२ पत्रुस् 2:19 - ल्होमी

¹⁹ हुबे ॱयोङ्‌ल रङ्‌मो़ युङ्‌गेन् बेत् सीन्‍न ॱस्‍यो़क्‍केन्, म दी रोरङ्‌सो ॱस्‍यीवल डोगेङ्‌गी लेमु घयेक्‍की ॱयोक्‍ल ॱस्‍योर्न यो़क्‍केन् बेत्। घन्‍ड हीन् सीन्‍न मी घन्‍डे लेमी़ ॱवङ्‌ल ॱस्‍योको़र्दङ् हुगी ॱयोक्‍ल ॱस्‍योर्केन् बेत्।

२ पत्रुस् 2:19 Iomraidhean Croise

युहन्‍ना 8:34

ॱनी येशुगी हुबल ङे खीत्‍रङ्‌ल गन्‍दीय ॱस्‍येत् योङ्। मी ॱसी़ दीक्‍प झ्‍यीगुक्‍क हुगो दीक्‍पे ॱयोक्‍ल ॱस्‍योर्न, रङ्‌मो़ मीत् युङ्‌गेन् बेत्।

ठीक्‍नल 19:16

हुनी हुगी ॱनो़प्‍प अयेक्‍प स्‍यीन्‍नरे मी दी छुल्‍ल घप्‍न युङ बेत्। घप्‍नी, हुगी पी़न् दी़म्‍बु दील दुङ्‌न घो़ घयेत् दी कुरीक् बरक् कोरक् च्‍येत्‍न, काबु ॱस्‍यीबु ॱसोङ्‌न हुब च्‍यरेङी सी़बु दीलरङ् ॱम च्‍यङ्‌ज्‍यङ् खुर्न खीम् दीनी ढो़ गो़ ॱस्‍यर बेत्।

गलाती 5:1

हज्‍यरङ् रङ्‌मो़ च्‍येम्‍मे मी युङल ख्रीष्‍ट्‌की थर्तु ची़प्‍प बेत्। हीगो झ्‍यीनी खीत्‍रङ् रङ्‌मो़ मीप्‍पे टोलु घयेक्‍की ॱनेक्‍स्‍यीङ्‌गी होक्‍ल फीच्‍च्‍य यङ् ॱमत् ॱस्‍योर, थीरी दो़च्‍च्‍यीत्।

गलाती 5:13

पी़न्‍ज्‍यासो, खीत्‍रङ् रङ्‌मो़ युङल भो़नी, हुनी खीत्‍रङ् रङ्‌मो़ल थो़न्‍ज्‍युङ् सीन्‍न कोलीमीगी ॱसीम्‍बे रङ्‌ज्‍यी़ मत् झ्‍यीप्‍प, च्‍यीक्‍तङ् च्‍यीक्‍ल झ्‍यम्‍बे लेगी स्‍यप्‍च्‍यी़ ज्‍युक्‍केन् हीम्‍ब झ्‍यीज्‍यीत्।

२ तीमोथी 2:26

दी़क्‍की चो हुगी रोरङ्‌गी लेल कुज्‍येल ॱङीङ् गुक्‍पल सीम्‍ब दीनी थर्न हुबल ॱनोक्‍सम् ॱलीक्‍को़ट्‌टो।

तीतस् 3:3

एल्‍ला हज्‍यरङ्‌गी मीजील ॱनोक्‍सम् मीप्‍प डस्‍सी खल मीत् नेङ्‌गेन्, गो थोम्‍न यो़क्‍केन्, धेच्‍च्‍यो ङेम्‍बे धेत्‍मो़ यो़च्‍चो़क्‍की ॱयोक्‍ल ॱस्‍योर्न ङेम्‍ब धङ् ठदोक् झ्‍यीक्‍केन्, च्‍यीक्‍तङ् च्‍यीक्‍ल ड झ्‍यीक्‍केन्, हुनी यङ् हज्‍यरङ्‌ल अक् ॱयोङ्‌गी ड झ्‍यीक्‍केन् यो़क्‍केन् बेत्।

१ पत्रुस् 2:16

खीत्‍रङ् रङ्‌मो़ च्‍येम्‍म हीम्‍ब झ्‍यीज्‍यीत्। ॱनी खीत्‍रङ्‌ल रङ्‌मो़ यो़त् ॱनो़नी रङ्‌मो़ दी ङेम्‍बे छ्‌योल ॱमत् तोङ, को़न्‍ज्‍योक्‍की ॱयोक्‍पु हीम्‍ब डस्‍सी झ्‍यीज्‍यीत्।

२ पत्रुस् 1:4

हुन्‍दुक् झ्‍यीन खोङ्‌गी हुगी छ्‌यो़त्‍तुम्‍ल यो़प्‍पे रीम्‍बुर् छ्‌यीये केच्‍च्‍य चा छ्‌यीम्‍मु घयेत् हुगो हज्‍यरङ् घयेत् धेत्‍मो़ आक्‍पागी ढङ्‌ल ॱस्‍योर्नरे जम्‍बुलीङ् अयेक्‍प हीगो ङो़नी भीन, को़न्‍ज्‍योक्‍तङ् डगेल्‍ल ज्‍युर्न युङ्‌ज्‍ये यो़प्‍पे ढीक्‍ल ॱनङ बेत्।

२ पत्रुस् 2:20

स्‍येन् हुबे एल्‍ला हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट् ङु ॱस्‍यीन जम्‍बुलीङ्‌गी स्‍यीलोक्‍सीगी ङीब घयेत्‍नी थर्न युङ बेत्। ॱनी हुब यङ् हुगी ॱङीङ् दीलरङ् सीन्‍न हुगी ॱवङ्‌ल ॱसोङ्‌नी, हुब एल्‍लाले हरुङ् दुक्‍तु डोगेन् बेत्।