ॱसो़गो़ट्टो। ॱनी लाजरस्ल हुन्दो हीन ॱलो दीन्दीक्म झ्यीन कीप्पु यो़क्केन् बेत्। रङ्ल दुक्स्यीगी ॱनर्मी यो़क्केन् बेत्।
२ थीस्सलोनीका 2:16 - ल्होमी16 हज्यरङ्गी यप् को़न्ज्योक्की हज्यरङ्ल झ्यम्ब जेत्न खोङ्गी थुज्यीगी फुगी ढीक्ल ॱलोप्स्यीक् धङ् रीगो छ्यीम्मु ॱनङ्न यो़क्केन् बेत्। ॱनी हीगो ॱनङ्गेन् यप् धङ् हज्यरङ्गी चोव ज्यीन्दक् येशु ख्रीष्ट् खोङ् रोरङ् च्यानी Faic an caibideil |
२ थीस्सलोनीका 2:16
46 Iomraidhean Croise
ॱनी यहुदी घयेत् छ्यीबे धी़रीम् दी ॱलीच्च्येम ॱयेङ्नी, येशुगी ह ङ जम्बुलीङ् हीनी भीन यप् च्याल डोये धी़ ॱलीस्सोङ् ॱनो़ब ॱह घोव बेत्। ॱनी जम्बुलीङ्न यो़क्केन् खोङ् रोरङ्गी मी दीबल हजो़त् थुक् झ्यम्ब झ्यीन युङ बेत्। ॱनी हीनी इक् हरुङ्द झ्यम्ब दी छ्यीदु स्युक् थम थुक् झ्यीन युङ बेत्।
हुनी अपोल्लोस् अखैया लुङ्बल डोगेन् सीन्नी एफीसस्की पी़न्ज्या घयेत् दीगी हुल हुगी लुङ्बन येशुगी ॱलोप्टुक्ल स्युन यो़प्प घयेत्ल यीगी च्यीक् ढीन तङ बेत्। ॱनी यीगी दील हीगी अपोल्लोस् हील थोङ् झ्यीत्रो झ्यी सीन्न स्युदेङ्गी यीगी तङ बेत्। ॱनी अपोल्लोस् हुदु फीन्नी, हुदु को़न्ज्योक्की थुज्यी ॱनङ्न छ्य स्योक्केल्ल झ्युङ घयेत्ल दगु गस्सी झ्युङ बेत्।
छ्यो़त्तुम्गी केच्च्य हुगो छ्यो़डीम्गी क घयेत्ल चीन युङ्गेन् अब्राहाम्गी ज्यी़त् घयेत्ल छ्युवक् मेम्ब, अब्राहाम्गी छ्य स्यक्पे लेमु डस्सी झ्यीक्केन् घयेत्ल अक् हुगो गन्दीय हीन्दुक्रङ्ल थोप्च्ये यो़प्पल हुगो ॱनङ्गेन् बेत्। हीगो झ्यीनी अब्राहाम् हज्यरङ् कुरीक्की पुबुल ॱनेगेन् बेत्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
येशु ख्रीष्ट्की हज्यरङ्गी ढीक्ल खोङ् रोरङ्गी ॱरोक् दीरङ् च्येब बेत्। हुल तेनी क, दीम्बरङ्गी झ्यम्ब दी घन्दुक् झ्यीब युङ्गेन् बेक्क हुगो हज्यरङ्गी ॱह घो छुगेन् बेत्। ॱनी हीगो डस्सीगी झ्यम्ब दी क हज्यरङ्गी इक् पी़न्ज्या नङ्गी पी़ङ्गी ढीक्ल ॱरोक्रङ् ॱसोङ्न आक्, च्यो़ छुब युङ् गोगेन् बेत्।
Sanasan