२ पत्रुस् 1:6 - ल्होमी6 हुनी धो़र्रीक् दील ॱनो़जो़त् घङ्बु मत् झ्यीब, ॱसीम् सुङ् छुब गो़गेन्, हुनी ॱसीम् सुङ् छुब दील धु गो़गेन्, हुनी धु दील डीक्पे को़न्ज्योक्ल धेप्प मो़ब गो़गेन्, Faic an caibideil |
२ पत्रुस् 1:6
40 Iomraidhean Croise
ॱनी पावल्की ढङ्बु झ्यीत् गोगेङ्गी ढीक्ल, ॱनो़जो़त् घङ्बु झ्यीच्च्ये मीत् युङ्गेङ्गी ढीक्ल धङ् तीङ्ला को़न्ज्योक्की मी कुरीक्ल ठीम् च्यो़क्केन् हीम्बे ढीक्ल तम् ॱस्येत्नी ॱनी, हुल फेलीक्सा ज्यीबे, ह हन्देन् हीजो़त् च्यीक्की युङेत्। तीङ्ला खोम्बे यङ्ल रङ् तो़न्न यङ् ॱस्यो़त्तु ची़क्केन् झ्यीब बेत्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
हुन्दुक् झ्यीन म दीरङ् कुरीक् खरप्ल टप् डोगेन् झ्यीनी, हुनी खीत्रङ् घन्दुक् झ्यीब युङ् गोगेन् बेक्क? को़न्ज्योक्की हुगी ङीन् युङ हुल ॱसम्न ज्योक्सी युङ्दु ची़क्केन् खीत्रङ्सो धेस्सीम् छ्यीम्मु धङ् छ्यलु चङ्म युङ झ्यीत् गोगेन् बेत्। ॱनी हीगी ङीङ्गी यङ्ल इगी ॱनम्न घङ् यो़प्प घयेत् मी छीक्न खरप्ल डोगेन् बेत्। ॱसल यो़प्पे ढङ् घयेत् ढो़क्की स्यु डोगेन् बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
छ्यो़ छो नङ्दु खीत्रङ्गी कले च्येप्प, धु च्योङ धङ् हुनी ॱयोङ्मा घङ् झ्यीप्प घयेत् कुरीक् ङल ॱस्यो़च्च्ये यो़त्। मी ङेम्ब घयेक्की खल खीत्रङ् मत् नेम्ब हीम्ब ङल ॱस्यो़च्च्ये यो़त्। हुबे ङीत् ठीक्नल हीन् सीन्न सीक्केन् बेत्। ॱनी सीन्न अक्, खीत्रङ्गी हुबल छो़त् तेन जी़म हीम्ब ॱयुव पीक् छुसोङ्।
Sanasan