२ थीस्‍सलोनीका 2:10 - ल्होमी

¹⁰ हुगी झ्‍यीबे आक्‍पागी ढङ् घयेक्‍की ॱयोङ्‌गोर्ल खरप्‍ल डोगेङ्‌गी मी घयेत् छ्‌यी़ डोगेन् बेत्। घन्‍ड हीन् सीन्‍न हुबे रोरङ्‌सोल छी थर्व युङ्‌गेन् दीम्‍बे केच्‍च्‍य दील ॱलो दीलरङ् मत् झ्‍यीब बेत्।

२ थीस्‍सलोनीका 2:10 Iomraidhean Croise

मत्‍ती 13:11

हीगी लेल्‍ल येशुगी तेङ् यी़गी ज्‍यागक्‍की धो़ङ्‌गी ॱङीङ्‌बु घयेत् खीत्‍रङ्‌लरङ् तो़न्‍न टेप्‍प बेत्। हुब घयेत्‍ल ॱमीत् तो़ङ्‌गेन् बेत्।

युहन्‍ना 3:17

को़न्‍ज्‍योक्‍की खोङ् रोरङ्‌गी ॱरेबु जम्‍बुलीङ्‌गी मी घयेत्‍ल छ्‌येप्‍प को़दु मेम्‍ब, छी थर्वल तो़न्‍दु तङ्‌न युङ बेत्।

युहन्‍ना 5:34

ॱनी म दी ङ दीम्‍ब हीम्‍ब सोवल ङल कोलीमीगी पङ्‌बु मीत् गो़ब यो़त्। हीगो खीत्‍रङ् घयेत् थरे ढीक्‍ल सीन्‍न ङे ॱस्‍येप्‍पेन्।

रोमी 10:1

पी़न्‍ज्‍यासो, इस्राएली घयेत् छी थर्वल थो़न्‍ज्‍ये यो़प्‍पल, ङल च्‍युगा छ्‌यीम्‍मु दुक्। हुब थरे ढीक्‍ल ङे को़न्‍ज्‍योक्‍ल ॱसुव तप् तब झ्‍यीक्‍को़त्।

रोमी 16:18

घन्‍ड हीन् सीन्‍न हुन्‍दुक् झ्‍यीबे मी हुब हज्‍यरङ्‌गी चोव ज्‍यीन्‍दक् ख्रीष्‍ट्‌ल स्‍यप्‍च्‍यी़ ज्‍युक्‍केन् मेम्‍ब, हुब रोरङ्‌सो़ धेत्‍मो़ ङेम्‍बे ॱयोक् ज्‍युक्‍केन् बेत्। हुबे मी ॱयुङ्‌बोक्‍म घयेत्‍ल तम् ॱनेम्‍बोक्‍म ॱस्‍येत्‍न तो़च्‍च्‍य की़न ॱयो कोर्न छ्‌यी़दु ची़क्‍केन् बेत्।

रोमी 6:17

खीत्‍रङ् एल्‍ला स्‍येन् दीक्‍पे ॱयोक्‍ल ॱस्‍योर्न यो़क्‍केन् बेत्। हुनी खीत्‍रङ्‌ल ॱलोप्‍स ज्‍यप्‍न टेप्‍पल खीत्‍रङ्‌गी ॱसीम्‍बे यीक्‍नी नेन्‍न युङ्‌नी दीक्‍पे लक्‍नी ढेन खीत्‍रङ् ढङ्‌बु ङो़गी ॱयोक्‍पुल झ्‍युङ्‌न यो़क्‍केन् बेत्। हीगी ढीक्‍ल को़न्‍ज्‍योक्‍ल थु छ्‌यी पुगेन्।

१ कोरीन्‍थी 1:18

कुरुस्‍की ढीक्‍की केच्‍च्‍य हीगो खरप्‍ल डोगेन् घयेक्‍की धो़म्‍मीक्‍की केच्‍च्‍य हीम्‍ब ॱसम्‍गेन् बेत्। हज्‍यरङ् थर्वे लम्‍ल डोगेन् घयेत्‍ल हीगो को़न्‍ज्‍योक्‍की ॱनङे ॱस्‍यीक्‍ल डोगेन् बेत्।

१ कोरीन्‍थी 16:22

ॱनी चोव ज्‍यीन्‍दक्‍ल झ्‍यम्‍ब ॱमीत् खुर्केन् मी ॱसु यो़दङ् हुल ॱमो़त्‍मु सुक्‍ल ज्‍युक्‍च्‍यीत्। ॱवे चोव ज्‍यीन्‍दक् झ्‍यो़र्रो ॱनङ्।

२ कोरीन्‍थी 11:13

हुगी मी हुब ख्रीष्‍ट्‌की ठीक्‍नल हीन्‍दोक्‍पल म दी हुब ठीक्‍नल जी़म ॱयोज्‍यी़ ठम्‍ज्‍यी़ ॱस्‍यो़क्‍केङ्‌गी मी बेत्।

२ कोरीन्‍थी 11:15

हुगो झ्‍यीनी हुगी लेङेन् घयेक्‍की इक् रोरङ्‌सो ढङ्‌बु ङो़गी ॱयोक्‍पु हीन्‍दोक्‍प झ्‍यीन तो़ङ्‌गेन् बेत्। हुगो नन्‍दक्‍की ॱह लेब मेम्‍बेत्। स्‍युक् थदु हुबे लेल पीबे लेन् टो़क्‍केन् बेत्।

२ कोरीन्‍थी 2:15

घन्‍ड हीन् सीन्‍न थर्वे लम्‍ल युङ्‌गेन् घयेत् धङ् खरप्‍ल डोगेन् घयेक्‍की घुङ्‌दु को़न्‍ज्‍योक्‍ल ख्रीष्‍ट्‌की पुगेङ्‌गी पो़गर्की पो़ डस्‍सी ङीत् हीन्।

२ कोरीन्‍थी 2:17

को़न्‍ज्‍योक्‍की ढीक्‍ल मी गज्‍येङ्‌गी छोङ् डस्‍सी झ्‍यीन रोरङ्‌सो़ युङ्‌ज्‍यी़ तेन तम् ॱस्‍यो़क्‍केन् बेत्। ॱनी ङीत् हुब डस्‍सी मेम्‍ब, को़न्‍ज्‍योक्‍की को़बे मी झ्‍यीनी, खोङ्‌गी ढुङ्‌दु ङीक्‍की ॱसीम् चङ्‌म खुर्न ख्रीष्‍ट्‌की ॱयोक्‍पु झ्‍यीन ॱस्‍यो़क्‍केन् हीन्।

एफीसस् 4:14

ॱनी यङ् हज्‍यरङ् छ्‌यु भङ्‌ज्‍यीत् ॱलोङ्‌ज्‍यीत् झ्‍यीन ढु यल्‍लेङ् यी़ल्‍लेङ् ॱयुन ॱलुङ्‌बी़ ॱसोर् डोगेन् डस्‍सी धङ् मी खप् लेबे ॱयोज्‍यी़ ठम्‍ज्‍यी़गी ॱयोङ्‌गोर्ल छ्‌यी़ डोगेङ्‌गी ॱनोक्‍सम् मीप्‍पे भीज घयेत् डस्‍सी मेम्‍ब,

१ थीस्‍सलोनीका 2:16

यहुदी घयेत् हुबे ङीत्‍ल थर्वे लम्‍गी केच्‍च्‍य दी ज्‍यी़त् ॱयोङ् ॱयोङ्‌गी मी घयेत्‍ल ॱस्‍यो़त्‍तु ॱमीत् ची़प्‍प, हुबे क च्‍यो़त् छुब झ्‍यीक्‍केन् बेत्। हुन्‍दुक् झ्‍यीन हुबे गोमनी दीक्‍प ॱसान युङ दी ह छङ् डोगेन् बेत्। हुनी हुब घयेत्‍ल ह को़न्‍ज्‍योक्‍की खोङ्‌डोक्‍की छ्‌येप्‍प फोक्‍केन् बेत्।

२ थीस्‍सलोनीका 2:12

ॱनी दीम्‍बल छ्‌य मीत् स्‍योक्‍केन् धङ् आक्‍पागी ढङ्‌ल गुव झ्‍यीक्‍केन् घयेत् हुबल को़न्‍ज्‍योक्‍की ठीम् च्‍येत्‍न छ्‌येप्‍प को़ज्‍ये यो़प्‍पल हुगो तोङ्‌गेन् बेत्।

२ थीस्‍सलोनीका 2:13

चोव ज्‍यीन्‍दक्‍की झ्‍यम्‍बे पी़न्‍ज्‍यासो, खीत्‍रङ्‌गी ढीक्‍ल ङीत् को़न्‍ज्‍योक्‍ल छीगङ् थु छ्‌यी पु पुब झ्‍यीक्‍को़त्। घन्‍ड हीन् सीन्‍न खीत्‍रङ्‌गी दीम्‍बल छ्‌य स्‍यक्‍पे लम्‍नी धम्‍बे थुगी खीत्‍रङ् धक्‍पर्ल सो़न, को़न्‍ज्‍योक्‍की खीत्‍रङ् गोमनीरङ् थर्वे लम्‍ल दम्‍ब बेत्।

१ तीमोथी 2:4

खोङ्‌गी थुल मी घयेत् कुरीक् छी थर्वल तो़न्‍न दीम्‍ब दी ॱह घोदु ची़च्‍च्‍ये ॱनो़ब यो़क्‍केन् बेत्।

हीब्रु 3:13

बोर खीत्‍रङ् ॱसु उक् दीक्‍पे ॱयोङ्‌गोर्ल छ्‌यी़न गट्‌टक्‍पे ॱसीम् युङ्‌ज्‍ये मीप्‍पल खीत्‍रङ् नङ्‌दु ङीन् रीम फो़स्‍स्‍यी हरीङ्‌गी ङीन् सीर हुगो नम् यो़ यो़ थुक्‍ल च्‍यीक्‍तङ् च्‍यीक्‍ल ॱलोप्‍स्‍यीक् टो़त्‍री चीज्‍यीत्।

२ पत्रुस् 2:12

हीगो डस्‍सी मेम्‍ब, हुबे रोरङ्‌सोल ॱस्‍यो़च्‍च्‍ये मीप्‍पे ढङ् घयेत्‍ल ॱमो़म्‍बी़त् तोङ्‌गेन् बेत्। हुब ॱनोक्‍सम् मीप्‍पे ॱसीम्‍ज्‍येन् डस्‍सी ॱनो़जो़त् घङ्‌बु झ्‍यीक्‍केन् सुङ्‌न ॱसो़च्‍च्‍येमल कीबे रीदादङ् छ्‌येत्‍मीत् बेत्। ॱनी हुबल रीदाल ॱस्‍यीप्‍सेन् फोक्‍प डस्‍सी फोक्‍केन् बेत्।

२ पत्रुस् 2:18

हुब तम्‍दो़त् ॱस्‍येत्‍न धो़म्‍मीक्‍की तम् लप्‍केन् कोलीमीगी ॱसीम्‍बे धेच्‍च्‍यो ङेम्‍बल ॱस्‍योर्नरे मी बेत्। ॱनी ॱएङ्‌गी छ्‌यलु ङीबे लम्‍नी थर्च्‍येम ॱयेङ्‌गेन् घयेत् छ्‌येल ॱनक्‍सी झ्‍यीक्‍केल्‍ल हुबे च्‍युगेन् बेत्।