२ पत्रुस् 3:17 - ल्होमी

¹⁷ झ्‍यम्‍बे दगुसो, हीगो खीत्‍रङ्‌ल एल्‍लानी ॱस्‍यो़च्‍च्‍ये यो़क्‍केन् झ्‍यीनी, ङेन्‍सीम् च्‍येम्‍म हुबे ॱयोङ्‌गोर्ल खीत्‍रङ् छ्‌यी़ज्‍ये मीप्‍प धङ् खीत्‍रङ्‌गी छ्‌य स्‍यक्‍पे ॱसप्‍तेन् दी भोक्‍च्‍ये मीप्‍पल च्‍यङ्‌जो़त् झ्‍यीन दो़च्‍च्‍यीत्।

२ पत्रुस् 3:17 Iomraidhean Croise

मत्‍ती 16:11

हीगो हीन्‍न ॱनी, घन्‍दुक् झ्‍यीन खीक्‍की ङे केच्‍च्‍य हीगो ढोप्‍ची मीप्‍पे ढीक्‍ल सीक्‍केन् ब अक् ॱनो़ब ॱसम्‍गेन्? खीत्‍रङ्‌ल ङे फरीसी धङ् सदुकी घयेक्‍की च्‍युर् दीनी धोजीम् झ्‍यीन दो़च्‍च्‍यीत् झ्‍यीब मेन्‍द झ्‍यीब बेत्।

मत्‍ती 16:6

ॱनी येशुगी ॱलोप्‍टुक् दीबल तेदे फरीसी धङ् सदुकी घयेक्‍की ढोप्‍चीगी च्‍युर् हुनी खीत्‍रङ् तोक्‍स्‍यीप् झ्‍यीन च्‍यङ् जीम्‍न दो़च्‍च्‍यीत् सीन्‍न ॱङाब बेत्।

मत्‍ती 7:15

कलुङ् जी़म ॱस्‍यो़क्‍केन् घयेत्‍नी धोजीम् झ्‍यीन दो़च्‍च्‍यीत्। घन्‍ड हीन् सीन्‍न हुब लुक्‍की सोप्‍ताल लुक्‍पक् घो़न्‍न, छ्‌यी दी लुक् डस्‍सी झ्‍यीन खीत्‍रङ् च्‍याल युङ्‌गेन् बेत्। ॱनी नङ् दी च्‍यङ्‌गु ॱमङ्‌ङम् लङ्‌नर डस्‍सी यो़क्‍केन् बेत्।

युहन्‍ना 16:4

ॱनी हुगी धी़ दी युङ्‌नी, खीत्‍रङ्‌ल हीगो ढेन्‍सो़ युङ्‌ज्‍ये यो़प्‍पल ङे हुन्‍दो ॱनी हीगो ॱस्‍येप्‍पेन्। हजो़त् थुक् ङ खीत्‍रङ्‌दङ् कङ्‌ज्‍यीक्‍ल यो़क्‍केन् झ्‍यीनी, एल्‍ला फच्‍च्‍येत्‍ल ङे नुक् झ्‍यीबे तम् खीत्‍रङ्‌ल ॱमत् ॱस्‍येत्।

ठीक्‍नल 2:42

हुनी झ्‍यीनी हुब घयेक्‍की ठीक्‍नल दीबे ॱलोप्‍सल तेन्‍देन् नेन्‍न देत्‍न हुब घयेत् कुरीक् कङ्‌ज्‍यीक्‍प झ्‍यीन छीगङ् कङ्‌ज्‍यीक्‍ल ढोप्‍ची च्‍यक्‍न से, ॱनी छीगङ् ॱसुव तप् तब झ्‍ये झ्‍यीगो़प्‍प बेत्।

रोमी 16:18

घन्‍ड हीन् सीन्‍न हुन्‍दुक् झ्‍यीबे मी हुब हज्‍यरङ्‌गी चोव ज्‍यीन्‍दक् ख्रीष्‍ट्‌ल स्‍यप्‍च्‍यी़ ज्‍युक्‍केन् मेम्‍ब, हुब रोरङ्‌सो़ धेत्‍मो़ ङेम्‍बे ॱयोक् ज्‍युक्‍केन् बेत्। हुबे मी ॱयुङ्‌बोक्‍म घयेत्‍ल तम् ॱनेम्‍बोक्‍म ॱस्‍येत्‍न तो़च्‍च्‍य की़न ॱयो कोर्न छ्‌यी़दु ची़क्‍केन् बेत्।

१ कोरीन्‍थी 10:12

हुगो झ्‍यीनी मी ॱसी़ ङ ॱनी थीरीय दो़क्‍केन् हीन् ॱनो़ब ॱसम्‍गो़दङ् हुगो च्‍यङ्‌जो़त् झ्‍यीन दो़च्‍च्‍यीत्। स्‍येन् रङ् अङ् छ्‌यी़ छुगेन् बेगो।

१ कोरीन्‍थी 15:58

हीगो झ्‍यीनी ङे झ्‍यम्‍बे पी़न्‍ज्‍यासो खीत्‍रङ् थीरीय योक् योक् ठी़त् ठी़त् मीप्‍प दो़च्‍च्‍यीत्। खीत्‍रङ्‌गी कले च्‍येप्‍पे चोव ज्‍यीन्‍दक्‍की ले दी घो ॱमीत् छ्‌यो़त्‍ल मीत् डोगेन् बेत्। हीगो ॱस्‍यो़च्‍च्‍ये झ्‍यीनी खीत्‍रङ्‌गी टेत् च्‍येत्‍न छीगङ् चोव ज्‍यीन्‍दक्‍की ले झ्‍यीक्‍कीन् झ्‍यीज्‍यीत्।

२ कोरीन्‍थी 11:3

हव्‍वाल डी़गी छ्‌योम्‍डी़ ॱस्‍येत्‍न ॱयोङ्‌गोर् ज्‍यबल हव्‍वा छ्‌यी़ब डस्‍सी ख्रीष्‍ट्‌ल खीत्‍रङ्‌गी ॱसीम्‍बे यीक्‍नी खुरे ॱसीम् चङ्‌मे धेप्‍प दी इक् छ्‌यी़ डोगो़दङ् ॱनो़न ङ च्‍युगा लङ्‌गुक्।

गलाती 5:4

खीत्‍रङ् ॱसु ॱसु छ्‌यो़डीम्‍ल चीन ॱनम्‍बर् धक्‍पल थो़न्‍ज्‍ये ॱनो़ब झ्‍यीक्‍को़दङ् हुब घयेत् ख्रीष्‍ट्‌तङ् ढेन थुज्‍यीगी नङ्‌ल मीत् दो़प्‍प, थो़न्‍नरल डोगेन् बेत्।

एफीसस् 4:14

ॱनी यङ् हज्‍यरङ् छ्‌यु भङ्‌ज्‍यीत् ॱलोङ्‌ज्‍यीत् झ्‍यीन ढु यल्‍लेङ् यी़ल्‍लेङ् ॱयुन ॱलुङ्‌बी़ ॱसोर् डोगेन् डस्‍सी धङ् मी खप् लेबे ॱयोज्‍यी़ ठम्‍ज्‍यी़गी ॱयोङ्‌गोर्ल छ्‌यी़ डोगेङ्‌गी ॱनोक्‍सम् मीप्‍पे भीज घयेत् डस्‍सी मेम्‍ब,

फीलीप्‍पी 3:2

स्‍यीलोक्‍सीगी की डस्‍सीगी मी, ले आक्‍सी झ्‍यीक्‍केन्, सी़बु ढेन यहुदीगी दक् ज्‍यक् गोगेन् बेत् सीन्‍न ॱलोप्‍केन्, हुन्‍दुक् झ्‍यीबे मी हुब च्‍यानी खीत्‍रङ् धोजीम् झ्‍यीन दो़च्‍च्‍यीत्।

कलस्‍सी 2:5

ङे ली़बु खीत्‍रङ्‌दङ् मुल मीत्‍न अक्, ॱसीम् दी खीत्‍रङ्‌गी ॱवङ्‌ल तङ्‌न यो़त्। ॱनी म दी खीत्‍रङ् नङ्‌दु ॱसीम् च्‍यीक् ली़ च्‍यीक् झ्‍यीप्‍प धङ् ख्रीष्‍ट्‌ल छ्‌य स्‍यक्‍पे ॱसीम् डम्‍बोक्‍म यो़प्‍प दी ॱह घोनी, ङल गेस झ्‍युङ्।

कलस्‍सी 2:8

खीत्‍रङ्‌ल मी यो़च्‍चो़क्‍की रोरङ्‌सो़ धो़र्रीक् हीन्‍दोक्‍पे धो़म्‍मीक्‍की छ्‌यो़लु ॱलबे ॱयोङ्‌गोर्ल खीत्‍रङ् छ्‌यी़ज्‍ये मीप्‍पे ढीक्‍ल च्‍यङ्‌जो़त् झ्‍यीन दो़च्‍च्‍यीत्। हुगो ख्रीष्‍ट् ङो़गी मेम्‍ब, एल्‍लानीरङ् कोलीमी ॱलप्‍न युङे टो घयेत् धङ् जम्‍बुलीङ् ङो़गी लेमी़ केच्‍च्‍य घयेत् बेत्।

२ तीमोथी 4:15

हुगो च्‍येन्‍नी रङ् अङ् जीम्‍न दो़च्‍च्‍यीत्। हुगी ङीक्‍की केच्‍च्‍य ॱस्‍येप्‍पल दो़न्‍दो़त् ड झ्‍यीज्‍युङ्।

हीब्रु 3:14

गोम ॱलो खीन युङ डस्‍सी हज्‍यरङ् मीजी भोरी ख्रीष्‍ट्‌ल ॱलो केन थीरी देत्‍न ॱनी, हज्‍यरङ् खोङ्‌दङ् दल कङ्‌ज्‍यीक्‍प यो़प्‍पल डोगेन् बेत्।

१ पत्रुस् 5:9

जम्‍बुलीङ् घल अक् खीत्‍रङ्‌गी छ्‌य च्‍यीक्‍की पी़न्‍ज्‍या घयेत्‍ल खीत्‍रङ्‌ल नोङे दुक्‍प डस्‍सीरङ् गुर् गो़ ॱस्‍यर्केन् बेत् ॱनो़ब खुर्न खीत्‍रङ्‌गी छ्‌य दी डम्‍बोक्‍म स्‍यक्‍न शैतान् हुगी डल लोङ्‌न थुक् थुक्‍प झ्‍यीज्‍यीत्।

२ पत्रुस् 2:7

मी ढङ्‌बु लोत्‍रङ् क हुनी थर्तु ची़प्‍प बेत्। उन मी ङेम्‍ब घयेक्‍की छ्‌येल ॱनक्‍केङ्‌गी लेमु घयेत् दी थोङ्‌नी, लोत् घङ् झ्‍यीबे च्‍यीरक् झ्‍युङ बेत्।

२ पत्रुस् 3:1

झ्‍यम्‍बे दगुसो, खीत्‍रङ्‌ल ङे हीगो यीगी ॱङीब ढीगेन् हीनो। ॱनी ङे यीगी ॱङीब हीगो ढीज्‍येगी धो़न् दी ॱएङ्‌गी केच्‍च्‍य दी ढेन्‍सो़ ॱलङ्‌न, खीत्‍रङ्‌गी ॱसीम्‍ल ॱनो़रीक् चङ्‌म छ्‌यर्च्‍ये यो़प्‍पल ढीब हीन्।

ॱसाल्‍केत् 2:5

हुगो झ्‍यीनी खीत्‍रङ् घनी हुन्‍दुक् झ्‍यीबल झ्‍युङ हुगो ढेन्‍सो़ झ्‍यीन ॱङर्की ॱसीम्‍बल ज्‍युर्न ॱएङ्‌गी लेमु डस्‍सीरङ् झ्‍यीज्‍यीत्। हुन्‍दुक् मत् झ्‍येन ॱनी, ङ युङ्‌न हुनी छ्‌यो़त्‍मी दीरङ् तोर् तोङ्‌गेन्।