२ थीस्सलोनीका 1:10 - ल्होमी10 हुगी ङीन् दी येशु खोङ् रोरङ्गी मी चङ्म घयेत् च्यानी तो़प्प लीन्दु धङ् खोङ्ल छ्य स्यक्न यो़क्केन् घयेत् यीक् छ्यीन खोङ्ल तो़प्प पुज्ये यो़प्पल इगीनी मल्ल झ्यो़ङ्गेन् बेत्। ङीक्की गन्दीय दीम्ब बेत् सीरे केच्च्यल खीत्रङ्गी छ्य स्यक्न यो़क्केन् झ्यीनी, हुबे दल खीत्रङ् ॱअङ् युङ्गेन् बेत्। Faic an caibideil |
२ थीस्सलोनीका 1:10
40 Iomraidhean Croise
हज्यरङ् मीस्सीर् घयेत् दक्पु जेक्केन् को़न्ज्योक्की हज्यरङ् घयेत्ल थर्वे फक् दीम्बरङ् थोप्केन् हीम्बे ढीक्ल धम्बे थु हज्यरङ् हीनी तीङ्ला ॱली़न डोये यङ्गी धी़ थुक्ल बयीनाल ॱनङ्न यो़क्केन् बेत्। ॱनी हीगो को़न्ज्योक्ल तो़त्न, खोङ्ल तो़त्वङ् दी हरुङ् ज्यीक्तु युङ्ज्ये यो़प्पे ढीक्ल बेत्।
को़न्ज्योक्की खीत्रङ् घन्दुक् झ्यीबे रीगोल भो़ब बेक्क, खोङ्गी मी चङ्म घयेत्ल घन्दुक् झ्यीबे तो़प्प च्येम्मे थर्वे फक् स्यक्न यो़प्प बेक्क, हज्यरङ् छ्य स्योक्केन् घयेक्की घुङ्दु ले जेक्केन् खोङ्गी ॱस्यीक् दी घन्दुक्मे छ्यीय यो़प्प बेक्क हुगो खीत्रङ्गी ॱसीम्गी ॱमीक् दी भीन थोङ्ज्ये यो़प्प तोङ् सीन्न ॱसुव तप् तब झ्यीक्को़त्।
ङीक्की हुदु ॱस्येप्पे केच्च्य दील खीत्रङ्गी हीगो मी केच्च्य मेम्ब, को़न्ज्योक्की ॱसुङ्स्येत् बेत् ॱनो़ब ॱसम्न नेन्सोङ्। ॱनी हुगो खुङ्देन् को़न्ज्योक्की ॱसुङ्स्येत् दीरङ् बेत्। ॱनी हीगी खीत्रङ् छ्य स्योक्केन् घयेक्की ॱसीम्ल फेन् थोगेङ्गी ले डुप्केन् बेत्। हीगी ढीक्ल अक् ङीक्की को़न्ज्योक्ल छीगङ् थु छ्यी पु पुब झ्यीक्को़त्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
हुगो झ्यीनी ङल हीगो डस्सीगी दुक्प छीगङ् नोङ्गुक्। ॱनी हीन्न अक्, हीगी ढीक्ल ङ ङु छय मीत् झ्यीत्। घन्ड हीन् सीन्न ङे ॱसुल छ्य स्यक्तुक्क हुगो ङे ङु ॱस्यीगो़त्। ङे गेल्ल खोङ्गी घङ् स्यक्न यो़प्प दी खोङ् रोरङ् झ्यो़म्बे ङीन् थुक्ल खोङ्गी छ्योप्न स्योक् छुगेन् हीम्बल ङ ॱलो खीन यो़त्।
खीत्रङ् हुब डस्सी मेम्ब, को़न्ज्योक्की दम्बे मीस्सीर्, ख्रीष्ट् ज्याबी़ छ्यो़प्पो़न्, को़न्ज्योक्की खोङ् रोरङ्गी ढीक्ल पी़प्पे ज्यी़त् धङ् खोङ् रोरङ्गी दुङ्ज्यी़त् बेत्। खीत्रङ् खो़च्च्ये दी खीत्रङ् मेन्नक्नी यम् छेम्मे मेङ्गल भो़क्केन् को़न्ज्योक्की जेप्पे ले छ्यीम्मु घयेत् मी कुरीक्ल ॱस्यो़च्च्येगी ढीक्ल बेत्।
Sanasan