२ पत्रुस् 3:4 - ल्होमी

⁴ ख्रीष्‍ट् फीच्‍च्‍य युङ्‌गेन् बेत् धङ् युङ्‌गेन् बेत् सीक्‍केन् दी घन ॱनी? ॱङो़न् धङ्‌बु छङ्‌म थम्‍ज्‍येत् छ्‌यादु ची़प्‍पनी झ्‍यीनी घङ् यो़प्‍प हीगो पुबु ॱमुमी़ ङोनी हीन्‍दुक् दीरङ् मत् ज्‍युर दुक् न ॱनी सीन्‍न सीक्‍केन् बेत्।

२ पत्रुस् 3:4 Iomraidhean Croise

मत्‍ती 16:27

तीङ्‌ला कोलीमीगी ॱरेबुल रोरङ्‌गी यप्‍की तो़त्‍वङ् झ्‍युङ्‌न रोरङ्‌गी तेङ् यी़गी भङ्‌ज्‍येम्‍ब घयेत्‍तङ् दल युङ्‌गेन् बेत्। हुगी यङ्‌ल मी रीदङ् रील ॱसोस्‍सोरङ्‌गी घङ् झ्‍यीबे लेगी लेन् टो़क्‍केन् बेत्। (ॱसुङ्‌रप्‍की गुल्‍लु ६२:१२)

मत्‍ती 16:28

ङे खीत्‍रङ्‌ल गन्‍दीय ॱस्‍येत् योङ्। हुन्‍दो हीन यो़क्‍केन् खीत्‍रङ् यरी ॱमत् ॱस्‍यीयलरङ् कोलीमीगी ॱरेबु रोरङ्‌गी ज्‍यागक् च्‍योङ्‌दु युङ थोङ्‌गेन् बेत् झ्‍यीब बेत्।

मत्‍ती 24:28

घन रो ॱस्‍यीगोरोक् यो़दङ् हुदु झ्‍यक्‍को़त् घयेत् जोम्‍गेन् बेत्।

मत्‍ती 24:48

ॱनी हुगी ॱयोक्‍पु हुगो अयेक्‍प हीन्‍न ॱनी, हुगी रोरङ्‌गी ॱसीम्‍ल नुक्‍मे ज्‍योब दक्‍पु घन्‍डे युङ्‌ज्‍ये ॱनो़न

मर्कुस् 10:6

ॱङो़न् धङ्‌बु गोम छङ्‌म थम्‍ज्‍येत् छ्‌यादु ची़प्‍पे यङ्‌ल को़न्‍ज्‍योक्‍की छ्‌योगो धङ् भुमु सो़ब बेत्।

मर्कुस् 13:19

हुगी यङ्‌ल दुक्‍प छ्‌यीम्‍मु नोङ्‌गेन् बेत्। नुक्‍मे दुक्‍प छ्‌यीय को़न्‍ज्‍योक्‍की ॱङो़न् धङ्‌बु ॱस धङ् ॱनम् छ्‌यादु ची़प्‍पनी झ्‍यीनी हुगो थुक्‍ल मत् युङ बेत्। ॱनी तीङ्‌ला आक् हुगो डस्‍सी नम्‍ल अक् मीत् युङ्‌गेन् बेत्।

लुका 12:45

ॱनी हुगो डस्‍सी मत् झ्‍येब, हुगी ॱयोक्‍पु दीगी रोरङ्‌गी ॱसीम्‍ल नुक्‍मे ज्‍योब दक्‍पु घन्‍डे युङ्‌ज्‍ये ॱनो़न ॱयोक्‍पु धङ् ॱयोक्‍मु ॱयोङ्‌म घयेत् दीबल हुगी दुङ्‌ज्‍येम झ्‍यीक्‍केन् बेत्। हुनी रोरङ् से सेब, थुङ् थुङ धङ् सी सीय झ्‍यीक्‍केन् बेत्।

ठीक्‍नल 7:60

हुनी हस्‍सो़त् पीमुङ् चुन रोगी केत् छ्‌यीम्‍मु तो़न्‍न ॱवे चोव ज्‍यीन्‍दक् हीगी मी घयेत् हीबल हीगी दीक्‍प हीगो को़रो मत् झ्‍यीत् सीन्‍न ॱस्‍येत्‍नी, हुनी उ ठोक् छ्‌येत्‍नर बेत्।

१ थीस्‍सलोनीका 2:19

चोव ज्‍यीन्‍दक् येशु झ्‍यो़न्‍नी, खोङ्‌गी ढुङ्‌दु हज्‍यरङ् ॱलीत्‍न, हुदु ङीक्‍की रीगो, गेस धङ् ज्‍येल थोप्‍केन् थोप् छ्‌यीम्‍मी़ स्‍यमुङ्‌गी ङोम्‍ज्‍येत् दी खीत्‍रङ्‌सो युङ्‌गेन् बेत्।

ॱसाल्‍केत् 3:14

हीगो लाओडीसीयागी छ्‌यो़ छोगी ढीक्‍ल को़बे तेङ् यी़गी भङ्‌ज्‍येम्‍बल ढीज्‍यीत्। हीगो आमेन् धङ् ज्‍युरुव मीप्‍प केच्‍च्‍य तेम्‍बोक्‍म ॱस्‍यो़क्‍केन्, को़न्‍ज्‍योक्‍की छ्‌यादु ची़प्‍प घयेत् कुरीक् छ्‌यासे चव दीगी सीगुगो झ्‍यीज्‍यीत्।