२ पत्रुस् 1:8 - ल्होमी

⁸ ॱनी हीन्‍दुक् झ्‍यीन खीत्‍रङ् नङ्‌दु हीगो ज्‍यीक्‍तु झ्‍यीन युङ्‌गो़त्‍न ॱनी, खीत्‍रङ् घो ॱमीत् छ्‌यो़त् डेबु मीप्‍प डस्‍सी मेम्‍ब, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की धो़र्रीक् छ्‌यीदु थोगेल्‍ल डोगेन् बेत्।

२ पत्रुस् 1:8 Iomraidhean Croise

मत्‍ती 13:22

नेसोरोक्‍ल खीबे धो़न् दी केच्‍च्‍य नेम्‍ब दी त नेङ्‌गेन् बेत्। ॱनी हुगी रोरङ्‌गी मीजील च्‍युगा धङ् नोर् ॱसक्‍पे लोप्‍ल ॱसोङ्‌नी, केच्‍च्‍य दी ॱनङ्‌ज्‍युङ्‌ल ॱस्‍योर्न डेबु छ्‌या ॱमीत् छुगेन् बेत्।

मत्‍ती 20:3

ॱनी यङ् छ्‌युजो़त् गुजो़त् च्‍यीक्‍ल दक्‍पु दी फीच्‍च्‍य ठोम्‍ल डोगेन् बेत्। ॱनी हुदु ले मीप्‍पे मी यरी ठेक्‍केन् बेत्।

मत्‍ती 20:6

ॱनी हुनी इक् यङ् दक्‍पु दी फीच्‍च्‍य छ्‌युजो़त् ॱङे छो़त्‍ल आक् ठोम् दीलरङ् डोगेन् बेत्। ॱनी हुदु यङ् ले मीप्‍पे मी यरी ठेक्‍केन् बेत्। ठेत्‍नी, हुबल दक्‍पु दीगी खीत् घन्‍डल ङीङ्‌गङ् ले मीत् झ्‍यीप्‍प, नुक्‍रङ् दो़क्‍को़प्‍प? सीन्‍न ढीगेन् बेत्।

मत्‍ती 25:26

हीगी लेल्‍ल ज्‍यीन्‍दक् दीगी रङ् ॱयोक्‍पु दी़त्‍ङेन् ॱअर्स्‍यीय च्‍यीक् दुक्। ङे ॱसो़न्‍दोक् च्‍यीक् इक् ॱमत् तबे तो़न्‍दोक् लीन्‍दु युङ्‌गेन् धङ् ॱसल ॱसो़न् दीरङ् मत् ज्‍यबे तो़न्‍दोक् तोक्‍तु युङ्‌गेन् हीम्‍ब रङ्‌ल ॱस्‍यो़च्‍च्‍ये दुक् न ॱनी।

युहन्‍ना 15:2

ॱनी डलु ॱमीत् छ्‌यागेन् यल्‍लक् घयेत् दी खोङ्‌गी कुरीक् चप्‍न पुर् तोङ्‌गेन् बेत्। डलु छ्‌यागेन् घयेत् दी हरुङ् गदु छ्‌याज्‍ये यो़प्‍पल खोङ्‌गी ॱहीप्‍न गदु सोगेन् बेत्।

युहन्‍ना 17:3

फु तक्‍पे छी दी कोलीमी घयेक्‍की को़न्‍ज्‍योक् दी नीज्‍यरङ् च्‍यीगी च्‍यीक्‍रङ् दुक् ॱनो़न गन्‍दीय ङु ॱस्‍यीब धङ् नीज्‍यरङ्‌गी तङे येशु ख्रीष्‍ट् ङु ॱस्‍यीब हीगो बेत्।

युहन्‍ना 5:42

खीत्‍रङ् घन्‍दुक् झ्‍यीब हीम्‍ब हुगो ङल ॱस्‍यो़च्‍च्‍ये यो़त्। खीत्‍रङ्‌गी ॱसीम्‍ल को़न्‍ज्‍योक्‍ल झ्‍यम्‍ब मीन्‍दुक्।

रोमी 12:11

ॱअर्स्‍यी ॱमत् ॱस्‍यो़प्‍प, ॱसीम्‍नी धेप्‍प मो़बे स्‍यीदङ् झ्‍यीन धम्‍बे थुगी मी बर डस्‍सी ॱसीम्‍ल झ्‍युङ्‌न चोव ज्‍यीन्‍दक्‍ल स्‍यप्‍च्‍यी़ ज्‍युज्‍यीत्।

१ कोरीन्‍थी 15:58

हीगो झ्‍यीनी ङे झ्‍यम्‍बे पी़न्‍ज्‍यासो खीत्‍रङ् थीरीय योक् योक् ठी़त् ठी़त् मीप्‍प दो़च्‍च्‍यीत्। खीत्‍रङ्‌गी कले च्‍येप्‍पे चोव ज्‍यीन्‍दक्‍की ले दी घो ॱमीत् छ्‌यो़त्‍ल मीत् डोगेन् बेत्। हीगो ॱस्‍यो़च्‍च्‍ये झ्‍यीनी खीत्‍रङ्‌गी टेत् च्‍येत्‍न छीगङ् चोव ज्‍यीन्‍दक्‍की ले झ्‍यीक्‍कीन् झ्‍यीज्‍यीत्।

२ कोरीन्‍थी 13:5

खीत्‍रङ् दीम्‍बरङ् छ्‌य स्‍योक्‍केन् हीन् धङ् मेन् रङ्‌गी रङ्‌ल नम् च्‍येत्‍न छो़त् तो़। ख्रीष्‍ट् येशु खीत्‍रङ्‌गी नङ्‌न युङ्‌न यो़प्‍प हीम्‍ब खीत्‍रङ्‌गी ॱह घो यो़ट्‌टो। स्‍येन् हुगो ॱह मत् घोन ॱनी, हुल खीत्‍रङ् फम् छुगेन् बेत्।

२ कोरीन्‍थी 8:2

उन यो़प्‍पे छ्‌यो़ छो घयेत्‍ल दुक्‍प अयेक्‍प नोङ्‌न, हुन्‍दुक्‍मे छो़त्‍लीन् छ्‌यीय झ्‍युङ्‌न अक्, रोसो गेस छ्‌यीम्‍मु झ्‍यीब बेत्। हीगो झ्‍यीनी हुब घयेत् म दीरङ् टङ्‌बु दुक्‍सी यो़त्‍न अक्, तीच्‍च्‍येगी छ्‌योल गस्‍सी फो़त्‍न, गज्‍येन् टेप्‍प बेत्।

२ कोरीन्‍थी 8:7

ॱनी म दी खीत्‍रङ् कुरीक् छ्‌य गन्‍दीक्‍म स्‍योक्‍केल्‍ल, तम् खेसी ॱस्‍यो़क्‍केल्‍ल, धो़न् ॱह घोगेल्‍ल, धेप्‍पे स्‍यीदङ् लङ्‌गेल्‍ल, ङीत्‍ल झ्‍यम्‍ब झ्‍यीक्‍केल्‍ल धङ् हुन्‍दुक् झ्‍यीब कुरीक्‍ल खीत्‍रङ् गस्‍सी झ्‍यीक्‍केल्‍ल ॱसोङ्‌दुक्। ॱनी हीगो डस्‍सीरङ् हुगी टो़च्‍च्‍येमे गये ले हुल अक् गस्‍सी झ्‍यीक्‍केल्‍ल थो़न् छुब झ्‍यीज्‍यीत्।

२ कोरीन्‍थी 9:14

खीत्‍रङ्‌ल को़न्‍ज्‍योक्‍की नुक्‍मे थुज्‍यीगी ज्‍यीक्‍प ॱनङ हीम्‍ब हुबे ॱह घोनी, खीत्‍रङ् ढेन्‍सी झ्‍यीन हुबे खीत्‍रङ्‌गी ढीक्‍ल ॱसुव तोप्‍केन् बेत्।

फीलीप्‍पी 1:9

खीत्‍रङ् नङ्‌जोल यो़प्‍पे झ्‍यम्‍ब दी ज्‍यीक्‍तु, ॱनी धो़न् दी गदु ॱह घोज्‍ये यो़प्‍प धङ् गवक् ॱयुव पीक्‍लु दी गदु ॱस्‍यीज्‍ये यो़प्‍पे ढीक्‍ल ङे ॱसुव तोप्‍को़त्।

फीलीप्‍पी 2:5

ख्रीष्‍ट् येशुगी थुदङ् छ्‌येत्‍मीत् खीत्‍रङ्‌गी ॱसीम् दी इक् युङ् गोगेन् बेत्।

फीलीप्‍पी 3:8

ॱनी धो़न् ङोम दी ङे चोव ज्‍यीन्‍दक् ख्रीष्‍ट् येशु ङु ॱस्‍यीब हुगो चा छ्‌यीस्‍स्‍योल ॱनेगुक्। खोङ्‌दङ् ङोस्‍स्‍यीन् युङ धङ् खोङ्‌दङ् मत् ढेब हील तेन, ङे ॱएङ्‌गी ले घयेत् हुगो घी़न्‍नक् धङ् धो़म्‍मीक्‍की ले जेङ् झ्‍यीब हीम्‍ब छोर्कुक्। खोङ्‌गी धो़ल्‍ल हुगो कुरीक् फङ् छरेन्।

कलस्‍सी 1:10

ॱनी खीत्‍रङ्‌गी मीजीगी छ्‌यलु दी चोव ज्‍यीन्‍दक्‍ल ओ़ब युङ्‌ज्‍ये यो़प्‍प धङ् हीनी छीगङ् खीत्‍रङ्‌गी चोव ज्‍यीन्‍दक् थु गुवे ले झ्‍यीत् छुज्‍ये यो़प्‍प धङ् गये लेगी ढङ्‌गी डेबु छ्‌याज्‍ये यो़प्‍प धङ् को़न्‍ज्‍योक्‍की थुरीक् हरुङ् ज्‍यीक्‍तु ॱह घोज्‍ये यो़प्‍प तोङ्।

कलस्‍सी 2:7

खीत्‍रङ्‌गी धेप्‍प दी ज्‍यीक्‍तु डोज्‍येल धेप्‍पे ढादक् दी खोङ्‌ल गन्‍दीक्‍म च्‍यङ्‌न, चव छुन युङ्‌न, खीत्‍रङ्‌ल ॱलबे ॱलोप्‍स दील पीब खीत्‍रङ्‌गी छ्‌य स्‍यक्‍प दी डम्‍दु डोज्‍ये यो़प्‍प झ्‍यीज्‍यीत्। ॱनी खीत्‍रङ्‌गी को़न्‍ज्‍योक्‍ल थु छ्‌यी ज्‍येबर् पु पुब झ्‍यीज्‍यीत्।

कलस्‍सी 3:16

ख्रीष्‍ट्‌की केच्‍च्‍य छङ्‌म खीत्‍रङ्‌गी ॱसीम्‍बे नङ्‌दु धो़ल्‍ल ङाब झ्‍यीज्‍यीत्। हुनी को़न्‍ज्‍योक्‍की ढीन् ॱसम्‍न ॱसुङ्‌रप्‍की गुल्‍लु, तो़त्‍लु धङ् धम्‍बे थुगी ॱनङे ॱलु ॱसीम्‍बे यीक्‍नी लीन्‍न खोङ्‌ल पुज्‍यीत्। हुनी खेजो़त् झ्‍यीन ॱलप्‍न च्‍यीक्‍तङ् च्‍यीक्‍ल फेम्‍बे ॱलोप्‍स ज्‍योप्‍च्‍यीत्।

१ थीस्‍सलोनीका 3:12

ङीक्‍की खीत्‍रङ्‌ल झ्‍यम्‍ब यो़प्‍प डस्‍सी खीत्‍रङ्‌गी च्‍यीक्‍तङ् च्‍यीक्‍ल धङ् मी कुरीक्‍ल झ्‍यम्‍ब झ्‍यीक्‍केङ्‌गी झ्‍यम्‍सीम् दी चोव ज्‍यीन्‍दक्‍की हरुङ् छ्‌यीदु डोदु ची़च्‍च्‍ये यो़प्‍प तोङ्।

१ थीस्‍सलोनीका 4:1

हरुङ् पी़न्‍ज्‍यासो, को़न्‍ज्‍योक् गुवे मीजीगी लेमु खीत्‍रङ्‌गी ङीत् च्‍यानी ॱस्‍यीगेन् बेत्। ॱनी हुगो डस्‍सी दीरङ् खीत्‍रङ्‌गी झ्‍यीक्‍को़प्‍पेत्। ॱनी हरुङ् मङ्‌दु मङ्‌दु झ्‍यीज्‍यीत् सीन्‍न ङीत् चोव ज्‍यीन्‍दक् येशुगी छेन्‍नी ॱलोप्‍स ज्‍यक्‍केन् हीनो।

२ थीस्‍सलोनीका 1:3

पी़न्‍ज्‍यासो, खीत्‍रङ्‌गी छ्‌य स्‍यक्‍प दी डम्‍दु डम्‍दु झ्‍युङ्‌न युङ दील धङ् च्‍यीक्‍तङ् च्‍यीक्‍ल झ्‍यीक्‍केङ्‌गी झ्‍यम्‍ब दी छ्‌यीदु छ्‌यीदु ज्‍येन युङ दील ङीक्‍की छीगङ् को़न्‍ज्‍योक्‍ल थु छ्‌यी पु पुब झ्‍यीत् गोगो़त्।

१ तीमोथी 5:13

हुब गीर्च्‍यम्‍बल ॱसोङ्‌न ॱअर्स्‍यीयल डोगेन् बेत्। ॱनी हीगो छ्‌युवक् मेम्‍ब, हुब फालप् लप्‍केन्, ॱयोङ्‌गी धो़ङ्‌गी ढीक्‍ल यो़च्‍चो़त् सीक्‍केन् धङ् मत् ओ़बे तम् लप्‍केन् युङ्‌गेन् बेत्।

तीतस् 3:14

हुन्‍दुक् झ्‍यीब गो़जो़त् च्‍येम्‍म घयेत्‍ल हज्‍यरङ् छ्‌य स्‍योक्‍केङ्‌गी मी घयेक्‍की तीच्‍च्‍येमे ॱसीम् खुर्न गये ले झ्‍यीच्‍च्‍येम रङ्‌गी रङ्‌ल ॱलोप् गोगेन् बेत्। स्‍येन् हुगो डेबु मीप्‍प डस्‍सी युङ्‌गेन् बेत्।

फीलेमोन् 1:6

ख्रीष्‍ट्‌तङ् मत् ढेबल हज्‍यरङ्‌ल थोबे गये लेमी़ ढे घयेत् दी नीज्‍यरङ्‌गी धक्‍पोक्‍म ॱह घोज्‍ये यो़प्‍पल धङ् नीज्‍यरङ्‌गी छ्‌य स्‍यक्‍पे लेमु दी ॱयोङ्‌माल आक् तो़न्‍न ॱस्‍यो़च्‍च्‍ये यो़प्‍पल ङ ॱसुव तोप्‍को़त्।

हीब्रु 6:12

खीत्‍रङ् ॱअर्स्‍यी ॱमत् ॱस्‍यो़प्‍प, हीन्‍दुक् झ्‍यीबे मी घयेक्‍की ॱमीदेल तेन दो़च्‍च्‍यीत्। हुबे धु च्‍यङ्‌न को़न्‍ज्‍योक्‍की छ्‌यो़त्‍तुम् जेप्‍पल गुन छ्‌य स्‍यक्‍न युङ्‌नी, हुबल हुगो थोब बेत्।

२ पत्रुस् 1:2

को़न्‍ज्‍योक् धङ् हज्‍यरङ्‌गी चोव ज्‍यीन्‍दक् येशु ख्रीष्‍ट् खीत्‍रङ्‌गी ङु ॱस्‍यीन यो़प्‍पे लम्‍नी खीत्‍रङ्‌ल थुज्‍यी धङ् ॱसीम् दीव ज्‍येबर् युङ्‌ज्‍ये यो़प्‍प तोङ्।

२ पत्रुस् 1:3

को़न्‍ज्‍योक्‍ल धेप्‍प मो़ब झ्‍यीप्‍पल गो़बे लेमु धङ् हज्‍यरङ्‌गी छी हील गो़बे लेमु घयेत् को़न्‍ज्‍योक्‍की ॱस्‍यीक्‍की हज्‍यरङ्‌ल ॱनङ्‌न यो़क्‍केन् बेत्। हीगो तो़त्‍वङ्‌गी ओ़च्‍च्‍य धङ् खोङ्‌गी थु गव यो़स्‍सल भो़क्‍केन्, को़न्‍ज्‍योक् हज्‍यरङ्‌गी ङु ॱस्‍यीबे लम्‍नी थोप्‍न यो़क्‍केन् बेत्।

२ पत्रुस् 2:20

स्‍येन् हुबे एल्‍ला हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट् ङु ॱस्‍यीन जम्‍बुलीङ्‌गी स्‍यीलोक्‍सीगी ङीब घयेत्‍नी थर्न युङ बेत्। ॱनी हुब यङ् हुगी ॱङीङ् दीलरङ् सीन्‍न हुगी ॱवङ्‌ल ॱसोङ्‌नी, हुब एल्‍लाले हरुङ् दुक्‍तु डोगेन् बेत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।