२ पत्रुस् 3:1 - ल्होमी

¹ झ्‍यम्‍बे दगुसो, खीत्‍रङ्‌ल ङे हीगो यीगी ॱङीब ढीगेन् हीनो। ॱनी ङे यीगी ॱङीब हीगो ढीज्‍येगी धो़न् दी ॱएङ्‌गी केच्‍च्‍य दी ढेन्‍सो़ ॱलङ्‌न, खीत्‍रङ्‌गी ॱसीम्‍ल ॱनो़रीक् चङ्‌म छ्‌यर्च्‍ये यो़प्‍पल ढीब हीन्।

२ पत्रुस् 3:1 Iomraidhean Croise

मत्‍ती 5:8

ॱसीम् चङ्‌म च्‍येम्‍म घयेत् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न हुबल को़न्‍ज्‍योक् ज्‍याज्‍ये ॱनोङ्‌गेन् बेत्।

२ कोरीन्‍थी 13:2

खीत्‍रङ् च्‍येन्‍दु थङ्‌म तीङ्‌मा युङ्‌न दो़प्‍पे यङ्‌ल ङे ॱस्‍येत्‍न स्‍यक्‍पेन्। ॱनी हुन्‍दो ओक् हीगोरङ् ॱस्‍यो़क्‍केन्। हन्‍देन् ङ खीत्‍रङ् च्‍याल युङ्‌नी, उन एल्‍लानी दीक्‍प झ्‍यीन युङ्‌गेन् घयेत् धङ् उन ॱयोङ्‌म घयेत्‍ल थम्‍ज्‍येत् झ्‍योङ् तोङ्‌गेन्।

१ तीमोथी 5:22

मी ॱसुल आक् नम् ॱमत् च्‍येप्‍पल लक्‍पे ॱवङ् ॱमत् को़ज्‍यीत्। ॱयोङ्‌मागी दीक्‍प धङ् मुज्‍यीक् दज्‍यीक् मत् झ्‍यीज्‍यीत्। रङ् धक्‍पर् युङ झ्‍यीज्‍यीत्।

२ तीमोथी 1:6

हीगो झ्‍यीनी ङे एल्‍ला रङ्‌ल लक्‍पे ॱवङ् केन, को़न्‍ज्‍योक्‍की रङ्‌ल ॱनङे कबप् दी मी बर तबु युङ्‌ज्‍ये यो़प्‍पल भी़ भी़ब झ्‍यीज्‍यीत् सीन्‍न ढेन्‍सो़ ॱलोङ्‌गेनो।

हीब्रु 6:9

ङे झ्‍यम्‍बे दगुसो, खीत्‍रङ् हुगो डस्‍सी त मेम्‍बेत्। ङे हुन्‍दुक् सीन्‍न अक्, खीत्‍रङ् स्‍यीङ्‌ग गङ्‌ज्‍येन् हुगो डस्‍सी थर्वे लम्‍ल ॱङो़न्‍ने डोगेन् हीम्‍बल ङ देङ् खीन यो़त्।

१ पत्रुस् 1:22

खीत्‍रङ् पी़न्‍ज्‍या नङ्‌जोदु धक्‍तेङ्‌गी झ्‍यम्‍ब युङे ढीक्‍ल खीत्‍रङ् दीम्‍बे कल चीन युङ्‌नी, खीत्‍रङ्‌गी ॱसीम् दी चङ्‌मल ॱसोङ्‌न यो़क्‍केन् बेत्। हुगो झ्‍यीनी खीत्‍रङ् ॱसीम् चङ्‌म खुर्न च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीज्‍यीत्।

१ पत्रुस् 2:11

झ्‍यम्‍बे दगुसो, खीत्‍रङ्‌ल ङे ॱलोप्‍स हीगो यो़दो। जम्‍बुलीङ्‌दु खीत्‍रङ् हुन्‍दो छ्‌योबादङ् छ्‌येत्‍मीत् यो़प्‍पे कप्‍ल खीत्‍रङ्‌गी ॱसीम्‍बे डल युङ्‌गेन् कोलीमी ङो़गी धेत्‍मो़ ङेम्‍बे ढङ्‌नी खीत्‍रङ् थप्‍न भीन दो़च्‍च्‍यीत्।

२ पत्रुस् 3:14

झ्‍यम्‍बे दगुसो, खीत्‍रङ् हुगोल गुक्‍केन् झ्‍यीनी, खीत्‍रङ् खोङ्‌गी ढुङ्‌दु नक्‍पी़ जी ङीबे ज्‍यी़त् मीप्‍प खोङ्‌दङ् धम्‍जीक् चङ्‌बोक्‍म युङल थो़न् छुब झ्‍यीज्‍यीत्।

२ पत्रुस् 3:17

झ्‍यम्‍बे दगुसो, हीगो खीत्‍रङ्‌ल एल्‍लानी ॱस्‍यो़च्‍च्‍ये यो़क्‍केन् झ्‍यीनी, ङेन्‍सीम् च्‍येम्‍म हुबे ॱयोङ्‌गोर्ल खीत्‍रङ् छ्‌यी़ज्‍ये मीप्‍प धङ् खीत्‍रङ्‌गी छ्‌य स्‍यक्‍पे ॱसप्‍तेन् दी भोक्‍च्‍ये मीप्‍पल च्‍यङ्‌जो़त् झ्‍यीन दो़च्‍च्‍यीत्।

२ पत्रुस् 3:8

झ्‍यम्‍बे दगुसो, चोव ज्‍यीन्‍दक्‍ल लोङ तोङ्‌डक् च्‍यीक् ङीन् च्‍यीक् डस्‍सील अक् डो छुगेन् बेत्। ॱनी यङ् ङीन् च्‍यीक् लोङ तोङ्‌डक् च्‍यीक् डस्‍सील अक् डो छुगेन् बेत्। हीगो टोक् मत् ज्‍यीब, ॱसीम्‍ल सुङ्‌न स्‍योक्‍च्‍यीत्।

यहुदा 1:5

म दी खीत्‍रङ्‌ल कुरीक् ॱस्‍यो़च्‍च्‍ये यो़क्‍केन् बेत्। ॱनी यो़त्‍न अक्, ङे ढेन्‍सो़ ॱलोङ्‌ज्‍येल हीगो ढीगो़त्। धङ्‌बु इस्राएली घयेत् मीस्‍रे लुङ्‌बनी चोव ज्‍यीन्‍दक्‍की तो़न्‍न ठीक्‍न युङ्‌नी इक्, तीङ्‌ला हुबे खोङ्‌ल छ्‌य मत् स्‍यक्‍पल छ्‌य मीत् स्‍योक्‍केन् घयेत् दी खरप्‍ल तङ् तङ बेत्।