२ थीस्‍सलोनीका 2:1 - ल्होमी

¹ पी़न्‍ज्‍यासो, हज्‍यरङ्‌गी चोव ज्‍यीन्‍दक् येशु ख्रीष्‍ट् इगीनी झ्‍यो़म्‍बे ढीक्‍ल धङ् हज्‍यरङ् घयेत् खोङ् च्‍येन्‍दु जोम्‍गेन् हीम्‍बे ढीक्‍ल तम् च्‍यीक् खीत्‍रङ्‌ल गन्‍दीक्‍म ॱस्‍येत्‍न स्‍योक्‍केन्।

२ थीस्‍सलोनीका 2:1 Iomraidhean Croise

मत्‍ती 16:27

तीङ्‌ला कोलीमीगी ॱरेबुल रोरङ्‌गी यप्‍की तो़त्‍वङ् झ्‍युङ्‌न रोरङ्‌गी तेङ् यी़गी भङ्‌ज्‍येम्‍ब घयेत्‍तङ् दल युङ्‌गेन् बेत्। हुगी यङ्‌ल मी रीदङ् रील ॱसोस्‍सोरङ्‌गी घङ् झ्‍यीबे लेगी लेन् टो़क्‍केन् बेत्। (ॱसुङ्‌रप्‍की गुल्‍लु ६२:१२)

मत्‍ती 16:28

ङे खीत्‍रङ्‌ल गन्‍दीय ॱस्‍येत् योङ्। हुन्‍दो हीन यो़क्‍केन् खीत्‍रङ् यरी ॱमत् ॱस्‍यीयलरङ् कोलीमीगी ॱरेबु रोरङ्‌गी ज्‍यागक् च्‍योङ्‌दु युङ थोङ्‌गेन् बेत् झ्‍यीब बेत्।

मत्‍ती 24:31

हुनी कङ्‌लीङ्‌गी केत् छ्‌यीम्‍मु भी़न खोङ्‌गी रोरङ्‌गी तेङ् यी़गी भङ्‌ज्‍येम्‍ब घयेत् जम्‍बुलीङ्‌गी छ्‌यो स्‍यी खदक्‍ल तङ्‌न जम्‍बुलीङ्‌ल ढज्‍यक् ढुज्‍युक्‍न यो़प्‍पे रोरङ्‌गी दम्‍बे मी घयेत् दी़क्‍केन् बेत्।

मत्‍ती 25:32

हुगी यङ्‌ल खोङ्‌गी ढुङ्‌दु जम्‍बुलीङ्‌गी ज्‍यी़त् ज्‍यी़त् घयेत् कुरीक् दी़न युङ्‌गेन् बेत्। हुनी लुक्‍चीबे लुक् धङ् र ॱयुव पीक्‍प डस्‍सी खोङ्‌गी मी घयेत् जेङ् रीदङ् री ॱयुव पीक्‍केन् बेत्।

मर्कुस् 13:27

हुनी खोङ् रोरङ्‌गी तेङ् यी़गी भङ्‌ज्‍येम्‍ब घयेत् जम्‍बुलीङ्‌गी छ्‌यो स्‍यी खदक्‍ल तङ्‌न ॱस धङ् ॱनम्‍गी भर्ल ख ख ॱसोस्‍सोल यो़प्‍पे रोरङ्‌गी दम्‍बे मी घयेत् दी दी़क्‍केन् बेत्।

रोमी 12:1

पी़न्‍ज्‍यासो, को़न्‍ज्‍योक् ॱङीङ्‌ज्‍यी छ्‌यीम्‍मु च्‍येम्‍म यो़क्‍केन् झ्‍यीनी, खीत्‍रङ्‌ल ङ ॱलोप्‍स हीगो ज्‍यक्‍केनो। खीत्‍रङ्‌गी ली़सीम् दी चङ्‌म, को़न्‍ज्‍योक् थु गुव, को़न्‍ज्‍योक्‍ल सुङ्‌ल चुब डस्‍सी पुज्‍यीत्। हीगो क हस्‍सो़त् दीम्‍बरङ्‌गी धेप्‍प मो़ब झ्‍यीब दील डोगेन् बेत्।

एफीसस् 1:10

हीगी ॱङीङ्‌बी़ धो़न् हीगो धी़जो़त् ॱलीबे ॱङेस्‍स्‍यो डुप्‍केन् बेत्। हुगी धी़गी यङ्‌ल तेङ् यी़न धङ् ॱस जम्‍बुलीङ्‌न घङ् यो़प्‍प घयेत् जेङ् ख्रीष्‍ट्‌की ॱवङ्‌गी होक्‍ल दी़न स्‍यक्‍न, हुगी गोल ख्रीष्‍ट् युङ्‌गेन् बेत्।

१ थीस्‍सलोनीका 2:19

चोव ज्‍यीन्‍दक् येशु झ्‍यो़न्‍नी, खोङ्‌गी ढुङ्‌दु हज्‍यरङ् ॱलीत्‍न, हुदु ङीक्‍की रीगो, गेस धङ् ज्‍येल थोप्‍केन् थोप् छ्‌यीम्‍मी़ स्‍यमुङ्‌गी ङोम्‍ज्‍येत् दी खीत्‍रङ्‌सो युङ्‌गेन् बेत्।

१ थीस्‍सलोनीका 3:13

हज्‍यरङ्‌गी चोव ज्‍यीन्‍दक् येशु खोङ् रोरङ्‌गी मी चङ्‌म घयेत्‍तङ् दल इगीनी मल्‍ल झ्‍यो़म्‍बे यङ्‌ल हज्‍यरङ्‌गी यप् को़न्‍ज्‍योक्‍की ढुङ्‌दु खीत्‍रङ् धक्‍पर् हीम्‍ब धङ् ङीबे ज्‍यी़त् मीप्‍प थो़न् छुज्‍ये यो़प्‍पल खीत्‍रङ्‌गी ॱसीम् दी चोव ज्‍यीन्‍दक्‍की तेम्‍बोक्‍म सोज्‍ये यो़प्‍प तोङ्।

१ थीस्‍सलोनीका 4:1

हरुङ् पी़न्‍ज्‍यासो, को़न्‍ज्‍योक् गुवे मीजीगी लेमु खीत्‍रङ्‌गी ङीत् च्‍यानी ॱस्‍यीगेन् बेत्। ॱनी हुगो डस्‍सी दीरङ् खीत्‍रङ्‌गी झ्‍यीक्‍को़प्‍पेत्। ॱनी हरुङ् मङ्‌दु मङ्‌दु झ्‍यीज्‍यीत् सीन्‍न ङीत् चोव ज्‍यीन्‍दक् येशुगी छेन्‍नी ॱलोप्‍स ज्‍यक्‍केन् हीनो।

२ थीस्‍सलोनीका 1:3

पी़न्‍ज्‍यासो, खीत्‍रङ्‌गी छ्‌य स्‍यक्‍प दी डम्‍दु डम्‍दु झ्‍युङ्‌न युङ दील धङ् च्‍यीक्‍तङ् च्‍यीक्‍ल झ्‍यीक्‍केङ्‌गी झ्‍यम्‍ब दी छ्‌यीदु छ्‌यीदु ज्‍येन युङ दील ङीक्‍की छीगङ् को़न्‍ज्‍योक्‍ल थु छ्‌यी पु पुब झ्‍यीत् गोगो़त्।

२ तीमोथी 4:1

मी ॱसोम्‍बु धङ् ॱस्‍यीनर घयेत्‍ल ठीम् च्‍यो़त्‍तु झ्‍यो़ङ्‌गेन् ख्रीष्‍ट् येशु, खोङ् रोरङ्‌गी ज्‍यागक् धङ् को़न्‍ज्‍योक् पङ्‌दु स्‍यक्‍न रङ्‌ल ङ हीन्‍दुक् सीन्‍न ॱङक्‍केन् हीनो।