२ थीस्सलोनीका 1:7 - ल्होमी7-8 हुनी क खीत्रङ् धङ् ङीत् दुक्पे लक्नी थर्केन् बेत्। हुगी यङ्ल चोव ज्यीन्दक् येशु मीज्ये छ्यीम्मुल भप्न खोङ् रोरङ्गी भङ्ज्येम्ब ज्यीक्पा घयेत्तङ् दल तेङ् यी़नी मल्ल कुरीक्की थोङ्सल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् धङ् हज्यरङ्गी चोव ज्यीन्दक् येशुगी केच्च्य ॱनेम्बुल मीत् नेङ्गेन् घयेत्ल खोङ्गी लेन् च्यो़गेन् बेत्। Faic an caibideil |
२ थीस्सलोनीका 1:7
51 Iomraidhean Croise
ॱनी हुगी लेल्ल अब्राहाम्गी ॱवे भु, रङ्गी मीजील गवे लेमु घयेत् एल्लादु झ्युङ् छर बेत्। ॱनी हीगी लाजरस् हील हुगी यङ्ल दुक्पे लेमु घयेत् झ्युङ बेत्। हीगो रङ्गी ढेङ्गी ॱसो़गो़ट्टो। ॱनी लाजरस्ल हुन्दो हीन ॱलो दीन्दीक्म झ्यीन कीप्पु यो़क्केन् बेत्। रङ्ल दुक्स्यीगी ॱनर्मी यो़क्केन् बेत्।
घन्ड हीन् सीन्न जम्बुलीङ् धङ् तेङ् यी़न घङ् यो़प्प ॱमीक्की थोङ्गेन् धङ् ॱमीत् थोङ्गेङ्गी ढङ् छङ्म को़न्ज्योक्की खोङ्गी लक्नी जेत्न छ्यादु ची़प्प बेत्। ॱनी ॱवङ् च्येम्मे स्युडील दो़क्केन्, ॱवङ् च्योङ्गेन्, चो छ्यीया घयेत् धङ् ॱवङ् च्येम्म घयेत् एत् कुरीक् खोङ्गी लक्नीरङ् छ्यादु ची़प्प बेत्। ॱनी हुगो जेङ् खोङ्गी लक्नी खोङ्गी धो़ल्ल छ्यादु ची़प्प बेत्।
हीगो डस्सी सदोम् सार् धङ् गमोरा सार्, ॱनी हुगी थप्स्यीगी सार् घयेक्की मी इक् हुन्दुक् दीरङ् झ्यीन छ्येगी ॱवङ्ल ॱस्योर्न, कोलीमीगी लुसल मीप्पे झ्यीत् मत् रुङे ले एक् झ्यीब बेत्। हुन्दुक् झ्यीनी हुबल को़न्ज्योक्की छ्येप्प केब बेत्। ॱनी हुगो फुगी मी बर्से ॱनर्मी नोङ्से लेमु डस्सी झ्युङ बेत्।
हुगी को़न्ज्योक्की खोङ्डोक् पो़त्न युङ दी गोङ्ज्यङ् घर्पोक्म थुङ डस्सी थुङ् गो़ ॱस्यर्केन् बेत्। हुगो ङेल्लेन् च्यो़ज्येमे को़न्ज्योक्की छ्यो़स्स्याल ॱलुक्न दुक्। हुगी मी हुगोल तेङ् यी़गी भङ्ज्येम्ब चङ्म घयेत् धङ् लुक्टुक्की ढुङ्दु मी धङ् मुसी बरे नङ्ल ॱलुक्न दुक्स्यीगी ॱनर्मी नोङ्गेन् बेत्।
हीनी तेङ् यी़नी मल्ल केत् च्यीक्ल हीन्दुक् सीच्च्युङ्। हीगो रङ्गी यीगील ढी। चोव ज्यीन्दक्तङ् या मत् ढेब दो़क्केङ्गी मी हीनी झ्यीब दी ॱसु ॱस्यीन आक्, हुगो ॱसोदी च्येम्म युङ्गेन् बेत्। धम्बे थुगी हीगो दीम्बरङ् बेत् सीगुक्। हुब घयेत् रोरङ्सो़ मीजील कप्ले च्येत्न युङे दुक्स्यी घयेत्नी या ढेन युङ्न, हुनी कीप्पु युङ्गेन् बेत्। घन्ड हीन् सीन्न हुबे झ्यीबे ले घयेक्की ॱल दी इगीदु थोप्केन् बेत् सीच्च्युङ्।
हीनी यङ् हुगी भङ्ज्येम्ब दीगीरङ् ङल हीगी केच्च्य घयेत् हीगो दीम्ब धङ् ज्युरुव मीप्प यो़क्केन् बेत्। ह ज्योक्पा घन्ड घन्ड युङ्गेन् बेक्क हुगी केच्च्य हुगो खोङ् रोरङ्गी ॱयोक्पु घयेत्ल तो़न्न ॱस्यो़त्तु कलुङ् ॱस्यो़क्केन् घयेत्ल खोङ् रोरङ्गी धम्बे थु ॱनङ्गेन् चोव ज्यीन्दक् को़न्ज्योक्की भङ्ज्येम्ब ङ तङ्न युङ बेत्।
Sanasan