२ पत्रुस् 2:1 - ल्होमी1 धङ्बु इस्राएल्की घुङ्दु कलुङ् जी़म ॱस्यो़क्केन् गज्येन् थो़न्न युङ बेत्। ॱनी हीगो डस्सी हुन्दो खीत्रङ्गी घुङ्न अक् चयेलम जी़म गज्येन् थो़न्न यो़क्केन् बेत्। हुबे गोङ्दामुल मीत्तल भुजुक् तोङ्ज्येमे ॱलोप्स जी़म ज्यप्नी, रोरङ्सो ओक् दीक्पनी ॱलुगेङ्गी चोव ज्यीन्दक् हुबे मेम्बल तोङ्गेन् बेत्। ॱनी हुन्दुक् झ्यीन रोरङ्सो ज्योक्पु खरप्ल डोये ले झ्यीक्केन् बेत्। Faic an caibideil |
२ पत्रुस् 2:1
73 Iomraidhean Croise
तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्।
खीत्रङ्गी उन को़न्ज्योक् ॱमीत् ॱसम्गेङ्गी मी यरी को़न्ज्योक् ॱसम्गेन् हीन् झ्युरील स्युन यो़क्केन् बेत्। हुबल घन्दुक् झ्यीबे छ्येप्प फोक्केन् बेक्क हुगो एल्लादु ढीन यो़क्केन् बेत्। हुबे हज्यरङ्गी को़न्ज्योक्की थुज्यी दी आक्सी छ्येल ॱनक्सी झ्यीन अक्, डीक्केन् हीम्बल सो़न यो़क्केन् बेत्। येशु ख्रीष्ट् हज्यरङ्गी चोव ज्यीन्दक् ॱवङ् छ्यीम्मु च्येम्म खोङ् च्यीगी च्यीक् यो़प्प हीम्बल हुबे मेम्बेत् सीन्न सीक्केन् बेत्।
ॱसीम्ज्येन् ॱएम्मा दी च्येन्नी ॱवङ् थोप्न यो़प्पे ॱसीम्ज्येन् तीङ्मागी तो़म्बे यीक् छ्यीम्मी़ लेगी ता घयेत् दी थोङ्नी, जम्बुलीङ्गी मी घयेत् हुगी ॱयोङ्गोर्ल छ्यी़ डोगुक्। ॱनी पदङ्गी बेम्बे ॱम ॱसो़नरे ॱसीम्ज्येन् दी तो़च्च्येल जम्बुलीङ्गी मी घयेत्ल हीगी ॱसीम्ज्येन् तीङ्मा हीगी हुगी डवु दी सोदु ची़स्सोङ्।
खीत्रङ् घन दो़क्को़प्प हुगो ङल ॱस्यो़च्च्ये यो़त्। खीत्रङ् शैतान्गी ॱवङ् च्येम्मे स्युडी यो़स्से लुङ्बन दो़क्केन् बेत्। ॱनी हीन्न अक्, ङे मीङ् डेन्न तेन्देन् झ्यीन दो़क्कुक्। हुदु शैतान्गी ॱवङ् च्येम्मे स्युडी यो़स्सदु ङे ढीक्ल दीम्बे केच्च्य ज्युरुव मीप्प ॱस्यो़क्केन् एन्टीपास् ङे धो़न्दु ॱसेत् तोङे यङ्ल अक् खीत्रङ्गी ङ छ्य स्योक्केन् मेन् सीन्न मत् सीस्सोङ्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan